ਸੈਨਾ ਪੁਲਿਸ 'ਚ ਪਹਿਲੀ ਵਾਰ ਔਰਤਾਂ ਹੋਣਗੀਆਂ ਸ਼ਾਮਲ
ਨਵੀਂ ਦਿੱਲੀ- ਭਾਰਤੀ ਫ਼ੌਜ ਵਿਚ ਪਹਿਲੀ ਵਾਰ ਔਰਤਾਂ ਦੀ ਭਰਤੀ ਲਈ ਆਨਲਾਈਨ ਰਜਿਸਟ੍ਰੇਸ਼ਨ ਸ਼ੁਰੂ ਕੀਤੀ ਗਈ ਹੈ। ਰੱਖਿਆ ਮੰਤਰਾਲੇ ਵਲੋਂ ਵੀ ਇਸ ਲਈ ਹਰੀ ਝੰਡੀ ਦੇ ਦਿੱਤੀ ਗਈ ਹੈ।
Nirmala Sitharaman Tweet
ਜਨਵਰੀ ਵਿਚ ਸੈਨਾ ਪੁਲਿਸ 'ਚ ਪਹਿਲੀ ਵਾਰ ਔਰਤਾਂ ਨੂੰ ਸ਼ਾਮਲ ਕਰਨ ਦਾ ਫੈਸਲਾ ਕੀਤਾ ਗਿਆ ਸੀ। ਰੱਖਿਆ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਟਵੀਟ ਕਰਕੇ ਇਸ ਦੀ ਜਾਣਕਾਰੀ ਵੀ ਦਿੱਤੀ ਹੈ,ਉਨ੍ਹਾਂ ਦਾ ਕਹਿਣਾ ਹੈ ਕਿ ਸੈਨਾ ਪੁਲਿਸ 'ਚ ਹੁਣ 20ਫ਼ੀਸਦੀ ਹਿੱਸੇਦਾਰੀ ਔਰਤਾਂ ਦੀ ਹੋਵੇਗੀ।
Woman Army
ਔਰਤਾਂ ਦੀ ਭਰਤੀ ਪੀਬੀਓਆਰ ਯਾਨੀ ਕਿ ਅਫ਼ਸਰ ਤੋਂ ਹੇਠਲੇ ਰੈਂਕ ਦੇ ਅਧਾਰ 'ਤੇ ਕੀਤੀ ਜਾਵੇਗੀ। ਸੈਨਾ ਪੁਲਿਸ ਵਿਚ ਸ਼ਾਮਲ ਹੋਣ ਵਾਲੀਆਂ ਔਰਤਾਂ ਬਲਾਤਕਾਰ ਤੇ ਛੇੜਛਾੜ ਜਿਹੇ ਮਾਮਲਿਆਂ ਦੀ ਜਾਂਚ ਕਰਨਗੀਆਂ। ਸੈਨਾ ਪੁਲਿਸ ਦਾ ਰੋਲ ਫ਼ੌਜੀ ਅਦਾਰਿਆਂ ਦੇ ਨਾਲ-ਨਾਲ ਛਾਉਣੀ ਇਲਾਕਿਆਂ ਦੀ ਦੇਖ-ਰੇਖ ਕਰਨਾ ਹੁੰਦਾ ਹੈ।
Ministry of Defense's Flagship Flag For Recruitment of Women in Army
ਸੈਨਾ ਪੁਲਿਸ ਸ਼ਾਂਤੀ ਤੇ ਜੰਗ ਸਮੇਂ ਜਵਾਨਾਂ ਤੇ ਸਾਜ਼ੋ ਸਮਾਨ ਦੀ ਢੋਆ-ਢੁਆਈ ਦਾ ਕੰਮ ਵੀ ਦੇਖਦੀ ਹੈ। ਸੈਨਾ ਪੁਲਿਸ 'ਚ 800 ਔਰਤਾਂ ਨੂੰ ਮੈਡੀਕਲ, ਸਿਗਨਲ, ਐਜੂਕੇਸ਼ਨ ਤੇ ਇੰਜਨੀਅਰਿੰਗ ਕੋਰ ਵਿਚ ਭਰਤੀ ਕੀਤਾ ਜਾਵੇਗਾ, ਔਰਤਾਂ ਨੂੰ ਜੰਗ ਦੇ ਮੈਦਾਨ 'ਚ ਉਤਾਰੇ ਜਾਣ ਦੇ ਮੁੱਦੇ 'ਤੇ ਹਾਲੇ ਉੱਚ ਅਧਿਕਾਰੀਆਂ ਵਲੋਂ ਵਿਚਾਰ ਵਟਾਂਦਰਾ ਕੀਤਾ ਜਾ ਰਿਹਾ ਹੈ।
