ਅਹਿਮਦਾਬਾਦ, ਸੂਰਤ, ਰਾਜਕੋਟ, ਵਡੋਦਰਾ, ਭਾਵਨਗਰ ਅਤੇ ਜਾਮਨਗਰ 'ਤੇ ਭਾਜਪਾ ਦਾ ਕਬਜ਼ਾ
ਅਮਹਾਦਾਬਾਦ : ਗੁਜਰਾਤ ਵਿਚ ਹੋਈਆਂ ਮਿਉਂਸਪਲ ਚੋਣਾਂ ਵਿਚ ਭਾਜਪਾ ਨੂੰ ਸ਼ਾਨਦਾਰ ਜਿੱਤ ਮਿਲੀ ਹੈ। ਭਾਜਪਾ ਸੂਬੇ ਦੀਆਂ 6 ਨਗਰ ਨਿਗਮਾਂ 'ਤੇ ਕਬਜਾ ਜਮਾਉਣ ਵਿਚ ਕਾਮਯਾਬ ਹੋਈ ਹੈ। ਅਹਿਮਦਾਬਾਦ, ਸੂਰਤ, ਰਾਜਕੋਟ, ਵਡੋਦਰਾ, ਭਾਵਨਗਰ ਅਤੇ ਜਾਮਨਗਰ ਵਿਚ ਭਾਜਪਾ ਨੇ ਵੱਡੇ ਫਰਕ ਨਾਲ ਜਿੱਤ ਪ੍ਰਾਪਤ ਕੀਤੀ ਹੈ। ਦੂਜੇ ਪਾਸੇ ਕਾਂਗਰਸ ਇਨ੍ਹਾਂ ਚੋਣਾਂ ਵਿਚ ਕੋਈ ਕ੍ਰਿਸ਼ਮਾ ਨਹੀਂ ਵਿਖਾ ਸੀ ਜਦਕਿ ਆਮ ਆਦਮੀ ਪਾਰਟੀ ਆਪਣਾ ਖਾਤਾ ਖੋਲ੍ਹਣ ਵਿਚ ਕਾਮਯਾਗ ਹੋ ਗਈ ਹੈ। ਖਬਰ ਲਿਖੇ ਜਾਣ ਤਕ ਵੋਟਾਂ ਦੀ ਗਿਣਤੀ ਜਾਰੀ ਸੀ।
Arvind Kejriwal
ਸੂਰਤ ਮਹਾਨਗਰ ਪਾਲਿਕਾ ਦੀਆਂ ਕੁੱਲ 120 ਸੀਟਾਂ ਵਿਚੋਂ ਭਾਜਪਾ ਨੇ 51 ਸੀਟਾਂ ਜਿੱਤੀਆਂ ਅਤੇ ਆਮ ਆਦਮੀ ਪਾਰਟੀ 13 ਸੀਟਾਂ 'ਤੇ ਜੇਤੂ ਰਹੀ ਹੈ। ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਟਵੀਟ ਜਾਰੀ ਕਰਦਿਆਂ ‘ਆਪ’ ਦੀ ਸਫਲਤਾ ‘ਤੇ ਲੋਕਾਂ ਨੂੰ ਵਧਾਈ ਦਿੱਤੀ ਹੈ। ਟਵੀਟ ਜਾਰੀ ਕਰਦਿਆਂ ਉਨ੍ਹਾਂ ਕਿਹਾ, "ਨਵੀਂ ਰਾਜਨੀਤੀ ਦੀ ਸ਼ੁਰੂ ਕਰਨ ਲਈ ਗੁਜਰਾਤ ਦੇ ਲੋਕਾਂ ਨੂੰ ਤਹਿ ਦਿਲੋਂ ਵਧਾਈਆਂ।"
नई राजनीति की शुरुआत करने के लिए गुजरात के लोगों को दिल से बधाई।
— Arvind Kejriwal (@ArvindKejriwal) February 23, 2021
ਮੁੱਖ ਮੰਤਰੀ ਵਿਜੇ ਰੁਪਾਨੀ ਦੇ ਗ੍ਰਹਿ ਕਸਬੇ ਰਾਜਕੋਟ ਦੀਆਂ ਕੁੱਲ 72 ਸੀਟਾਂ ਵਿਚੋਂ ਭਾਜਪਾ ਨੇ 64 ਅਤੇ ਕਾਂਗਰਸ ਨੇ 4 ਸੀਟਾਂ ਜਿੱਤੀਆਂ ਹਨ। ਵਡੋਦਰਾ ਕਾਰਪੋਰੇਸ਼ਨ ਵਿਚ ਭਾਜਪਾ ਨੇ ਫਿਰ ਬਹੁਮਤ ਹਾਸਲ ਕੀਤਾ ਹੈ। ਕੁਲ 76 ਸੀਟਾਂ ਵਿਚੋਂ ਭਾਜਪਾ ਨੇ 53 ਸੀਟਾਂ ਜਿੱਤੀਆਂ ਹਨ। ਇਸ ਦੇ ਨਾਲ ਹੀ ਕਾਂਗਰਸ ਨੇ 7 ਸੀਟਾਂ ਜਿੱਤੀਆਂ।
Vote
ਭਾਵਨਗਰ ਦੀਆਂ 52 ਸੀਟਾਂ ਵਿਚੋਂ ਭਾਜਪਾ ਨੇ 40 ਅਤੇ ਕਾਂਗਰਸ ਨੇ 8 ਸੀਟਾਂ ਜਿੱਤੀਆਂ ਹਨ। ਜਾਮਨਗਰ ਵਿਚ ਭਾਜਪਾ ਨੇ 64 ਸੀਟਾਂ ਵਿਚੋਂ 51 ਸੀਟਾਂ ਜਿੱਤੀਆਂ ਹਨ ਅਤੇ 10 ਸੀਟਾਂ 'ਤੇ ਕਾਂਗਰਸ ਨੇ 3 ਸੀਟਾਂ ਜਿੱਤੀਆਂ ਹਨ। ਅਹਿਮਦਾਬਾਦ ਦੀਆਂ 192 ਸੀਟਾਂ ਵਿਚੋਂ 112 ਸੀਟਾਂ 'ਤੇ ਭਾਜਪਾ ਜੇਤੂ ਪੱਖ' ਤੇ ਹੈ। ਇਸ ਦੇ ਨਾਲ ਹੀ ਕਾਂਗਰਸ ਨੇ 12 ਸੀਟਾਂ ਜਿੱਤੀਆਂ ਹਨ। ਐਤਵਾਰ ਨੂੰ ਛੇ ਨਗਰ ਨਿਗਮਾਂ ਦੇ 144 ਵਾਰਡਾਂ ਦੀਆਂ 576 ਸੀਟਾਂ ਲਈ ਵੋਟਿੰਗ ਹੋਈ ਸੀ ਜਿਨ੍ਹਾਂ ਦੀ ਗਿਣਤੀ ਅੱਜ ਹੋਈ ਹੈ।
