ਘੱਟ ਮੀਂਹ ਵਾਲੇ ਇਲਾਕਿਆਂ ਵਿਚ ਮੀਂਹ ਦੀ ਬਹੁਤਾਤ ਵਾਲੇ ਇਲਕਿਆਂ ਵਿਚ ਕਮੀ ਦਰਜ
ਨਵੀਂ ਦਿੱਲੀ : ਵਾਤਾਵਰਣ, ਵਣ ਅਤੇ ਜਲਵਾਯੂ ਮੰਤਰਾਲੇ ਨੇ ਮੰਨਿਆ ਹੈ ਕਿ ਭਾਰਤ ਵਿਚ ਪਿਛਲੇ ਚਾਰ ਦਹਾਕਿਆਂ ਦੌਰਾਨ ਨਾ ਸਿਰਫ਼ ਮੌਸਮੀ ਮੀਂਹ ਦੀ ਔਸਤ ਮਿਕਦਾਰ ਕੌਮੀ ਪੱਧਰ 'ਤੇ ਘਟੀ ਹੈ ਸਗੋਂ ਪਿਛਲੇ ਇਕ ਦਹਾਕੇ ਵਿਚ ਮਾਨਸੂਨ ਦੀ ਖੇਤਰੀ ਵੰਡ ਦਾ ਅਸੰਤੁਲਨ ਵੀ ਵਧਿਆ ਹੈ। ਮੌਸਮ ਵਿਭਾਗ ਦੀ ਵਿਸ਼ਲੇਸ਼ਣ ਰੀਪੋਰਟ ਕਹਿੰਦੀ ਹੈ ਕਿ ਸਾਲ ਚੱਕਰ ਵਿਚ ਤਬਦੀਲੀ ਦਾ ਸਿੱਧਾ ਅਸਰ ਮੀਂਹ ਦੀ ਬਹੁਤਾਤ ਵਾਲੇ ਉੱਤਰ ਪੂਰਬ ਰਾਜਾਂ ਵਿਚ ਮੀਂਹ ਦੀ ਕਮੀ ਅਤੇ ਘੱਟ ਮੀਂਹ ਵਾਲੇ ਰਾਜਸਥਾਨ ਜਿਹੇ ਇਲਾਕਿਆਂ ਵਿਚ ਮੀਂਹ ਦੀ ਬਹੁਤਾਤ ਵਜੋਂ ਵੇਖਿਆ ਗਿਆ ਹੈ।
Monsoon +
ਮੰਤਰਾਲੇ ਨੇ ਹਾਲ ਹੀ ਵਿਚ ਮਾਨਸੂਨ ਸਬੰਧੀ ਮੌਸਮ ਵਿਭਾਗ ਦੀ ਰੀਪੋਰਟ ਦੇ ਆਧਾਰ 'ਤੇ ਦੇਸ਼ ਵਿਚ ਮੀਂਹ ਚੱਕਰ ਵਿਚ ਤਬਦੀਲੀ ਦਾ ਵੇਰਵਾ ਸੰਸਦ ਵਿਚ ਪੇਸ਼ ਕਰਦਿਆਂ ਦਸਿਆ, 'ਉੱਤਰ ਪਛਮੀ ਭਾਰਤ ਵਿਚ 2010 ਤੋਂ 2019 ਦੌਰਾਨ ਕਈ ਸਾਲਾਂ ਦੀ ਤੁਲਨਾ ਵਿਚ ਘੱਟ ਮੀਂਹ ਪਿਆ। ਉਧਰ, ਉੱਤਰ ਭਾਰਤ ਦੇ ਬਹੁਤੇ ਇਲਾਕਿਆਂ ਵਿਚ ਪਿਛਲੇ ਸਾਲਾਂ ਵਿਚ ਘੱਟ ਮੀਂਹ ਪਿਆ।' ਮਾਨਸੂਨ ਦੀ ਅਸਾਵੀਂ ਵੰਡ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਾਇਆ ਜਾ ਸਕਦਾ ਹੈ ਕਿ ਇਕ ਪਾਸੇ ਉੱਤਰ ਅਤੇ ਉੱਤਰ ਪੂਰਬੀ ਰਾਜਾਂ ਵਿਚ ਮੀਂਹ ਦੀ ਬਹੁਤਾਤ ਵਾਲੇ ਇਲਾਕਿਆਂ ਵਿਚ ਘੱਟ ਮੀਂਹ ਪਿਆ ਜਦਕਿ ਘੱਟ ਮੀਂਹ ਵਾਲੇ ਰਾਜਸਥਾਨ ਵਿਚ ਬੀਤੇ ਇਕ ਦਹਾਕੇ ਦੌਰਾਨ ਕਈ ਸਾਲਾਂ ਵਿਚ ਆਮ ਮਾਤਰਾ ਦੀ ਤੁਲਨਾ ਵਿਚ ਜ਼ਿਆਦਾ ਮੀਂਹ ਪਿਆ।
Monsoon
ਮੰਤਰਾਲੇ ਨੇ ਦਸਿਆ ਕਿ ਸਾਲ ਚੱਕਰ ਵਿਚ ਤਬਦੀਲੀ ਮੁਤਾਬਕ ਫ਼ਸਲੀ ਚੱਕਰ ਵਿਚ ਤਬਦੀਲੀ ਦੀ ਲੋੜ ਨੂੰ ਵੇਖਦਿਆਂ ਭਾਰਤੀ ਖੇਤੀ ਖੋਜ ਪਰਿਸ਼ਦ ਨੇ ਘੱਟ ਮੀਂਹ ਅਤੇ ਘੱਟ ਸਮੇਂ ਵਿਚ ਤਿਆਰ ਹੋਣ ਵਾਲੀਆਂ ਤੇ ਹੜ੍ਹਾਂ ਤੇ ਸੋਕੇ ਦੇ ਅਨੁਕੂਲ ਫ਼ਸਲਾਂ ਦੀ ਨਵੀਂ ਕਿਸਮ ਵੀ ਵਿਕਸਿਤ ਕਰ ਲਈ ਹੈ। ਇਨ੍ਹਾਂ ਫ਼ਸਲਾਂ ਦਾ ਪਸਾਰ ਆਈਸੀਏਆਰ ਦੇ ਦੇਸ਼ ਭਰjਵਿਚ ਮੌਜੂਦ 121 ਖੇਤੀ ਵਿਗਿਆਨ ਕੇਂਦਰਾਂ ਰਾਹੀਂ ਕੀਤਾ ਜਾ ਰਿਹਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
