ਭੋਪਾਲ ਦੇ ਮੰਡੀਦੀਪ ਤੋਂ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਇੱਥੇ ਦੀ ਹਿਮਾਂਸ਼ੁ ਕਲੋਨੀ 'ਚ 24 ਘੰਟੇ ਤੋਂ ਬੰਦ ਮਕਾਨ 'ਚ 2 ਬੱਚੇ ਅਤੇ 2 ਔਰਤਾਂ ਦੀਆਂ...
ਭੋਪਾਲ: ਭੋਪਾਲ ਦੇ ਮੰਡੀਦੀਪ ਤੋਂ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਇੱਥੇ ਦੀ ਹਿਮਾਂਸ਼ੁ ਕਲੋਨੀ 'ਚ 24 ਘੰਟੇ ਤੋਂ ਬੰਦ ਮਕਾਨ 'ਚ 2 ਬੱਚੇ ਅਤੇ 2 ਔਰਤਾਂ ਦੀਆਂ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ। ਪਰਵਾਰ ਦੇ ਮੁੱਖੀ ਸੰਨੂ ਨੂੰ ਗੰਭੀਰ ਹਾਲਤ 'ਚ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ।ਦੱਸ ਦਈਏ ਕਿ ਪੁਲਿਸ ਨੂੰ ਘਟਨਾ ਥਾਂ 'ਤੇ ਕੋਈ ਸੁਸਾਇਡ ਨੋਟ ਨਹੀਂ ਮਿਲਿਆ, ਇਸ ਨੂੰ ਲੋਕ ਦਿੱਲੀ ਦੇ ਬੁਰਾੜੀ ਕਾਂਡ ਤੋਂ ਜੋੜ ਕੇ ਵੇਖ ਰਹੇ ਹਨ। ਦੂਜੇ ਪਾਸੇ ਪੁਲਿਸ ਵਲੋਂ ਮਾਮਲੇ ਦੀ ਜਾਂਚ ਜਾਰੀ ਹੈ।
Murder Case
ਪੁਲਿਸ ਦੇ ਮੁਤਾਬਕ ਛੱਤੀਸਗੜ੍ਹ ਨਿਵਾਸੀ 25 ਸਾਲ ਦਾ ਸੰਨੂ ਭੂਰਿਆ ਪਰਵਾਰ ਦੇ ਨਾਲ ਕਿਰਾਏ ਦੇ ਮਕਾਨ 'ਚ ਰਹਿੰਦਾ ਹੈ। ਉਸਦਾ ਘਰ ਪਿਛਲੇ ਦੋ ਦਿਨ ਤੋਂ ਬੰਦ ਸੀ। ਨੇੜੇ-ਤੇੜੇ ਦੇ ਲੋਕਾਂ ਨੂੰ ਸ਼ੱਕ ਹੋਇਆ ਤਾਂ ਉਨ੍ਹਾਂ ਨੇ ਦਰਵਜਾ ਖੜਕਾਇਆ, ਪਰ ਕਿਸੇ ਨੇ ਜਵਾਬ ਨਹੀਂ ਦਿਤਾ। ਜਿਸ ਤੋਂ ਬਾਅਦ ਪੁਲਿਸ ਨੂੰ ਸੂਚਨਾ ਦਿੱਤੀ ਗਈ । ਮੌਕੇ 'ਤੇ ਪਹੁੰਚ ਕੇ ਪੁਲਿਸ ਨੇ ਦਰਵਾਜਾ ਤੋੜਿਆ। ਉਨ੍ਹਾਂ ਨੇ ਵੇਖਿਆ ਕਿ 4 ਲੋਕਾਂ ਦੀ ਮੌਤ ਹੋ ਗਈ ਹੈ ਜਦੋਂ ਕਿ 25 ਸਾਲ ਦਾ ਸੰਨੂ ਦੀ ਸਾਂਸੇ ਚੱਲ ਰਹੀ ਹੈ।
Murder case
ਉਸ ਨੂੰ ਤੁਰਤ ਮੰਡੀਦੀਪ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ। ਇੱਥੋਂ ਉਸਨੂੰ ਹਮੀਦਿਆ ਹਸਪਤਾਲ ਰੈਫਰ ਕਰ ਦਿਤਾ ਗਿਆ। ਜਾਣਕਾਰੀ ਮੁਤਾਬਕ ਸੰਨੂ ਭੂਰਿਆ ਪਰਵਾਰ ਦੇ ਨਾਲ ਕਿਰਾਏ ਦੇ ਮਕਾਨ 'ਚ ਰਹਿੰਦਾ ਹੈ। ਉਹ ਇੱਕ ਨਿਜੀ ਕੰਪਨੀ 'ਚ ਕੰਮ ਕਰਦਾ ਹੈ। ਹਾਲਤ ਨਾਜੁਕ ਹੋਣ ਦੇ ਕਾਰਨ ਉਹ ਗੱਲ ਨਹੀਂ ਕਰ ਪਾ ਰਿਹਾ ਹੈ। ਪੁਲਿਸ ਨੇ ਉਸ ਦੇ ਘਰ ਤੋਂ ਉਸਦੀ ਪਤਨੀ ਪੂਰਨਮਾਸ਼ੀ, 12 ਦਿਨ ਦੀ ਬੱਚੀ ਤੋਂ ਇਲਾਵਾ ਦੀਪਲਤਾ ਅਤੇ ਅਕਾਸ਼ ਦੀ ਲਾਸ਼ ਬਰਾਮਦ ਕੀਤੀ ਹੈ।
Murder
ਦੱਸ ਦਈਏ ਕਿ ਸ਼ੁਰੂਆਤੀ ਜਾਂਚ ਦੇ ਆਧਾਰ 'ਤੇ ਇਹ ਕਿਹਾ ਜਾ ਰਿਹਾ ਹੈ ਕਿ ਚਾਰਾਂ ਲੋਕਾਂ ਦੀ ਮੌਤ ਸਿਗੜੀ ਦੇ ਕਾਰਨ ਹੋਈ। ਠੰਡ ਕਾਰਨ ਪਰਵਾਰ ਰਾਤ 'ਚ ਸਿਗੜੀ ਜਲਾ ਕੇ ਸੋ ਗਿਆ ਸੀ ਅਤੇ ਦਮ ਘੁੱਟਣ ਕਾਰਨ ਚਾਰਾਂ ਲੋਕਾਂ ਦੀ ਮੌਤ ਹੋ ਗਈ , ਪਰ ਕਿਹਾ ਇਹ ਵੀ ਜਾ ਰਿਹਾ ਹੈ ਕਿ ਜੇਕਰ ਸਾਰੇ ਘਰ ਵਾਲਿਆਂ 'ਤੇ ਸਿਗੜੀ ਦਾ ਅਸਰ ਹੋਇਆ ਤਾਂ ਸੰਨੂ ਨੂੰ ਕੋਈ ਫਰਕ ਕਿਉਂ ਨਹੀਂ ਪਿਆ। ਫਿਲਹਾਲ ਪੁਲਿਸ ਵਲੋਂ ਇਸ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕੀਤੀ ਜਾ ਰਹੀ ਹੈ।
