ਸਾਡੇ ਲਈ ਤਾਂ ਦੋ ਬਾਰਡਰ ਬਣ ਗਏ ਹਨ
ਨਵੀਂ ਦਿੱਲੀ(ਮਨੀਸ਼ਾ) ਕੇਂਦਰ ਸਰਕਾਰ ਵੱਲੋਂ ਬਣਾਏ ਗਏ ਤਿੰਨ ਨਵੇਂ ਖੇਤੀਬਾੜੀ ਕਾਨੂੰਨਾਂ ਨੂੰ ਰੱਦ ਕਰਵਾਉਣ ਲਈ ਕਿਸਾਨਾਂ ਨੇ ਖੇਤੀ ਕਾਨੂੰਨਾਂ ਦੇ ਵਿਰੋਧ ਵਿਚ ਦਿੱਲੀ ਬਾਰਡਰ ’ਤੇ ਮੋਰਚਾ ਲਾਇਆ ਹੋਇਆ ਹੈ।
Jass and Manisha
ਕਿਸਾਨਾਂ ਨੂੰ ਹਰ ਵਰਗ ਦੇ ਲੋਕਾਂ ਦਾ ਸਾਥ ਮਿਲ ਰਿਹਾ ਹੈ। ਕਲਾਕਾਰ ਤੋਂ ਲੈ ਕੇ ਖਿਡਾਰੀਆਂ ਦਾ ਸਹਿਯੋਗ ਮਿਲ ਰਿਹਾ ਹੈ। ਸਪੋਕਸਮੈਨ ਦੀ ਪੱਤਰਕਾਰ ਵੱਲੋਂ ਫੌਜੀ ਜੱਸ ਨਾਲ ਗੱਲਬਾਤ ਕੀਤੀ ਗਈ ਜੋ ਕਿ ਛੁੱਟੀ ਦੌਰਾਨ ਦਿੱਲੀ ਧਰਨੇ ਤੇ ਆਇਆ ਹੋਇਆ ਸੀ। ਗੱਲਬਾਤ ਦੌਰਾਨ ਜੱਸ ਨੇ ਕਿਹਾ ਕਿ ਉਹ ਪੰਜਾਬ ਛੁੱਟੀ ਤੇ ਆਇਆ ਹੋਇਆ ਸੀ ਤੇ ਘਰ ਉਸਦਾ ਮਨ ਨਹੀਂ ਲੱਗਿਆ ਤੇ ਉਹ ਦਿੱਲੀ ਕਿਸਾਨ ਅੰਦੋਦਨ ਤੇ ਆਪਣਾ ਸਮਰਥਨ ਦੇਣ ਲਈ ਪਹੁੰਚਿਆਂ।
Jass and Manisha
ਉਹਨਾਂ ਕਿਹਾ ਕਿ ਇਹ ਸਾਡਾ ਫਰਜ਼ ਵੀ ਸੀ ਕਿਉਂਕਿ ਸਾਡੇ ਪਰਿਵਾਰ ਦੇ ਮੈਂਬਰ ਇਥੇ ਧਰਨੇ ਤੇ ਬੈਠੇ ਹਨ ਫਿਰ ਅਸੀਂ ਘਰ ਵਿਚ ਕਿਵੇਂ ਬੈਠ ਸਕਦੇ ਹਾਂ। ਜੱਸ ਨੇ ਕਿਹਾ ਕਿ ਜਦੋਂ ਮੈਂ ਅੰਦੋਲਨ ਵਿਚ ਐਂਟਰੀ ਕੀਤੀ ਤਾਂ ਜਿਹੜੇ ਵੀ ਟੈਂਟ ਵਿਚ ਵੇਖਿਆ ਤਾਂ ਦੁਨੀਆ ਵਾਹਿਗੁਰੂ ਵਾਹਿਗੁਰੂ ਕਰ ਰਹੀ ਦਿਸ ਰਹੀ ਹੈ। ਇਸ ਤਰ੍ਹਾਂ ਲੱਗਦਾ ਵੀ ਦਰਬਾਰ ਸਾਹਿਬ ਦਾ ਹੀ ਦੂਜਾ ਰੂਪ ਹੈ। ਇਹ ਗੁਰੂ ਘਰ ਹੀ ਹੈ।
Jass and Manisha
ਇਥੇ ਬਹੁਤ ਹੀ ਸ਼ਾਂਤੀਪੂਰਵਕ ਮਾਹੌਲ ਹੈ। ਫੌਜੀ ਜੱਸ ਨੇ ਕਿਹਾ ਕਿ ਪੰਜਾਬ ਇਕ ਨਵੀਂ ਸੇਧ ਲੈ ਕੇ ਜਾ ਰਿਹਾ ਹੈ ,ਨਵਾਂ ਇਤਿਹਾਸ ਰਚਣ ਜਾ ਰਿਹਾ ਹੈ। ਉਹਨਾਂ ਕਿਹਾ ਕਿ ਅਸੀਂ ਬਾਰਡਰ ਤੇ ਲੜਦੇ ਹਾਂ, ਸਾਡੇ ਭਰਾ ਦਿੱਲੀ ਵਿਚ ਆਪਣੇ ਹੱਕ ਲੈਣ ਲਈ ਲੜ ਰਹੇ ਹਨ।
Jass and Manisha
ਸਾਡੇ ਲਈ ਤਾਂ ਦੋ ਬਾਰਡਰ ਬਣ ਗਏ ਹਨ। ਪਹਿਲਾਂ ਅਸੀਂ ਸਰਹੱਦ ਤੇ ਡਿਊਟੀ ਨਿਭਾਉਂਦੇ ਹਨ ਤੇ ਜਦੋਂ ਛੁੱਟੀ ਮਿਲਦੀ ਹੈ ਉਦੋਂ ਕਿਸਾਨਾਂ ਨਾਲ ਇਥੇ ਧਰਨਾ ਦੇ ਰਹੇ ਹਾਂ। ਉਹਨਾਂ ਕਿਹਾ ਕਿ ਜਿਸਦੀ ਰੋਟੀ ਖਾ ਰਹੇ ਹਾਂ ਉਸਦੀ ਫਰਿਆਦ ਜ਼ਰੂਰ ਸੁਣਨੀ ਚਾਹੀਦੀ ਹੈ। ਉਹਨਾਂ ਕਿਹਾ ਕਿ ਕਿਸਾਨਾਂ ਨੇ ਬਹੁਤ ਦਿਨ ਠੰਡ ਵਿਚ ਗੁਜ਼ਾਰ ਲਏ ਤੇ ਹੁਣ ਕਿਸਾਨਾਂ ਦੀ ਗੱਲ ਮੰਨਣ ਲੈਣੀ ਚਾਹੀਦੀ ਹਾਂ ਤੇ ਉਹਨਾਂ ਨੂੰ ਖੁਸ਼ੀ-ਖੁਸ਼ੀ ਘਰ ਭੇਜਣ।
