Speedboat accident in Odisha: ਓਡੀਸ਼ਾ ਵਿਚ ਪੁਰੀ ਦੇ ਸਮੁੰਦਰ ’ਚ ਪਲਟੀ ਸਪੀਡਬੋਟ 

Sourav Ganguly's brother and sister-in-law narrowly escaped: ਪੁਰੀ ਦੇ ਸਮੁੰਦਰ ਵਿੱਚ ਪਾਣੀ ਦੀਆਂ ਖੇਡਾਂ ਦਾ ਆਨੰਦ ਮਾਣਦੇ ਹੋਏ, ਸਾਬਕਾ ਭਾਰਤੀ ਕ੍ਰਿਕਟ ਕਪਤਾਨ ਸੌਰਵ ਗਾਂਗੁਲੀ ਦੇ ਵੱਡੇ ਭਰਾ ਸਨੇਹਾਸ਼ੀਸ਼ ਗਾਂਗੁਲੀ ਅਤੇ ਉਨ੍ਹਾਂ ਦੀ ਪਤਨੀ ਅਰਪਿਤਾ ਨੂੰ ਲੈ ਜਾ ਰਹੀ ਸਪੀਡਬੋਟ ਪਲਟ ਗਈ ਪਰ ਦੋਵੇਂ ਵਾਲ-ਵਾਲ ਬਚ ਗਏ। ਪੁਲਿਸ ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਇਹ ਘਟਨਾ ਸ਼ਨੀਵਾਰ ਸ਼ਾਮ ਨੂੰ ਲਾਈਟਹਾਊਸ ਨੇੜੇ ਵਾਪਰੀ ਜਦੋਂ ਜੋੜਾ ਸਪੀਡਬੋਟ ਦੀ ਸਵਾਰੀ ਦਾ ਆਨੰਦ ਮਾਣ ਰਿਹਾ ਸੀ।

ਇੱਕ ਵੀਡੀਓ ਸੰਦੇਸ਼ ਵਿੱਚ ਅਰਪਿਤਾ ਨੇ ਕਿਹਾ, ‘‘ਰੱਬ ਦੀ ਕਿਰਪਾ ਨਾਲ, ਅਸੀਂ ਬਚ ਗਏ। ਮੈਂ ਅਜੇ ਵੀ ਸਦਮੇ ਵਿੱਚ ਹਾਂ। ਅਜਿਹਾ ਨਹੀਂ ਹੋਣਾ ਚਾਹੀਦਾ ਅਤੇ ਸਮੁੰਦਰ ਵਿੱਚ ਜਲ ਖੇਡਾਂ ਦਾ ਸਹੀ ਢੰਗ ਨਾਲ ਪ੍ਰਬੰਧ ਕੀਤਾ ਜਾਣਾ ਚਾਹੀਦਾ ਹੈ। ਮੈਂ ਕੋਲਕਾਤਾ ਵਾਪਸ ਆਉਣ ਤੋਂ ਬਾਅਦ ਪੁਰੀ ਦੇ ਪੁਲਿਸ ਸੁਪਰਡੈਂਟ ਅਤੇ ਓਡੀਸ਼ਾ ਦੇ ਮੁੱਖ ਮੰਤਰੀ ਨੂੰ ਇੱਕ ਪੱਤਰ ਲਿਖਾਂਗੀ।’’

ਇਸ ਘਟਨਾ ਬਾਰੇ, ਉਸਨੇ ਕਿਹਾ ਕਿ ਉਸਦੀ ਕਿਸ਼ਤੀ ਇੱਕ ਵੱਡੀ ਲਹਿਰ ਦੀ ਲਪੇਟ ਵਿੱਚ ਆਉਣ ਤੋਂ ਬਾਅਦ ਪਲਟ ਗਈ ਅਤੇ ਉਹ ਅਤੇ ਉਸਦੇ ਪਤੀ ਸਮੇਤ ਸਾਰੇ ਯਾਤਰੀ ਸਮੁੰਦਰ ਵਿੱਚ ਡਿੱਗ ਗਏ। ਉਸਨੇ ਕਿਹਾ, ‘‘ਸ਼ੁਕਰ ਹੈ, ਲਾਈਫਗਾਰਡ ਦੀ ਤੁਰੰਤ ਕਾਰਵਾਈ ਕਾਰਨ ਸਾਡੀਆਂ ਜਾਨਾਂ ਬਚ ਗਈਆਂ।’’ ਘਟਨਾ ਦੇ ਸਥਾਨਕ ਚਸ਼ਮਦੀਦਾਂ ਨੇ ਦਸਿਆ ਕਿ ‘ਸਪੀਡਬੋਟ’ ਇੱਕ ਵੱਡੀ ਲਹਿਰ ਨਾਲ ਟਕਰਾਉਣ ਤੋਂ ਬਾਅਦ ਸੰਤੁਲਨ ਗੁਆ ਬੈਠੀ ਅਤੇ ਸਮੁੰਦਰ ਵਿੱਚ ਪਲਟ ਗਈ।

(For more news apart from Sourav Ganguly Latest News, stay tuned to Rozana Spokesman)