ਪਾਕਿ ਦੇ ਕਬਾਇਲੀਆਂ 'ਚ ਵਿਖੀ ਜ਼ਿਆਦਾ ਦਿਲਚਸਪੀ
ਨਵੀਂ ਦਿੱਲੀ : ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਭਾਰਤ ਯਾਤਰਾ 'ਤੇ ਜਿੱਥੇ ਪੂਰੇ ਵਿਸ਼ਵ ਦੀਆਂ ਨਜ਼ਰਾਂ ਟਿੱਕੀਆਂ ਹੋਈਆਂ ਸਨ, ਉਥੇ ਹੀ ਗੁਆਢੀ ਮੁਲਕ ਪਾਕਿਸਤਾਨ ਅੰਦਰ ਵੀ ਲੋਕਾਂ ਦੀ ਇਸ 'ਤੇ ਪਹਿਨੀ ਨਜ਼ਰ ਰੱਖੀ ਜਾ ਰਹੀ ਸੀ।
Photo
ਇਸ ਦਾ ਖੁਲਾਸਾ ਗੂਗਲ ਟ੍ਰੈਂਡਜ਼ ਦੇ ਤਾਜ਼ਾ ਅੰਕੜਿਆਂ ਤੋਂ ਹੋਇਆ ਹੈ। ਅੰਕੜਿਆਂ ਮੁਤਾਬਕ 24 ਫ਼ਰਵਰੀ ਦੀ ਸਵੇਰ ਤੋਂ ਹੀ ਪਾਕਿਸਤਾਨ ਅੰਦਰ ਇਸ ਦੀ ਸਰਚਿੰਗ ਦਾ ਅੰਕੜਾ ਵਧਣਾ ਸ਼ੁਰੂ ਹੋ ਗਿਆ ਸੀ।
Photo
23 ਫ਼ਰਵਰੀ ਤਕ ਡੋਨਾਲਡ ਟਰੰਪ ਦੀ ਪਾਕਿਸਤਾਨ ਅੰਦਰ ਸਰਚਿੰਗ 20 ਤੋਂ 25 ਫ਼ੀਸਦੀ ਸੀ ਜੋ ਅਗਲੇ ਦਿਨ ਵਧ ਕੇ 100 ਫ਼ੀਸਦੀ ਤਕ ਪਹੁੰਚ ਗਈ। ਇਸ ਤੋਂ ਪਾਕਿਸਾਨੀਆਂ ਅੰਦਰ ਟਰੰਪ ਦੀ ਭਾਰਤ ਫੇਰੀ ਨੂੰ ਲੈ ਕੇ ਉਤਸੁਕਤਾ ਦਾ ਪ੍ਰਗਟਾਵਾ ਹੁੰਦਾ ਹੈ।
Photo
ਕਾਬਲੇਗੌਰ ਹੈ ਕਿ ਗੂਗਲ ਦੇ ਰੁਝਾਨ 'ਤੇ ਅੰਕਾਂ ਅਨੁਸਾਰ ਕਿਸੇ ਵੀ ਸ਼ਬਦ ਦੀ ਪ੍ਰਸਿੱਧੀ ਦਾ ਅੰਦਾਜ਼ਾ ਲਾਇਆ ਜਾ ਸਕਦਾ ਹੈ। ਜਿੰਨੇ ਜ਼ਿਆਦਾ ਪੁਆਇੰਟ ਹੋਣਗੇ, ਉਨੀ ਹੀ ਉਚੀ ਪ੍ਰਸਿੱਧੀ ਮੰਨੀ ਜਾਂਦੀ ਹੈ। ਇਸ ਦੌਰਾਨ ਟਰੰਪ ਨੇ ਅਪਣੀ ਭਾਰਤ ਯਾਤਰਾ ਦੌਰਾਨ ਪਾਕਿਸਤਾਨ ਬਾਰੇ ਕੀ ਕਿਹਾ? ਵਿਸ਼ਵ ਦਾ ਸਭ ਤੋਂ ਵੱਡਾ ਕ੍ਰਿਕਟ ਸਟੇਡੀਅਮ ਕਿਹੜਾ ਹੈ? ਆਦਿ ਦੀ ਵੱਡੇ ਪੱਧਰ 'ਤੇ ਭਾਲ ਕੀਤੀ ਗਈ।
Photo
ਟਰੰਪ ਦੀ ਸਰਚਿੰਗ ਪਾਕਿਸਤਾਨ ਦੇ ਕਬਾਇਲੀ ਇਲਾਕਿਆਂ ਅੰਦਰ ਸਭ ਤੋਂ ਜ਼ਿਆਦਾ ਦਰਜ ਕੀਤੀ ਗਈ ਹੈ। ਕਬਾਇਲੀ ਇਲਾਕਿਆਂ ਅੰਦਰ ਸਰਚਿੰਗ 100 ਫ਼ੀਸਦੀ ਦੇ ਹਿਸਾਬ ਨਾਲ ਪਹਿਲੇ, ਇਸਲਾਮਾਬਾਦ ਵਿਚ 94 ਫ਼ੀ ਸਦੀ ਦੂਜੇ ਅਤੇ ਗਿਲਗਿਤ-ਬਾਲਟਿਸਤਾਨ 'ਚ 90 ਅੰਕਾਂ ਨਾਲ ਤੀਜੇ ਸਥਾਨ 'ਤੇ ਰਹੀ।
