ਕਿਹਾ, ਦਿੱਲੀ 'ਚ 1.5 ਲੱਖ ਸੀਸੀਟੀਵੀ ਲਾਉਣ ਦਾ ਟੀਚਾ ਸੀ, ਦਸੰਬਰ ਤੱਕ 2.75 ਲੱਖ ਸੀਸੀਟੀਵੀ ਕੈਮਰੇ ਲਗਾਏ ਜਾ ਚੁੱਕੇ ਹਨ
ਨਵੀਂ ਦਿੱਲੀ : ਦਿੱਲੀ ਦੇ ਉਪ ਮੁੱਖ ਮੰਤਰੀ ਮਨੀਸ਼ ਸਿਸੋਦੀਆ ਨੇ ਦਿੱਲੀ ਵਿਧਾਨ ਸਭਾ ਵਿੱਚ 2021-22 ਦੇ ਨਤੀਜੇ ਬਜਟ ਦੀ ਸਥਿਤੀ ਰਿਪੋਰਟ ਦੀਆਂ ਕਾਪੀਆਂ ਪੇਸ਼ ਕੀਤੀਆਂ। ਸੀਸੀਟੀਵੀ ਯੋਜਨਾ ਦਾ ਲੇਖਾ-ਜੋਖਾ ਪੇਸ਼ ਕਰਦਿਆਂ ਸਿਸੋਦੀਆ ਨੇ ਕਿਹਾ ਕਿ ਦਿੱਲੀ ਵਿੱਚ 1.5 ਲੱਖ ਸੀਸੀਟੀਵੀ ਲਾਉਣ ਦਾ ਟੀਚਾ ਸੀ, ਦਸੰਬਰ ਤੱਕ 2.75 ਲੱਖ ਸੀਸੀਟੀਵੀ ਕੈਮਰੇ ਲਗਾਏ ਜਾ ਚੁੱਕੇ ਹਨ।
Amit Shah
ਇਸ ਦੌਰਾਨ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ 'ਤੇ ਨਿਸ਼ਾਨਾ ਸਾਧਦੇ ਹੋਏ ਸਿਸੋਦੀਆ ਨੇ ਕਿਹਾ ਕਿ ਦੇਸ਼ ਦੇ ਗ੍ਰਹਿ ਮੰਤਰੀ ਨੇ ਬਿਆਨ ਦਿੱਤਾ ਸੀ ਕਿ ਮੈਂ ਦੂਰਬੀਨ ਲੈ ਕੇ ਸੀਸੀਟੀਵੀ ਲੱਭ ਰਿਹਾ ਹਾਂ ਤਾਂ ਮੈਂ ਉਨ੍ਹਾਂ ਨੂੰ ਦੱਸਣਾ ਚਾਹੁੰਦਾ ਹਾਂ ਕਿ ਸੀਸੀਟੀਵੀ ਸੜਕਾਂ 'ਤੇ ਹਨ, ਅਸਮਾਨ 'ਚ ਨਹੀਂ। ਉਹ ਖੁਦ ਸੀਸੀਟੀਵੀ ਕੈਮਰੇ ਦੀ ਕੈਦ ਹੋਏ ਸਨ।
CCTV
ਸਿਸੋਦੀਆ ਨੇ ਵਿਧਾਨ ਸਭਾ ਨੂੰ ਦੱਸਿਆ ਕਿ ਦਿੱਲੀ ਦੇ ਸਰਕਾਰੀ ਸਕੂਲਾਂ 'ਚ ਪੜ੍ਹਨ ਵਾਲੇ ਬੱਚਿਆਂ ਦੀ ਗਿਣਤੀ 15 ਲੱਖ ਤੋਂ ਵਧ ਕੇ 18 ਲੱਖ ਹੋ ਗਈ ਹੈ, 20 ਸਪੈਸ਼ਲਾਈਜ਼ੇਸ਼ਨ ਸਕੂਲ ਚੱਲ ਰਹੇ ਹਨ, ਜਿਨ੍ਹਾਂ 'ਚ 2300 ਬੱਚੇ ਪੜ੍ਹ ਰਹੇ ਹਨ। ਦਿੱਲੀ ਸਰਕਾਰ 11 ਹੋਰ ਸਕੂਲ ਸ਼ੁਰੂ ਕਰੇਗੀ, 31 ਸਕੂਲਾਂ ਦੀਆਂ 4800 ਸੀਟਾਂ ਲਈ 80 ਹਜ਼ਾਰ ਅਰਜ਼ੀਆਂ ਆਈਆਂ ਹਨ।
Manish Sisodia
ਮਨੀਸ਼ ਸਿਸੋਦੀਆ ਨੇ ਦੱਸਿਆ ਕਿ ਦਿੱਲੀ ਦਾ ਆਪਣਾ ਸਿੱਖਿਆ ਬੋਰਡ ਹੈ ਅਤੇ ਅਸੀਂ ਆਈਬੀ ਬੋਰਡ ਨਾਲ ਮਿਲ ਕੇ ਕੰਮ ਕਰ ਰਹੇ ਹਾਂ। ਅਗਲੇ ਸਾਲ 2312 ਬੱਚੇ ਪ੍ਰੀਖਿਆ ਦੇਣਗੇ। ਸਿਸੋਦੀਆ ਨੇ ਕਿਹਾ ਕਿ ਅਸੀਂ ਸਕੂਲਾਂ ਵਿਚ ਦੇਸ਼ ਭਗਤੀ ਦਾ ਪਾਠਕ੍ਰਮ ਲਾਗੂ ਕੀਤਾ ਹੈ, ਜਿਸ ਨੂੰ ਹੁਣ ਪ੍ਰਾਈਵੇਟ ਸਕੂਲਾਂ ਵਿਚ ਵੀ ਲਾਗੂ ਕੀਤਾ ਜਾਵੇਗਾ। ਉਪ ਮੁੱਖ ਮੰਤਰੀ ਨੇ ਕਿਹਾ ਕਿ ਮੁਹੱਲਾ ਕਲੀਨਿਕ ਵਿੱਚ ਇੱਕ ਸਾਲ ਵਿੱਚ 1 ਕਰੋੜ 44 ਲੱਖ ਮਰੀਜ਼ ਦੇਖੇ ਗਏ ਹਨ, ਭਾਵ ਹਰ ਰੋਜ਼ 60 ਹਜ਼ਾਰ ਮਰੀਜ਼ਾਂ ਦਾ ਚੈਕਅੱਪ ਕੀਤਾ ਜਾ ਰਿਹਾ ਹੈ।
