Amul Milk Price : ਅਮੂਲ ਗੋਲਡ,65,ਅਮੂਲ ਟੀ ਸਪੈਸ਼ਲ 61,ਅਮੂਲ ਤਾਜ਼ਾ 54 ਰੁਪਏ ਪ੍ਰਤੀ ਲੀਟਰ ਹੋਇਆ ਸਸਤਾ

Amul Milk Price : ਮਹਿੰਗਾਈ ਦੇ ਇਸ ਯੁੱਗ ’ਚ ਆਮ ਖਪਤਕਾਰਾਂ ਲਈ ਵੱਡੀ ਰਾਹਤ ਦੀ ਖ਼ਬਰ ਹੈ। ਬਜਟ ਤੋਂ ਪਹਿਲਾਂ, ਦੇਸ਼ ਦੀ ਮੋਹਰੀ ਡੇਅਰੀ ਕੰਪਨੀ ਅਮੂਲ ਨੇ ਆਪਣੇ ਤਿੰਨ ਮੁੱਖ ਦੁੱਧ ਉਤਪਾਦਾਂ ਦੀਆਂ ਕੀਮਤਾਂ ’ਚ 1 ਰੁਪਏ ਪ੍ਰਤੀ ਲੀਟਰ ਦੀ ਕਟੌਤੀ ਦਾ ਐਲਾਨ ਕੀਤਾ ਹੈ। ਇਹ ਫ਼ੈਸਲਾ ਖਪਤਕਾਰਾਂ ਨੂੰ ਰਾਹਤ ਦੇਣ ਅਤੇ ਬਜਟ ਤੋਂ ਪਹਿਲਾਂ ਉਨ੍ਹਾਂ ਦੀਆਂ ਜੇਬਾਂ 'ਤੇ ਬੋਝ ਘਟਾਉਣ ਦੇ ਉਦੇਸ਼ ਨਾਲ ਲਿਆ ਗਿਆ ਹੈ।

ਅਮੂਲ ਦੁੱਧ ਦੀਆਂ ਨਵੀਆਂ ਕੀਮਤਾਂ

ਇਹ ਕਟੌਤੀ ਅਮੂਲ ਦੇ ਤਿੰਨ ਪ੍ਰਮੁੱਖ ਦੁੱਧ ਬ੍ਰਾਂਡਾਂ 'ਤੇ ਲਾਗੂ ਕੀਤੀ ਗਈ ਹੈ।

ਅਮੂਲ ਗੋਲਡ 65 ਰੁਪਏ ਪ੍ਰਤੀ ਲੀਟਰ
ਅਮੂਲ ਟੀ ਸਪੈਸ਼ਲ: 61 ਰੁਪਏ ਪ੍ਰਤੀ ਲੀਟਰ
ਅਮੂਲ ਤਾਜ਼ਾ 53 ਰੁਪਏ ਪ੍ਰਤੀ ਲੀਟਰ

ਅਮੂਲ ਦੁੱਧ ਦੀ ਕੀਮਤ ਕਿਉਂ ਘਟੀ?

ਅਮੂਲ ਨੇ ਇਹ ਕਦਮ ਉਤਪਾਦਨ ਲਾਗਤ ’ਚ ਕਮੀ ਅਤੇ ਡੇਅਰੀ ਕਿਸਾਨਾਂ ਨਾਲ ਬਿਹਤਰ ਤਾਲਮੇਲ ਕਾਰਨ ਚੁੱਕਿਆ ਹੈ। ਅਮੂਲ ਦੇ ਬੁਲਾਰੇ ਨੇ ਕਿਹਾ ਕਿ ਦੁੱਧ ਦੀ ਕੀਮਤ ’ਚ ਇਹ ਕਟੌਤੀ ਗਾਹਕਾਂ ਨੂੰ ਵਿੱਤੀ ਰਾਹਤ ਪ੍ਰਦਾਨ ਕਰਨ ਅਤੇ ਤਿਉਹਾਰਾਂ ਦੇ ਸੀਜ਼ਨ ਦੇ ਨਾਲ-ਨਾਲ ਪ੍ਰੀ-ਬਜਟ ਖਰਚਿਆਂ ਨੂੰ ਘਟਾਉਣ ਲਈ ਕੀਤੀ ਗਈ ਹੈ।

ਖਪਤਕਾਰਾਂ ਲਈ ਲਾਭ

ਬਜਟ ਵਿੱਚ ਰਾਹਤ : ਮਹਿੰਗਾਈ ਦੇ ਇਸ ਸਮੇਂ ’ਚ, ਦੁੱਧ ਵਰਗੀਆਂ ਰੋਜ਼ਾਨਾ ਜ਼ਰੂਰਤਾਂ ਦੀਆਂ ਚੀਜ਼ਾਂ ਦੀਆਂ ਕੀਮਤਾਂ ’ਚ ਕਮੀ ਦਾ ਸਿੱਧਾ ਲਾਭ ਘਰੇਲੂ ਬਜਟ ਨੂੰ ਮਿਲੇਗਾ।

ਖਪਤ ਵਧੇਗੀ : ਦੁੱਧ ਦੀ ਕੀਮਤ ਘਟਣ ਕਾਰਨ, ਦਹੀਂ, ਘਿਓ ਅਤੇ ਪਨੀਰ ਵਰਗੇ ਇਸਦੇ ਉਤਪਾਦਾਂ ਦੀ ਮੰਗ ਵਧਣ ਦੀ ਸੰਭਾਵਨਾ ਹੈ।

ਡੇਅਰੀ ਉਦਯੋਗ ਨੂੰ ਹੁਲਾਰਾ : ਕੀਮਤਾਂ ’ਚ ਕਟੌਤੀ ਡੇਅਰੀ ਕਿਸਾਨਾਂ ਅਤੇ ਉਦਯੋਗਾਂ ’ਚ ਮੁਕਾਬਲਾ ਵਧਾਏਗੀ, ਜਿਸ ਨਾਲ ਡੇਅਰੀ ਉਤਪਾਦਾਂ ਦੀ ਗੁਣਵੱਤਾ ਅਤੇ ਉਪਲਬਧਤਾ ਵਿੱਚ ਸੁਧਾਰ ਹੋਵੇਗਾ।

(For more news apart from Amul milk has become cheaper across country including Punjab, reduction Rs 1 per liter has been made News in Punjabi, stay tuned to Rozana Spokesman)