ਬਰਫਬਾਰੀ ਕਾਰਨ ਲੇਹ ਮਨਾਲੀ ਹਾਈਵੇਅ ਬੰਦ ਹੈ
ਸ਼ਿਮਲਾ: ਹਿਮਾਚਲ ਪ੍ਰਦੇਸ਼ ਵਿੱਚ ਮਾਨਸੂਨ ਜ਼ੋਰਾਂ ਸ਼ੋਰਾਂ 'ਤੇ ਹੈ। ਰਾਜ ਦੇ ਮਨਾਲੀ ਦੇ ਰੋਹਤਾਂਗ ਦੱਰੇ ਅਤੇ ਲਾਹੌਲ ਸਪਿਤੀ ਦੇ ਬਰਾਲਾਚਾ ਦੱਰੇ ਸਮੇਤ ਉੱਚੀਆਂ ਚੋਟੀਆਂ 'ਤੇ ਬਰਫਬਾਰੀ ਹੋਈ ਹੈ। ਵੀਰਵਾਰ ਨੂੰ ਵੀ ਸ਼ਿਮਲਾ ਸਮੇਤ ਸੂਬੇ ਦੇ ਹੋਰ ਇਲਾਕਿਆਂ 'ਚ ਮੀਂਹ ਪਿਆ। ਬਰਫਬਾਰੀ ਕਾਰਨ ਲੇਹ ਮਨਾਲੀ ਹਾਈਵੇਅ ਬੰਦ ਹੈ। ਬੁੱਧਵਾਰ ਨੂੰ ਬੰਦ ਕੀਤਾ ਗਿਆ ਹਾਈਵੇਅ ਅਜੇ ਤੱਕ ਨਹੀਂ ਖੁੱਲ੍ਹਿਆ ਹੈ। ਵਾਹਨਾਂ ਨੂੰ ਕੇਵਲ ਕੇਲੋਂਗ ਤੋਂ ਦਾਰਚਾ ਤੱਕ ਜਾਣ ਦੀ ਇਜਾਜ਼ਤ ਦਿੱਤੀ ਜਾ ਰਹੀ ਹੈ। ਇਸ ਤੋਂ ਇਲਾਵਾ ਕਾਜ਼ਾ ਗ੍ਰੰਫੂ-ਮਨਾਲੀ ਹਾਈਵੇਅ ਵੀ ਬੰਦ ਹੈ।
ਹਿਮਾਚਲ 'ਚ ਕੁੱਲੂ, ਸ਼ਿਮਲਾ ਅਤੇ ਹੋਰ ਖੇਤਰਾਂ 'ਚ ਹਲਕੀ ਬਾਰਿਸ਼ ਦਰਜ ਕੀਤੀ ਗਈ ਹੈ।ਪਿਛਲੇ 12 ਘੰਟਿਆਂ 'ਚ ਸੋਲਨ 'ਚ 50.4 ਮਿਲੀਮੀਟਰ, ਸਿਰਮੌਰ ਦੇ ਰੇਣੂਜੀ 'ਚ 43.0, ਸਿਰਮੌਰ ਦੇ ਨਾਹਨ 'ਚ 37.8 ਅਤੇ ਮਨਾਲੀ 'ਚ 28.0 ਮਿ.ਮੀ. ਬਾਰਸ਼ ਦਰਜ ਕੀਤੀ ਗਈ ਹੈ।
ਬਰਾਲਾਚਾ ਅਤੇ ਤੰਗਲਾਂਗਲਾ ਵਿੱਚ 10 ਸੈਂਟੀਮੀਟਰ ਤਾਜ਼ਾ ਬਰਫ਼ਬਾਰੀ ਕਾਰਨ ਮਨਾਲੀ-ਲੇਹ ਸੜਕ ਹਰ ਤਰ੍ਹਾਂ ਦੇ ਵਾਹਨਾਂ ਲਈ ਬੰਦ ਹੈ। ਬਰਾਲਾਚਾ ਦੱਰੇ ਸਮੇਤ ਜ਼ਾਂਸਕਰ ਅਤੇ ਸ਼ਿੰਕੁਲਾ ਵੱਲ ਜਾਣ ਵਾਲੇ ਸੈਲਾਨੀਆਂ ਨੂੰ ਵੀ ਦਾਰਚਾ ਵਿੱਚ ਰੋਕ ਦਿੱਤਾ ਗਿਆ ਹੈ। ਬੀਤੀ ਰਾਤ ਤੋਂ ਸ਼ਿੰਕੁਲਾ ਦੱਰੇ ਵਿੱਚ ਵੀ ਬਰਫ਼ਬਾਰੀ ਹੋਈ ਹੈ।
