ਗਿਆਨ ਵਰਧਕ ਮੁਕਾਬਲੇ ਬੱਚਿਆਂ ਨੂੰ ਆਪਣੀ ਕਲਾ ਦਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਕਰਨਾ ਸਿਖਾਉਂਦੇ ਹਨ।ਬੱਚਿਆਂ ਵਿਚਲੀ ਇਹ ਯੋਗਤਾ ਉਨ੍ਹਾਂ ਨੂੰ ਆਉਣ ਵਾਲੀਆਂ ਸਥਿਤੀਆਂ ਲਈ ਤਿਆਰ ਕਰ

ਨਵੀਂ ਦਿੱਲੀ, 8 ਅਗੱਸਤ (ਸੁਖਰਾਜ ਸਿੰਘ) : ਗਿਆਨ ਵਰਧਕ ਮੁਕਾਬਲੇ ਬੱਚਿਆਂ ਨੂੰ ਆਪਣੀ ਕਲਾ ਦਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਕਰਨਾ ਸਿਖਾਉਂਦੇ ਹਨ।ਬੱਚਿਆਂ ਵਿਚਲੀ ਇਹ ਯੋਗਤਾ ਉਨ੍ਹਾਂ ਨੂੰ ਆਉਣ ਵਾਲੀਆਂ ਸਥਿਤੀਆਂ ਲਈ ਤਿਆਰ ਕਰਦੀ ਹੈ। ਇਸੇ ਸਿਲਸਿਲੇ 'ਚ ਗੁਰੂ ਹਰਿਕ੍ਰਿਸ਼ਨ ਪਬਲਿਕ ਸਕੂਲ, ਕਰੋਲ ਬਾਗ ਦੇ ਬੱਚੇ ਵੀ ਆਪਣੀ ਅਜਿਹੀ ਪ੍ਰਤਿਭਾ ਨਾਲ ਨਿਖਰ ਰਹੇ ਹਨ। ਇਸ ਸਾਲ ਦੇ ਜੋਨਲ ਮੁਕਾਬਲਿਆਂ ਵਿਚ ਵੀ ਇਨ੍ਹਾਂ ਨੇ ਆਪਣੇ ਹੁਨਰ ਨਾਲ ਮਿਸਾਲ ਕਾਇਮ ਕੀਤੀ ਹੈ ਤੇ ਪਹਿਲੇ, ਦੂਜੇ, ਤੀਜੇ ਸਥਾਨ ਪ੍ਰਾਪਤ ਕਰਕੇ ਸਕੂਲ ਦਾ ਨਾਮ ਹੋਰ ਉਚਾ ਕੀਤਾ ਹੈ। ਜੂਨੀਅਰ ਗਰੁੱਪ 'ਚ ਜੀਗਿਸ਼ਾ ਨੇ 'ਮਾਸਕ ਮੇਕਿੰਗ' ਲਈ ਪਹਿਲਾ ਅਤੇ 'ਮੌਕੇ ਤੇ ਚਿਤਰਕਲਾ, 'ਸੋਲੋ ਗੀਤ' ਤੇ 'ਕਲੇ ਮੋਲਡਿੰਗ' ਲਈ ਦੂਜਾ ਸਥਾਨ, ਗਨੂੰ ਗਰਗ ਨੇ 'ਮੌਕੇ ਤੇ ਚਿਤਰਕਲਾ' ਲਈ ਦੂਜਾ ਸਥਾਨ, ਵੈਂਸ ਨੇ 'ਸੋਲੋ ਗੀਤ' ਲਈ ਦੂਜਾ ਸਥਾਨ, ਕੁਨਾਲ ਨੇ 'ਕਲੇ ਮੋਲਡਿੰਗ' ਲਈ ਪਹਿਲਾ ਸਥਾਨ ਅਤੇ ਲਕਸ਼ੇ ਨੇ 'ਪੋਸਟਰ ਮੇਕਿੰਗ' ਲਈ ਤੀਸਰਾ ਸਥਾਨ ਪ੍ਰਾਪਤ ਕੀਤਾ। ਮਿਡਲ ਗਰੁੱਪ 'ਚ ਦੀਪਾਲੀ ਨੇ 'ਕੋਲਾਜ ਬਣਾਉਣਾ' ਲਈ ਤੀਸਰਾ ਸਥਾਨ, ਛਵੀ ਨੇ 'ਕੋਲਾਜ ਬਣਾਉਣਾ' ਤੇ 'ਵੋਕਲ ਸੋਲੋ (ਕਲਾਸੀਕਲ ਸੰਗੀਤ) ਲਈ ਤੀਸਰਾ ਸਥਾਨ, ਗੁਰਕੰਵਲਜੋਤ ਸਿੰਘ ਨੇ ਵਾਦ ਸੰਗੀਤ (ਤਬਲਾ) ਲਈ ਦੂਜਾ ਸਥਾਨ, ਹਰਸ਼ਦੀਪ ਸਿੰਘ ਅਤੇ ਮਾਨਵ ਨੇ 'ਵੋਕਲ ਸੋਲੋ' ਲਈ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਇਸੇ ਪ੍ਰਕਾਰ ਸੀਨੀਅਰ ਗਰੁੱਪ 'ਚ ਅਮੀਸ਼ਾ ਨੇ 'ਸੋਲੋ ਡਾਂਸ' ਲਈ  ਤੀਸਰਾ ਸਥਾਨ, ਗੌਰਵ ਨਿਝਾਵਨ ਨੇ 'ਮੋਨੋ ਐਕਟਿੰਗ' ਲਈ ਤੀਸਰਾ ਸਥਾਨ, ਰਵਨੀਤ ਸਿੰਘ ਨੇ 'ਇਨਸਟਰੂਮੈਂਟਲ ਸੰਗੀਤ' ਲਈ ਤੀਸਰਾ ਤੇ 'ਵੋਕਲ ਸੋਲੋ' ਲਈ ਪਹਿਲਾ ਸਥਾਨ, ਗਗਨਪ੍ਰੀਤ ਕੌਰ ਨੇ 'ਵੋਕਲ ਸੋਲੋ' ਲਈ ਦੂਸਰਾ ਸਥਾਨ, ਸੌਮਿਆ ਨੇ 'ਵੋਕਲ ਸੋਲੋ' (ਲਾਇਟ ਮਿਊਜਿਕ) ਲਈ ਪਹਿਲਾ ਸਥਾਨ, ਵੈਭਵ ਨੇ 'ਵੋਕਲ ਸੋਲੋ' ਲਈ ਦੂਸਰਾ ਸਥਾਨ ਅਤੇ ਦਿਵਿਆ ਟੰਡਲ ਨੇ ਅੰਗਰੇਜੀ ਭਾਸ਼ਣ ਮੁਕਾਬਲੇ ਲਈ ਦੂਸਰਾ ਸਥਾਨ ਹਾਸਲ ਕੀਤਾ। ਇਹ ਸਾਰੇ ਵਿਦਿਆਰਥੀ ਬੇਹਤਰ ਨਤੀਜਿਆਂ ਲਈ ਦਿਲੀ ਵਧਾਈ ਦੇ ਹੱਕਦਾਰ ਹਨ।ਇਸ ਮੌਕੇ ਸਕੂਲ ਦੀ ਪ੍ਰਿੰਸੀਪਲ ਸਰਦਾਰਨੀ ਜਸਵਿੰਦਰ ਕੌਰ ਮੇਹਾਨ ਨੇ ਅਵੱਲ ਆਏ ਬੱਚਿਆਂ ਨੂੰ ਮੁਬਾਰਕਬਾਦ ਦਿੱਤੀ ਅਤੇ ਹੋਰ ਮਿਹਨਤ ਕਰਨ ਦੀ ਤਾਕੀਦ ਵੀ ਕੀਤੀ।