ਟਰੱਕ 'ਚ ਪਿਆ ਸਾਮਾਨ ਹੋਇਆ ਸੁਆਹ
ਚੰਡੀਗੜ੍ਹ : ਸੈਕਟਰ 26 ਦੇ ਟਰਾਂਸਪੋਰਟ ਏਰੀਆ 'ਚ ਅੱਜ ਸਵੇਰੇ ਸਾਮਾਨ ਲੈ ਕੇ ਜਾ ਰਹੇ ਟਰੱਕ 'ਚ ਅੱਗ ਲੱਗ ਗਈ। ਅੱਗ ਇੰਨੀ ਵੱਧ ਗਈ ਕਿ ਚੰਡੀਗੜ੍ਹ ਨਗਰ ਨਿਗਮ ਦੀ ਫਾਇਰ ਬ੍ਰਿਗੇਡ ਨੂੰ ਆ ਕੇ ਅੱਗ 'ਤੇ ਕਾਬੂ ਪਾਉਣਾ ਪਿਆ। ਟਰੱਕ ਵਿੱਚ ਬਹੁਤ ਸਾਰੇ ਡੱਬੇ ਅਤੇ ਬੋਰੀਆਂ ਸਨ। ਮਿਲੀ ਜਾਣਕਾਰੀ ਅਨੁਸਾਰ ਫਾਇਰ ਬ੍ਰਿਗੇਡ ਵਿਭਾਗ ਤੋਂ ਉਨ੍ਹਾਂ ਨੂੰ ਟਰੱਕ ਵਿੱਚ ਅੱਗ ਲੱਗਣ ਦੀ ਸੂਚਨਾ ਮਿਲੀ ਸੀ। ਜਿਸ ਤੋਂ ਬਾਅਦ ਮਨੀਮਾਜਰਾ ਫਾਇਰ ਸਟੇਸ਼ਨ ਤੋਂ ਦੋ ਗੱਡੀਆਂ ਅਤੇ ਇਕ ਮੋਟਰਸਾਈਕਲ ਅਤੇ ਇੰਡਸਟਰੀਅਲ ਏਰੀਆ ਫੇਜ਼ 1 ਤੋਂ ਇਕ ਗੱਡੀ ਮੌਕੇ 'ਤੇ ਪਹੁੰਚੀ।
ਬਹੁਤ ਸਾਰੇ ਸਾਮਾਨ ਨਾਲ ਲੱਦੇ ਕਈ ਟਰੱਕ ਟਰਾਂਸਪੋਰਟ ਏਰੀਏ ਵਿੱਚ ਖੜ੍ਹੇ ਹਨ। ਜਿੱਥੇ ਇਹ ਟਰੱਕ ਖੜ੍ਹਾ ਸੀ ਉਸ ਥਾਂ ਦੇ ਆਸ-ਪਾਸ ਕਈ ਟਰੱਕ ਖੜ੍ਹੇ ਸਨ। ਅਜਿਹੇ 'ਚ ਜੇਕਰ ਸਮੇਂ ਸਿਰ ਅੱਗ 'ਤੇ ਕਾਬੂ ਨਾ ਪਾਇਆ ਜਾਂਦਾ ਤਾਂ ਇਹ ਭਿਆਨਕ ਰੂਪ ਧਾਰਨ ਕਰ ਸਕਦੀ ਸੀ। ਜਿਸ ਟਰੱਕ ਨੂੰ ਅੱਗ ਲੱਗੀ, ਉਹ ਬਾਪੂਧਾਮ 'ਚ ਟਰਾਂਸਪੋਰਟ ਖੇਤਰ 'ਚ ਪਲਾਟ ਨੰਬਰ 3 ਦੇ ਕੋਲ ਖੜ੍ਹਾ ਸੀ।
ਫਿਲਹਾਲ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਟਰੱਕ ਵਿੱਚ ਕਿਸ ਤਰ੍ਹਾਂ ਦਾ ਸਾਮਾਨ ਰੱਖਿਆ ਗਿਆ ਸੀ। ਅੱਗ ਲੱਗਣ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਇਸ ਦੇ ਨਾਲ ਹੀ ਅੱਗ ਲੱਗਣ ਕਾਰਨ ਟਰੱਕ ਵਿੱਚ ਪਿਆ ਕਾਫੀ ਸਾਮਾਨ ਸੜ ਕੇ ਸੁਆਹ ਹੋ ਗਿਆ। ਫਾਇਰ ਵਿਭਾਗ ਦੀ ਟੀਮ ਮੌਕੇ 'ਤੇ ਮੌਜੂਦ ਹੈ।
