390 ਤੋਂ ਵੱਧ ਵਸਤੂਆਂ 'ਤੇ ਹੋਵੇਗੀ ਟੈਕਸ ਕਟੌਤੀ : ਅਮਿਤ ਸ਼ਾਹ
Modi's Promise of GST Reforms will be Implemented Across the Country from Today Latest News in Punjabi ਨਵਾਂ GST-2.0 ਅੱਜ ਤੋਂ ਦੇਸ਼ ਭਰ ਵਿਚ ਲਾਗੂ ਹੋ ਗਿਆ ਹੈ। ਪੀਐਮ ਮੋਦੀ ਨੇ ਇਸ ਨੂੰ ਦੇਸ਼ ਵਾਸੀਆਂ ਲਈ "ਬਚਤ ਦਾ ਤਿਉਹਾਰ" ਦਸਿਆ। ਅਮਿਤ ਸ਼ਾਹ ਨੇ ਇਹ ਵੀ ਕਿਹਾ ਕਿ ਪੀਐਮ ਮੋਦੀ ਨੇ ਦੇਸ਼ ਦੀਆਂ ਮਾਵਾਂ ਅਤੇ ਭੈਣਾਂ ਨਾਲ ਕੀਤੇ ਅਪਣੇ ਵਾਅਦੇ ਨੂੰ ਪੂਰਾ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਨਵਰਾਤਰੀ ਦੇ ਸ਼ੁੱਭ ਮੌਕੇ 'ਤੇ ਦੇਸ਼ ਦੀਆਂ ਸਾਰੀਆਂ ਮਾਵਾਂ ਅਤੇ ਭੈਣਾਂ ਨੂੰ ਮੋਦੀ ਸਰਕਾਰ ਦਾ ਤੋਹਫ਼ਾ NextGenGST ਸੁਧਾਰ ਹੈ। ਜੀ.ਐਸ.ਟੀ. ਸੁਧਾਰ ਦਾ ਮੋਦੀ ਦਾ ਵਾਅਦਾ ਅੱਜ ਦੇਸ਼ ਭਰ ਵਿਚ ਲਾਗੂ ਹੋ ਗਿਆ ਹੈ। ਇਸ ਜੀਐਸਟੀ ਵਿਚ 390 ਤੋਂ ਵੱਧ ਵਸਤੂਆਂ 'ਤੇ ਟੈਕਸਾਂ ਵਿਚ ਇਤਿਹਾਸਕ ਕਟੌਤੀ ਸ਼ਾਮਲ ਹੈ।
ਸ਼ਾਹ ਨੇ ਕਿਹਾ ਕਿ ਭੋਜਨ ਅਤੇ ਘਰੇਲੂ ਸਮਾਨ, ਘਰ ਬਣਾਉਣ ਅਤੇ ਸਮੱਗਰੀ, ਆਟੋਮੋਬਾਈਲ, ਖੇਤੀਬਾੜੀ, ਸੇਵਾਵਾਂ, ਖਿਡੌਣੇ, ਖੇਡਾਂ ਅਤੇ ਦਸਤਕਾਰੀ, ਸਿਖਿਆ, ਡਾਕਟਰੀ ਅਤੇ ਸਿਹਤ ਅਤੇ ਬੀਮਾ ਵਰਗੇ ਖੇਤਰਾਂ ਵਿਚ ਬੇਮਿਸਾਲ ਜੀ.ਐਸ.ਟੀ. ਰਾਹਤ ਦੇਸ਼ ਵਾਸੀਆਂ ਦੇ ਜੀਵਨ ਵਿਚ ਖ਼ੁਸ਼ੀਆਂ ਲਿਆਏਗੀ ਅਤੇ ਉਨ੍ਹਾਂ ਦੀ ਬੱਚਤ ਵਧਾਏਗੀ।
ਭਾਵੇਂ ਇਹ ਬਹੁਤ ਸਾਰੇ ਡੇਅਰੀ ਉਤਪਾਦਾਂ 'ਤੇ GST ਨੂੰ ਜ਼ੀਰੋ ਕਰਨ ਦੀ ਗੱਲ ਹੋਵੇ, ਜਾਂ ਸਾਬਣ, ਟੁੱਥਬ੍ਰਸ਼, ਟੂਥਪੇਸਟ, ਵਾਲਾਂ ਦਾ ਤੇਲ ਅਤੇ ਸ਼ੈਂਪੂ ਵਰਗੀਆਂ ਰੋਜ਼ਾਨਾ ਵਰਤੋਂ ਦੀਆਂ ਚੀਜ਼ਾਂ 'ਤੇ ਦਰਾਂ ਘਟਾਉਣ ਦੀ ਗੱਲ ਹੋਵੇ, NextGenGST ਸੁਧਾਰ ਨੇ ਹਰ ਘਰ ਵਿਚ ਖ਼ੁਸ਼ੀ ਲਿਆਂਦੀ ਹੈ।
ਜੀਵਨ ਬੀਮਾ, ਸਿਹਤ ਬੀਮਾ, ਸੀਨੀਅਰ ਸਿਟੀਜ਼ਨ ਪਾਲਿਸੀਆਂ, 33 ਜੀਵਨ-ਰੱਖਿਅਕ ਦਵਾਈਆਂ ਅਤੇ ਡਾਇਗਨੌਸਟਿਕ ਕਿੱਟਾਂ 'ਤੇ ਜ਼ੀਰੋ GST ਤੋਂ ਲੈ ਕੇ ਆਕਸੀਜਨ, ਸਰਜੀਕਲ ਯੰਤਰਾਂ, ਮੈਡੀਕਲ, ਦੰਦਾਂ ਅਤੇ ਪਸ਼ੂਆਂ ਦੇ ਉਪਕਰਣਾਂ 'ਤੇ ਘੱਟੋ-ਘੱਟ GST ਤਕ, GST ਸੁਧਾਰ ਨਾਗਰਿਕਾਂ ਲਈ ਬੱਚਤ ਵਿਚ ਕਾਫ਼ੀ ਵਾਧਾ ਕਰੇਗਾ।
ਖੇਤੀਬਾੜੀ ਉਪਕਰਣਾਂ ਅਤੇ ਖਾਦਾਂ 'ਤੇ GST ਕਟੌਤੀ ਨਾਲ ਕਿਸਾਨਾਂ ਨੂੰ ਉਤਸ਼ਾਹਿਤ ਕੀਤਾ ਗਿਆ ਹੈ, ਅਤੇ ਹੁਣ ਨਾਗਰਿਕਾਂ ਨੂੰ ਵਾਹਨ ਖਰੀਦਣ ਬਾਰੇ ਜ਼ਿਆਦਾ ਚਿੰਤਾ ਨਹੀਂ ਕਰਨੀ ਪਵੇਗੀ। ਇਹ GST ਸੁਧਾਰ ਸਵੈ-ਨਿਰਭਰਤਾ ਨੂੰ ਵੀ ਉਤਸ਼ਾਹਤ ਕਰੇਗਾ। ਤੁਹਾਨੂੰ ਵੀ ਰੋਜ਼ਾਨਾ ਵਰਤੋਂ ਦੀਆਂ ਚੀਜ਼ਾਂ ਲਈ ਸਵਦੇਸ਼ੀ ਨੂੰ ਅਪਣਾਉਣ ਦੀ ਲੋੜ ਹੈ।
GST 2.0 ਅੱਜ ਤੋਂ ਅਧਿਕਾਰਤ ਤੌਰ 'ਤੇ ਲਾਗੂ ਹੋ ਗਿਆ ਹੈ। ਇਸ ਨਾਲ, ਭਾਰਤ ਭਰ ਦੇ ਖ਼ਰੀਦਦਾਰਾਂ ਨੂੰ ਰੋਜ਼ਾਨਾ ਵਰਤੋਂ ਦੀਆਂ ਚੀਜ਼ਾਂ ਅਤੇ ਸੇਵਾਵਾਂ ਲਈ ਭੁਗਤਾਨ ਕੀਤੀ ਜਾਣ ਵਾਲੀ ਰਕਮ ਵਿਚ ਬਦਲਾਅ ਦੇਖਣ ਨੂੰ ਮਿਲਣਗੇ। ਬਹੁਤ ਸਾਰੀਆਂ ਚੀਜ਼ਾਂ ਸਸਤੀਆਂ ਹੋ ਰਹੀਆਂ ਹਨ, ਜਿਸ ਨਾਲ ਲੋਕਾਂ ਨੂੰ ਬਹੁਤ ਫਾਇਦਾ ਹੋਵੇਗਾ। GST 2.0 ਤੋਂ ਪਹਿਲਾਂ ਐਤਵਾਰ ਨੂੰ ਪ੍ਰਧਾਨ ਮੰਤਰੀ ਮੋਦੀ ਨੇ ਰਾਸ਼ਟਰ ਨੂੰ ਸੰਬੋਧਨ ਕੀਤਾ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ, "ਅਗਲੀ ਪੀੜ੍ਹੀ ਦੇ ਜੀ.ਐਸ.ਟੀ. ਸੁਧਾਰ ਕੱਲ ਤੋਂ ਲਾਗੂ ਹੋਣਗੇ। ਜੀ.ਐਸ.ਟੀ. ਬਚਤ ਤਿਉਹਾਰ ਸ਼ੁਰੂ ਹੋਵੇਗਾ, ਜੋ ਘਰਾਂ, ਦੁਕਾਨਦਾਰਾਂ, ਕਿਸਾਨਾਂ ਅਤੇ ਕਾਰੋਬਾਰਾਂ ਲਈ ਬੱਚਤ ਵਧਾਏਗਾ, ਅਤੇ ਭਾਰਤ ਦੀ ਵਿਕਾਸ ਯਾਤਰਾ ਨੂੰ ਵੀ ਤੇਜ਼ ਕਰੇਗਾ।" ਨਵਾਂ ਟੈਕਸ ਢਾਂਚਾ ਜ਼ਰੂਰੀ ਵਸਤੂਆਂ ਅਤੇ ਜਨਤਕ-ਮਾਰਕੀਟ ਉਤਪਾਦਾਂ ਨੂੰ ਵਧੇਰੇ ਕਿਫਾਇਤੀ ਬਣਾਉਣ ਲਈ ਤਿਆਰ ਕੀਤਾ ਗਿਆ ਹੈ, ਜਦੋਂ ਕਿ ਲਗਜ਼ਰੀ ਵਸਤੂਆਂ 'ਤੇ ਬੋਝ ਵਧੇਗਾ। ਇਸ ਦਾ ਮਤਲਬ ਹੈ ਕਿ ਕਰਿਆਨੇ ਦੇ ਬਿੱਲਾਂ, ਡੇਅਰੀ ਅਤੇ ਉਪਕਰਣਾਂ 'ਤੇ ਕੁੱਝ ਰਾਹਤ ਮਿਲੇਗੀ, ਪਰ ਪ੍ਰੀਮੀਅਮ ਸ਼ਰਾਬ, ਸਿਗਰਟ, ਜਾਂ ਵੱਡੇ ਮੋਟਰਸਾਈਕਲਾਂ ਵਰਗੀਆਂ ਲਗਜ਼ਰੀ ਵਸਤੂਆਂ ਦੀਆਂ ਕੀਮਤਾਂ ਵਧ ਜਾਣਗੀਆਂ। ਇਸ ਦੌਰਾਨ, ਰੇਲਗੱਡੀਆਂ 'ਤੇ ਵੇਚਿਆ ਜਾਣ ਵਾਲਾ ਬੋਤਲਬੰਦ ਪਾਣੀ ਵੀ ਸਸਤਾ ਹੋ ਜਾਵੇਗਾ।
(For more news apart from Modi's Promise of GST Reforms will be Implemented Across the Country from Today Latest News in Punjabi stay tuned to Rozana Spokesman.)
