ਮਿੰਟਾਂ 'ਚ ਬਦਲੀ ਗਰੀਬ ਪਰਿਵਾਰ ਦੀ ਕਿਸਮਤ, ਘਰ ਵਿਕਣ ਤੋਂ ਪਹਿਲਾਂ ਨਿਕਲੀ 1 ਕਰੋੜ ਦੀ ਲਾਟਰੀ
Published : Jul 26, 2022, 5:56 pm IST
Updated : Jul 26, 2022, 5:56 pm IST
SHARE ARTICLE
photo
photo

ਕਰਜ਼ਾ ਚੁਕਾਉਣ ਲਈ ਲਿਆ ਸੀ ਘਰ ਵੇਚਣ ਦਾ ਫ਼ੈਸਲਾ

 

ਮੰਜੇਸ਼ਵਰ : ਕਹਿੰਦੇ ਹਨ ਕਿ  ਕਿਸਮਤ ਬਦਲ ਨੂੰ ਬਹੁਤਾ ਟਾਈਮ ਨਹੀਂ ਲੱਗਦਾ। ਅਜਿਹਾ ਹੀ ਕੁਝ ਕੇਰਲ ਦੇ ਇਕ ਪੇਂਟਰ ਨਾਲ ਹੋਇਆ। ਮੰਜੇਸ਼ਵਰ ਵਿੱਚ ਰਹਿਣ ਵਾਲਾ 50 ਸਾਲਾ ਮੁਹੰਮਦ ਬਾਵਾ ਕਰਜ਼ੇ ਵਿੱਚ ਡੁੱਬਿਆ ਹੋਇਆ ਸੀ ਅਤੇ ਉਸਨੇ ਆਪਣਾ ਘਰ ਵੇਚਣ ਦਾ ਫੈਸਲਾ ਕੀਤਾ ਸੀ ਪਰ ਆਪਣਾ ਘਰ ਵੇਚਣ ਲਈ ਟੋਕਨ ਮਨੀ ਲੈਣ ਤੋਂ ਦੋ ਘੰਟੇ ਪਹਿਲਾਂ ਕੁਝ ਅਜਿਹਾ ਹੋਇਆ ਜਿਸ ਨੇ ਉਸ ਦੀ ਪੂਰੀ ਜ਼ਿੰਦਗੀ ਬਦਲ ਦਿੱਤੀ।

 

PHOTOPHOTO

 

ਦਰਅਸਲ, ਉਸ ਨੇ 1 ਕਰੋੜ ਰੁਪਏ ਦੀ ਲਾਟਰੀ ਦਾ ਇਨਾਮ ਜਿੱਤਿਆ ਸੀ। ਭਾਰੀ ਕਰਜ਼ਦਾਰ ਬਾਵਾ ਅਤੇ ਉਸਦੀ ਪਤਨੀ ਅਮੀਨਾ ਨੇ ਅੱਠ ਮਹੀਨੇ ਪਹਿਲਾਂ ਬਣਾਇਆ ਆਪਣਾ 2,000 ਵਰਗ ਫੁੱਟ ਦਾ ਘਰ ਵੇਚਣ ਦਾ ਫੈਸਲਾ ਕੀਤਾ ਸੀ ਪਰ ਆਖਰੀ ਸਮੇਂ 'ਤੇ ਉਹ ਇਸ ਨੂੰ ਬਚਾਉਣ ਵਿਚ ਕਾਮਯਾਬ ਰਹੇ। ਐਤਵਾਰ ਸ਼ਾਮ 5 ਵਜੇ ਇਕ ਪਾਰਟੀ ਸੌਦਾ ਪੱਕਾ ਕਰਨ ਲਈ ਟੋਕਨ ਰਾਸ਼ੀ ਲੈ ਕੇ ਬਾਵਾ ਦੇ ਘਰ ਆਉਣ ਵਾਲੀ ਸੀ। ਉਸ ਨੇ ਆਪਣੇ ਮਕਾਨ ਦੀ ਕੀਮਤ 45 ਲੱਖ ਰੁਪਏ ਰੱਖੀ ਸੀ ਕਿਉਂਕਿ ਉਸ 'ਤੇ 45 ਲੱਖ ਰੁਪਏ ਦਾ ਕਰਜ਼ਾ ਸੀ ਪਰ ਦਲਾਲ ਅਤੇ ਪਾਰਟੀ ਨੇ 40 ਲੱਖ ਰੁਪਏ ਦੇਣ ਲਈ ਕਿਹਾ। ਪਰ ਫਿਰ ਵੀ ਬਾਵਾ ਅਤੇ ਅਮੀਨਾ ਮਕਾਨ ਵੇਚਣ ਅਤੇ ਕਿਰਾਏ 'ਤੇ ਰਹਿਣ ਲਈ ਰਾਜ਼ੀ ਹੋ ਗਏ।

 

lotterylottery

 

ਅਮੀਨਾ ਨੇ 10 ਲੱਖ ਰੁਪਏ ਦਾ ਬੈਂਕ ਕਰਜ਼ਾ ਲਿਆ ਸੀ। ਨਾਲ ਹੀ, ਜੋੜੇ ਨੇ ਘਰ ਬਣਾਉਣ ਲਈ ਆਪਣੇ ਰਿਸ਼ਤੇਦਾਰਾਂ ਤੋਂ 20 ਲੱਖ ਰੁਪਏ ਹੋਰ ਉਧਾਰ ਲਏ ਸਨ। ਜਲਦੀ ਹੀ, ਉਸਨੇ ਆਪਣੀ ਦੂਜੀ ਧੀ ਦਾ ਵਿਆਹ ਕੀਤਾ ਸੀ । ਜਿਸ ਕਾਰਨ ਉ ਕਰਜ਼ੇ ਵਿੱਚ ਡੁੱਬ ਗਿਆ।  ਜੋੜੇ ਦੇ ਪੰਜ ਬੱਚੇ ਹਨ, ਚਾਰ ਧੀਆਂ ਅਤੇ ਇੱਕ ਪੁੱਤਰ। ਦੋ ਵੱਡੀਆਂ ਧੀਆਂ ਵਿਆਹੀਆਂ ਹੋਈਆਂ ਹਨ। ਉਸ ਦੇ 22 ਸਾਲਾ ਪੁੱਤਰ ਨਿਜ਼ਾਮੂਦੀਨ ਨੂੰ ਤਿੰਨ ਹਫ਼ਤੇ ਪਹਿਲਾਂ ਕਤਰ ਵਿੱਚ ਇੱਕ ਇਲੈਕਟ੍ਰਿਕ ਦੀ ਦੁਕਾਨ ਵਿੱਚ ਸੇਲਜ਼ਮੈਨ ਵਜੋਂ ਨੌਕਰੀ ਮਿਲੀ ਸੀ। ਸਭ ਤੋਂ ਛੋਟੀਆਂ ਦੋ ਧੀਆਂ 12ਵੀਂ ਜਮਾਤ ਵਿੱਚ ਪੜ੍ਹਦੀਆਂ ਹਨ।

 

 indian man wins 10 million dollar lotterylottery

 

ਬਾਵਾ ਦਾ ਕਹਿਣਾ ਹੈ ਕਿ ਪਿਛਲੇ ਚਾਰ ਮਹੀਨਿਆਂ ਤੋਂ ਉਸ ਦੇ ਪਰਿਵਾਰ ਦਾ ਹਰ ਕੋਈ ਬਹੁਤ ਤਣਾਅ ਵਿਚ ਸੀ। ਆਮਦਨ ਬਹੁਤ ਘੱਟ ਹੋਣ ਕਾਰਨ ਉਹ ਆਪਣਾ ਕਰਜ਼ਾ ਨਹੀਂ ਮੋੜ ਸਕੇ। ਐਤਵਾਰ ਦੁਪਹਿਰ 1 ਵਜੇ ਦੇ ਕਰੀਬ ਜਦੋਂ ਪਰਿਵਾਰ ਆਪਣੇ ਘਰ ਦੇ ਖਰੀਦਦਾਰ ਦੀ ਉਡੀਕ ਕਰ ਰਿਹਾ ਸੀ ਤਾਂ ਬਾਵਾ ਬਾਹਰ ਆ ਕੇ ਬਜ਼ਾਰ ਚਲਾ ਗਿਆ। ਉਸ ਨੇ ਕੇਰਲ ਸਰਕਾਰ ਦੀ ਫਿਫਟੀ-ਫਿਫਟੀ ਲਾਟਰੀ ਦੀਆਂ ਚਾਰ ਟਿਕਟਾਂ ਖਰੀਦੀਆਂ।

ਉਹ ਪਿਛਲੇ ਚਾਰ ਮਹੀਨਿਆਂ ਤੋਂ ਲਾਟਰੀਆਂ ਖਰੀਦ ਰਿਹਾ ਹੈ। ਇਸ ਉਮੀਦ ਵਿੱਚ ਕਿ ਕਿਸੇ ਦਿਨ ਕਿਸਮਤ ਬਦਲੇਗੀ। ਉਸ ਦਿਨ ਦੁਪਹਿਰ 3 ਵਜੇ ਲਾਟਰੀ ਕੱਢੀ ਗਈ ਅਤੇ ਬਾਵਾ ਨੂੰ ਪਤਾ ਲੱਗਾ ਕਿ ਉਸ ਦੀ ਲਾਟਰੀ ਜਿੱਤ ਗਈ ਹੈ। ਇੱਕ ਕਰੋੜ ਦੀ ਲਾਟਰੀ ਵਿੱਚੋਂ ਟੈਕਸ ਕੱਟਣ ਤੋਂ ਬਾਅਦ ਉਸ ਨੂੰ ਕਰੀਬ 63 ਲੱਖ ਰੁਪਏ ਮਿਲਣਗੇ। ਇਸ ਤੋਂ ਬਾਅਦ ਉਸ ਨੇ ਆਪਣਾ ਘਰ ਵੇਚਣ ਤੋਂ ਇਨਕਾਰ ਕਰ ਦਿੱਤਾ।

Location: India, Kerala

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

ਅਫ਼ਗ਼ਾਨਿਸਤਾਨ 'ਚ ਭਾਰੀ ਹੜ੍ਹ, ਹਰ ਪਾਸੇ ਪਾਣੀ ਹੀ ਪਾਣੀ, 33 ਲੋਕਾਂ ਦੀ ਮੌ*ਤ, 600 ਘਰ ਤਬਾਹ

15 Apr 2024 3:55 PM

ਮਾਰਿਆ ਗਿਆ Sarabjit Singh ਦਾ ਕਾਤਲ Sarfaraz, ਅਣਪਛਾਤਿਆਂ ਨੇ ਗੋਲੀਆਂ ਮਾਰ ਕੇ ਕੀਤਾ ਕ.ਤ.ਲ

15 Apr 2024 1:27 PM

ਕਾਂਗਰਸ ਨੇ ਜਾਰੀ ਕੀਤੀ ਪੰਜਾਬ ਦੇ ਉਮੀਦਵਾਰਾਂ ਦੀ ਪਹਿਲੀ ਸੂਚੀ, ਜਾਣੋ ਕਿਸਨੂੰ ਕਿੱਥੋਂ ਮਿਲੀ ਟਿਕਟ

15 Apr 2024 12:45 PM

ਟਿਕਟ ਨਾ ਮਿਲਣ ’ਤੇ ਮੁੜ ਰੁੱਸਿਆ ਢੀਂਡਸਾ ਪਰਿਵਾਰ! Rozana Spokesman ’ਤੇ Parminder Dhindsa ਦਾ ਬਿਆਨ

15 Apr 2024 12:37 PM

‘ਉੱਚਾ ਦਰ ਬਾਬੇ ਨਾਨਕ ਦਾ’ ਦੇ ਉਦਘਾਟਨੀ ਸਮਾਰੋਹ 'ਤੇ ਹੋ ਰਿਹਾ ਇਲਾਹੀ ਬਾਣੀ ਦਾ ਕੀਰਤਨ

15 Apr 2024 12:19 PM
Advertisement