ਸਰਕਾਰ ਨੇ ਕਿਹਾ ਵੈਕਸੀਨ ਅਤੇ ਟੀਕਾਕਰਨ ਮੁਹਿੰਮ 'ਤੇ 9725.15 ਕਰੋੜ ਰੁਪਏ ਖਰਚ ਕੀਤੇ ਗਏ ਹਨ।
ਨਵੀਂ ਦਿੱਲੀ: ਮਾਨਸੂਨ ਸੈਸ਼ਨ ਦੌਰਾਨ ਹੁਣ ਤੱਕ ਦੋਵਾਂ ਸਦਨਾਂ ਦੀ ਕਾਰਵਾਈ ਵਿਚ ਹੰਗਾਮੇ ਦੇਖਣ ਨੂੰ ਮਿਲੇ ਹਨ। ਇਸ ਮੌਸਮ ਵਿਚ, ਪੇਗਾਸਸ ਜਾਸੂਸੀ ਘੁਟਾਲੇ ਦੇ ਨਾਲ ਕੋਰੋਨਾ ਦਾ ਮੁੱਦਾ ਸਭ ਤੋਂ ਵੱਧ ਗਰਮਾਇਆ ਹੈ। ਇਸ ਦੌਰਾਨ ਸਰਕਾਰ ਨੇ ਕਿਹਾ ਹੈ ਕਿ 18 ਸਾਲ ਤੋਂ ਵੱਧ ਉਮਰ ਵਾਲਿਆਂ ਨੂੰ ਦਸੰਬਰ ਤੱਕ ਟੀਕਾ ਲਗਾਇਆ ਜਾਵੇਗਾ। ਇਸ ਦੇ ਨਾਲ ਹੀ ਟੀਕਾਕਰਣ (Vaccine) ਅਭਿਆਨ 'ਤੇ 9725.15 ਕਰੋੜ ਰੁਪਏ ਖਰਚ ਕੀਤੇ ਗਏ ਹਨ।
ਹੋਰ ਪੜ੍ਹੋ: ਕੱਲ੍ਹ ਦੁਪਹਿਰ 3 ਵਜੇ ਐਲਾਨੇ ਜਾਣਗੇ ISCE ਅਤੇ ICS ਬੋਰਡ ਦੇ ਨਤੀਜੇ
Covid19 vaccine
ਦਰਅਸਲ ਸੈਸ਼ਨ ਦੌਰਾਨ, ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਰਾਹੁਲ ਗਾਂਧੀ (Rahul Gandhi's Question on Vaccine) ਨੇ 18 ਤੋਂ ਵੱਧ ਵਾਲਿਆਂ ਦਾ ਟੀਕਾਕਰਣ ਅਤੇ ਹੁਣ ਤੱਕ ਹੋਏ ਖਰਚੇ ਦਾ ਵੇਰਵਾ ਮੰਗਿਆ ਸੀ, ਜਿਸਦਾ ਜਵਾਬ ਸਿਹਤ ਅਤੇ ਪਰਿਵਾਰ ਭਲਾਈ ਵਿਭਾਗ ਨੇ ਦਿੱਤਾ ਹੈ। ਸਿਹਤ ਅਤੇ ਪਰਿਵਾਰ ਭਲਾਈ ਰਾਜ ਮੰਤਰੀ ਡਾ. ਭਾਰਤੀ ਪ੍ਰਵੀਨ ਪਵਾਰ (Bharti Pravin Pawar) ਨੇ ਜਵਾਬ ਵਿਚ ਕਿਹਾ ਕਿ ਟੀਕਾਕਰਣ ਇਕ ਨਿਰੰਤਰ ਅਤੇ ਵਿਆਪਕ ਪ੍ਰਕਿਰਿਆ ਹੈ। ਟੀਕੇ ਦੀਆਂ ਕੁੱਲ 135 ਕਰੋੜ ਖੁਰਾਕ ਅਗਸਤ 2021 ਤੋਂ ਦਸੰਬਰ 2021 ਤਕ ਉਪਲਬਧ ਹੋਣ ਦਾ ਅਨੁਮਾਨ ਹੈ ਅਤੇ 18 ਸਾਲ ਤੋਂ ਉਪਰ ਦੀ ਉਮਰ ਦੇ ਲੋਕਾਂ ਨੂੰ ਦਸੰਬਰ 2021 ਤੱਕ ਟੀਕਾ ਲਗਾਇਆ ਜਾਵੇਗਾ।
ਹੋਰ ਪੜ੍ਹੋ: ਲੰਬੀ ਤੋਂ ਸੀਨੀਅਰ ਕਾਂਗਰਸੀ ਆਗੂ ਗੁਰਮੀਤ ਸਿੰਘ ਖੁੱਡੀਆਂ ਨੇ ਛੱਡੀ ਪਾਰਟੀ
Bharti Pravin Pawar
ਦੇਸ਼ ‘ਚ ਵੈਕਸੀਨ ਦੀ ਖਰੀਦ ਅਤੇ ਹੁਣ ਤੱਕ ਹੋਏ ਖਰਚੇ ਦੇ ਸਵਾਲ 'ਤੇ ਰਾਜ ਮੰਤਰੀ ਡਾ. ਭਾਰਤੀ ਪ੍ਰਵੀਨ ਪਵਾਰ ਨੇ ਕਿਹਾ ਕਿ ਆਪਣੇ ਦੇਸ਼ ਦੀਆਂ ਵੈਕਸੀਨ ਬਣਾਉਣ ਵਾਲੀਆਂ ਕੰਪਨੀਆਂ ਨਾਲ ਖਰੀਦ ਵਿਚ ਕੋਈ ਦੇਰੀ ਨਹੀਂ ਹੋਈ ਹੈ। ਕੰਪਨੀਆਂ ਨੂੰ ਦਿੱਤੇ ਸਪਲਾਈ ਆਰਡਰਾਂ ਲਈ ਅਡਵਾਂਸ ਅਦਾਇਗੀ ਵੀ ਕੀਤੀ ਗਈ ਹੈ। ਉਨ੍ਹਾਂ ਦੱਸਿਆ ਕਿ ਵੈਕਸੀਨ ਅਤੇ ਟੀਕਾਕਰਨ ਮੁਹਿੰਮ 'ਤੇ 9725.15 ਕਰੋੜ (Government spent 9725.15 Crores) ਰੁਪਏ ਖਰਚ ਕੀਤੇ ਗਏ ਹਨ।
