ਗੋਰਖਪੁਰ ਦੇ ਬੀਆਰਡੀ ਕਾਲਜ 'ਚ ਕੁਝ ਘੰਟਿਆਂ ਦੇ ਅੰਦਰ ਕਈ ਬੱਚਿਆਂ ਦੀ ਮੌਤ ਮਾਮਲੇ 'ਚ ਸਥਾਨਕ ਡੀਐਮ ਦੀ ਜਾਂਚ ਰਿਪੋਰਟ ਆ ਗਈ ਹੈ।
ਨਵੀਂ ਦਿੱਲੀ: ਗੋਰਖਪੁਰ ਦੇ ਬੀਆਰਡੀ ਕਾਲਜ 'ਚ ਕੁਝ ਘੰਟਿਆਂ ਦੇ ਅੰਦਰ ਕਈ ਬੱਚਿਆਂ ਦੀ ਮੌਤ ਮਾਮਲੇ 'ਚ ਸਥਾਨਕ ਡੀਐਮ ਦੀ ਜਾਂਚ ਰਿਪੋਰਟ ਆ ਗਈ ਹੈ। ਜਾਂਚ ਰਿਪੋਰਟ 'ਚ ਬੀਆਰਡੀ ਕਾਲਜ ਦੇ ਪ੍ਰਿੰਸੀਪਲ ਆਰਕੇ ਮਿਸ਼ਰਾ ਨੂੰ ਮੁੱਖ ਦੋਸ਼ੀ ਠਹਿਰਾਇਆ ਗਿਆ ਹੈ। ਕਿਹਾ ਗਿਆ ਹੈ ਕਿ ਹਸਪਤਾਲ ਵਿੱਚ ਆਕਸੀਜਨ ਦੀ ਸਪਲਾਈ ਰੁਕ ਜਾਣ ਦੇ ਪਿੱਛੇ ਸਭ ਤੋਂ ਜ਼ਿਆਦਾ ਲਾਪਰਵਾਹੀ ਆਰਕੇ ਮਿਸ਼ਰਾ ਤੋਂ ਹੋਈ ਹੈ। ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਵਿੱਤੀ ਗੜਬੜੀ ਦੇ ਚਲਦੇ ਹਸਪਤਾਲ ਵਿੱਚ ਆਕਸੀਜਨ ਦੀ ਸਪਲਾਈ ਬੰਦ ਹੋਈ। ਇਸ ਵੱਲ ਵੀ ਇਸ਼ਾਰਾ ਕੀਤਾ ਗਿਆ ਹੈ ਕਿ ਹਸਪਤਾਲ ਵਿੱਚ ਆਕਸੀਜਨ ਦੀ ਖਰੀਦ ਵਿੱਚ ਕਮੀਸ਼ਖੋਰੀ ਹੋ ਰਹੀ ਸੀ।
ਅਨੱਸਥੀਸੀਆ ਦੇ HOD ਵੀ ਜਿੰਮੇਦਾਰ: ਡੀਐਮ ਦੀ ਜਾਂਚ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਅਨੱਸਥੀਸੀਆ ਵਿਭਾਗ ਦੇ ਐਚਓਡੀ ਅਤੇ ਆਕਸੀਜਨ ਸਪਲਾਈ ਇੰਚਾਰਜ ਡਾਕਟਰ ਸਤੀਸ਼ ਨੇ ਡਿਊਟੀ ਨਿਭਾਉਣ ਵਿੱਚ ਲਾਪਰਵਾਹੀ ਵਰਤੀ। ਇਨ੍ਹਾਂ ਦੋਨਾਂ ਦੀ ਜ਼ਿੰਮੇਦਾਰੀ ਬਣਦੀ ਹੈ ਕਿ ਉਹ ਇਸ ਗੱਲ ਦੀ ਜਾਣਕਾਰੀ ਰੱਖੇ ਕਿ ਹਸਪਤਾਲ ਵਿੱਚ ਆਕਸੀਜਨ ਦੀ ਸਪਲਾਈ ਰੁਕ ਨਾ ਸਕੇ। ਨਾਲ ਹੀ ਇਹ ਵੀ ਜ਼ਿੰਮੇਦਾਰੀ ਬਣਦੀ ਹੈ ਕਿ ਉਹ ਆਕਸੀਜਨ ਸਪਲਾਈ ਕਰਨ ਵਾਲੀ ਕੰਪਨੀ ਦੀ ਬਾਕੀ ਭੁਗਤਾਨ ਲਈ ਸਬੰਧਤ ਵਿਭਾਗ ਨੂੰ ਸੰਪਰਕ ਕਰਦੇ ਪਰ ਇਨ੍ਹਾਂ ਨੇ ਅਜਿਹਾ ਨਹੀਂ ਕੀਤਾ। ਇਸ ਉੱਤੇ ਇਲਜ਼ਾਮ ਲਗਾਇਆ ਗਿਆ ਹੈ ਕਿ ਆਕਸੀਜਨ ਸਪਲਾਈ ਕਰਨ ਵਾਲੀ ਕੰਪਨੀ ਦੇ ਵਾਰ - ਵਾਰ ਬਿਲ ਭੇਜਣ ਦੇ ਬਾਅਦ ਵੀ ਇਨ੍ਹਾਂ ਨੇ ਉਸਦੇ ਭੁਗਤਾਨ 'ਚ ਤਤਪਰਤਾ ਨਹੀਂ ਵਿਖਾਈ।
ਪੁਸ਼ਮਾ ਸੇਲਸ ਵੀ ਦੋਸ਼ੀ: ਜਾਂਚ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਚੰਪਾਪੁਰੀ ਸੇਲਸ ਆਕਸੀਜਨ ਸਪਲਾਈ ਕਰਨ ਵਾਲੀ ਕੰਪਨੀ ਹੈ। ਆਕਸੀਜਨ ਇੱਕ ਜੀਵਨ ਰੱਖਿਅਕ ਗੈਸ ਹੈ। ਮੈਡੀਕਲ ਨਾਲ ਜੁੜੇ ਲੋਕਾਂ ਦੀ ਜ਼ਿੰਮੇਦਾਰੀ ਬਣਦੀ ਹੈ ਕਿ ਜੀਵਨ ਰੱਖਿਅਕ ਗੈਸ ਦੀ ਸਪਲਾਈ ਬੰਦ ਨਹੀਂ ਕਰ ਸਕਦੇ ਹਨ। ਪੁਸ਼ਪਾ ਸੇਲਸ ਨੂੰ ਬਕਾਇਆ ਭੁਗਤਾਨ ਲਈ ਦੂਜੇ ਤਰੀਕੇ ਅਪਣਾ ਸਕਦੀ ਸੀ ਪਰ ਜੀਵਨ ਰੱਖਿਅਕ ਗੈਸ ਦੀ ਸਪਲਾਈ ਬੰਦ ਕਰਨਾ ਗਲਤ ਹੈ।
ਡਾਕਟਰ ਕਫੀਲ ਖਾਨ ਨੂੰ ਕਲੀਨਚਿਟ: ਡੀਐਮ ਦੀ ਜਾਂਚ ਰਿਪੋਰਟ 'ਚ ਬਾਲਰੋਗ ਵਿਭਾਗ ਦੇ ਪ੍ਰਮੁੱਖ ਡਾਕਟਰ ਕਫੀਲ ਖਾਨ ਨੂੰ ਕਲੀਨਚਿਟ ਦਿੱਤੀ ਗਈ ਹੈ। ਜਦੋਂ ਕਿ ਸਰਕਾਰ ਨੇ ਕਾਰਵਾਈ ਕਰਦੇ ਹੋਏ ਡਾਕਟਰ ਕਫੀਲ ਖਾਨ ਉੱਤੇ ਕੋਈ ਗੰਭੀਰ ਇਲਜ਼ਾਮ ਨਹੀਂ ਲਗਾਏ। ਡੀਐਮ ਦੀ ਜਾਂਚ ਰਿਪੋਰਟ 'ਚ ਇਸ ਮਾਮਲੇ ਦੀ ਉੱਚ ਪੱਧਰੀ ਜਾਂਚ ਦੀ ਸਿਫਾਰਿਸ਼ ਕੀਤੀ ਗਈ ਹੈ।
