ਲੇਜ਼ਰ ਸ਼ੋਅ ਕਰ ਮਨਾਈ ਜਾਵੇਗੀ 4 ਦਿਨ ਦੀਵਾਲੀ !
ਨਵੀਂ ਦਿੱਲੀ: ਦੀਵਾਲੀ ਨੂੰ ਲੈ ਕੇ ਜਿੱਥੇ ਲੋਕਾਂ ਵੱਲੋਂ ਜੋਰਾਂ ਸ਼ੋਰਾਂ 'ਤੇ ਤਿਆਰੀਆਂ ਕੀਤੀਆ ਜਾ ਰਹੀਆ ਹਨ। ਉੱਥੇ ਹੀ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਵੱਲੋਂ ਇੱਥੋਂ ਦੇ ਲੋਕਾਂ ਨੂੰ ਪ੍ਰਦੂਸ਼ਣ ਰਹਿਤ ਇਕੱਠੇ ਮਿਲ ਕੇ ਦੀਵਾਲੀ ਮਨਾਉਣ ਦਾ ਸੱਦਾ ਦਿੱਤਾ ਗਿਆ। ਦਅਰਸਲ ਅਰਵਿੰਦ ਕੇਜਰੀਵਾਲ ਅਤੇ ਮਨੀਸ਼ ਸ਼ਿਸ਼ੋਦੀਆਂ ਨੇ ਪ੍ਰੈੱਸ ਕਾਨਫਰੰਸ ਕਰ ਸਾਰੇ ਲੋਕਾਂ ਨੂੰ ਇੱਕ ਅਨੋਖੇ ਢੰਗ ਨਾਲ ਲੇਜ਼ਰ ਸ਼ੋਅ ਕਰ ਕੇ ਦੀਵਾਲੀ ਮਨਾਉਣ ਲਈ ਸੱਦਾ ਦਿੱਤਾ ਗਿਆ।
ਜੋ ਕਿ 26 ਅਕਤੂਬਰ ਤੋਂ 29 ਤਰੀਕ ਤੱਕ ਵੱਡੇ ਵੱਧਰ 'ਤੇ ਲੇਜ਼ਰ ਸ਼ੋਅ ਕਰ ਕੇ ਪ੍ਰਦੂਸ਼ਣ ਰਹਿਤ ਦੀਵਾਲੀ ਮਨਾਈ ਜਾਵੇਗੀ। ਉਹਨਾਂ ਕਿਹਾ ਕਿ 26 ਤਰੀਕ ਨੂੰ ਛੋਟੀ ਦੀਵਾਲੀ ਮਨਾਈ ਜਾਵੇਗੀ ਤੇ 27 ਤਰੀਕ ਨੂੰ ਵੱਡੀ ਦੀਵਾਲੀ ਮਨਾਈ ਜਾਵੇਗੀ। ਤਕਰੀਬਨ 4 ਦਿਨ ਤਕ ਲੇਜ਼ਰ ਸ਼ੋਅ ਜਾਰੀ ਰਹੇਗਾ। ਇਸ ਦੇ ਲਈ ਕੋਈ ਪਾਸ ਨਹੀਂ ਹੈ। ਇਹ ਪ੍ਰੋਗਰਾਮ ਬਿਲਕੁੱਲ ਮੁਫ਼ਤ ਹੈ। ਲੈਜ਼ਰ ਨਾਲ ਸ਼ਾਨਦਾਰ ਤਰੀਕਿਆਂ ਨਾਲ ਸੀਪੀ ਨੂੰ ਸਜਾਇਆ ਜਾਵੇਗਾ।
ਇਕ ਇਕ ਘੰਟੇ ਦੀ ਲੈਜ਼ਰ ਸ਼ੋਅ ਦੀ ਸਾਈਕਲ ਹੋਵੇਗੀ ਜੋ ਕਿ ਵਾਰ ਵਾਰ ਰੀਪੀਟ ਕੀਤੀ ਜਾਵੇਗੀ। ਇਸ ਤੋਂ ਇਲਾਵਾ ਹੋਰ ਵੀ ਕਈ ਪ੍ਰਕਾਰ ਦੇ ਆਰਟ ਕਰਵਾਏ ਜਾਣਗੇ। ਇਸ ਵਿਚ ਵੀ ਬਹੁਤ ਕੁੱਝ ਵੱਖਰਾ ਵੇਖਣ ਨੂੰ ਮਿਲੇਗਾ। ਇਕ ਨਵੇਂ ਤਰੀਕੇ ਨਾਲ ਦੀਵਾਲੀ ਮਨਾਉਣ ਦੀ ਪਹਿਲ ਕੀਤੀ ਗਈ ਹੈ ਤਾਂ ਕਿ ਲੋਕ ਪਟਾਕਿਆਂ ਤੋਂ ਦੂਰ ਰਹਿਣ। ਉਹਨਾਂ ਨੂੰ ਪਟਾਕੇ ਚਲਾਉਣ ਦੀ ਜ਼ਰੂਰਤ ਮਹਿਸੂਸ ਨਾ ਹੋਵੇ।
ਇਸ ਪ੍ਰਕਾਰ ਹਰ ਪਾਸੇ ਪ੍ਰਦੂਸ਼ਣ ਹੋ ਜਾਂਦਾ ਹੈ ਜਿਸ ਤੋਂ ਬਚਣ ਦਾ ਇਹ ਸਭ ਤੋਂ ਵਧੀਆ ਤਰੀਕਾ ਹੈ। ਦੱਸ ਦੇਈਏ ਕਿ ਅਰਵਿੰਦ ਕੇਜਰੀਵਾਲ ਵੱਲੋਂ ਸਾਰੇ ਲੋਕਾਂ ਨੂੰ ਪ੍ਰਦੂਸ਼ਣ ਰਹਿਤ ਦੀਵਾਲੀ ਮਨਾਉਣ ਦਾ ਸੰਦੇਸ਼ ਦਿੱਤਾ ਗਿਆ।
ਉੱਥੇ ਹੀ ਕੇਜਰੀਵਾਲ ਨੇ ਕਿਹਾ ਕਿ ਉਹਨਾਂ ਦਾ ਮਕਸਦ ਇਹ ਹੈ ਕਿ ਦਿੱਲੀ ਦੇ ਸਾਰੇ ਲੋਕ ਪਰਿਵਾਰ ਦੀ ਤਰ੍ਹਾਂ ਇਕੱਠੇ ਹੋ ਕੇ ਦੀਵਾਲੀ ਮਾਨਉਣ ਤਾਂ ਜੋ ਪਟਾਕੇ ਚਲਾਉਣ ਦੀ ਲੋੜ ਨੂੰ ਮਹਿਸੂਸ ਨਾ ਕੀਤਾ ਜਾ ਸਕੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।