ਹਰਿਆਣਾ ਦੇ ਹਿਸਾਰ ਜ਼ਿਲ੍ਹੇ ’ਚ ਇਕ ਔਰਤ ਨੇ ਸਬਜ਼ੀ ਕੱਟਣ ਵਾਲੇ ਚਾਕੂ ਨਾਲ ਅਪਣੀਆਂ 2 ਧੀਆਂ ਦਾ ਕਤਲ ਕਰ ਦਿਤਾ ਅਤੇ ਬਾਅਦ ’ਚ ਖ਼ੁਦ ਨੂੰ ਵੀ ਮਾਰਨ ਦੀ ਕੋਸ਼ਿਸ਼ ਕੀਤੀ।
ਹਿਸਾਰ, 25 ਮਈ : ਹਰਿਆਣਾ ਦੇ ਹਿਸਾਰ ਜ਼ਿਲ੍ਹੇ ’ਚ ਇਕ ਔਰਤ ਨੇ ਸਬਜ਼ੀ ਕੱਟਣ ਵਾਲੇ ਚਾਕੂ ਨਾਲ ਅਪਣੀਆਂ 2 ਧੀਆਂ ਦਾ ਕਤਲ ਕਰ ਦਿਤਾ ਅਤੇ ਬਾਅਦ ’ਚ ਖ਼ੁਦ ਨੂੰ ਵੀ ਮਾਰਨ ਦੀ ਕੋਸ਼ਿਸ਼ ਕੀਤੀ। ਪੁਲਿਸ ਨੇ ਦਸਿਆ ਕਿ ਮੂਲ ਰੂਪ ਨਾਲ ਰਾਜਸਥਾਨ ਦੇ ਹਨੂੰਮਾਨਗੜ੍ਹ ਦੀ ਵਾਸੀ ਪਰ ਇਥੇ ਸਬ ਡਵੀਜ਼ਨ ਬਰਵਾਲਾ ਦੇ ਖੇਦੜ ਪਿੰਡ ’ਚ ਝੁੱਗੀਆਂ ’ਚ ਰਹਿ ਰਹੀ ਚਾਰਯਾਂ ਦੁਪਹਿਰ 3.30 ਵਜੇ ਝੁੱਗੀ ’ਚ ਜ਼ਖ਼ਮੀ ਹਾਲਤ ’ਚ ਮਿਲੀ। ਗੁਆਂਢੀਆਂ ਨੇ ਐਂਬੂਲੈਂਸ ਬੁਲਾਈ ਅਤੇ ਚਾਰਯਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ। ਬੱਚੀਆਂ ਦੇ ਕਤਲ ਦੀ ਗੱਲ ਦਾ ਖ਼ੁਲਾਸਾ ਰਾਤ 9.30 ਵਜੇ ਹੋਇਆ, ਜਦੋਂ ਚਾਰਯਾਂ ਨੇ ਪਤੀ ਅਹਿਮਦ ਨੂੰ ਦਸਿਆ ਕਿ ਉਸ ਨੇ ਬੱਚੀਆਂ ਨੂੰ ਮਾਰ ਕੇ ਉਨ੍ਹਾਂ ਦੀਆਂ ਲਾਸ਼ਾਂ ਬਿਸਤਰ ’ਚ ਲੁਕਾ ਦਿਤੀਆਂ ਸਨ। ਅਹਿਮਦ ਘਟਨਾ ਦੇ ਸਮੇਂ ਕੰਮ ’ਤੇ ਸੀ। ਚਾਰਯਾਂ ਆਟਾ ਗੁੰਨ ਰਹੀ ਸੀ, ਜਦੋਂ ਦੋਵੇਂ ਧੀਆਂ ਤਿੰਨ ਸਾਲ ਦੀ ਮਮਤਾ ਅਤੇ ਇਕ ਸਾਲ ਦੀ ਕਿਰਨ ਨੇ ਆਟੇ ’ਚ ਮਿੱਟੀ ਸੁੱਟ ਦਿਤੀ ਸੀ। ਉਸ ਤੋਂ ਗੁੱਸੇ ਹੋ ਕੇ ਚਾਰਯਾਂ ਨੇ ਪਹਿਲੇ ਬੱਚੀਆਂ ਨੂੰ ਕੁੱਟਿਆ ਅਤੇ ਫਿਰ ਚਾਕੂ ਨਾਲ ਗਲ ਵੱਢ ਕੇ ਦੋਹਾਂ ਦਾ ਕਤਲ ਕਰ ਦਿਤਾ। ਬਾਅਦ ’ਚ ਚਾਰਯਾਂ ਨੇ ਅਪਣੀ ਗਰਦਨ ‘ਤੇ ਵੀ ਵਾਰ ਕਰ ਕੇ ਖ਼ੁਦਕੁਸ਼ੀ ਦੀ ਕੋਸ਼ਿਸ਼ ਕੀਤੀ। ਅਹਿਮਦ ਦੇ ਬਿਆਨ ’ਤੇ ਪੁਲਿਸ ਨੇ ਚਾਰਯਾਂ ਵਿਰੁਧ ਮਾਮਲਾ ਦਰਜ ਕੀਤਾ ਹੈ। (ਏਜੰਸੀ)
