ਵਿੱਤੀ ਵਰ੍ਹੇ 2016-17 ਵਿਚ ਆਮਦਨ ਕਰ ਰਿਟਰਨ ਦਾਖ਼ਲ ਕਰਨ ਵਾਲਿਆਂ ਦੀ ਗਿਣਤੀ 25 ਫ਼ੀ ਸਦੀ ਵਧ ਕੇ 2.82 ਕਰੋੜ 'ਤੇ ਪੁੱਜ ਗਈ। ਆਮਦਨ ਕਰ ਵਿਭਾਗ ਦਾ ਕਹਿਣਾ ਹੈ ਕਿ..

ਨਵੀਂ ਦਿੱਲੀ, 7 ਅਗੱਸਤ: ਵਿੱਤੀ ਵਰ੍ਹੇ 2016-17 ਵਿਚ ਆਮਦਨ ਕਰ ਰਿਟਰਨ ਦਾਖ਼ਲ ਕਰਨ ਵਾਲਿਆਂ ਦੀ ਗਿਣਤੀ 25 ਫ਼ੀ ਸਦੀ ਵਧ ਕੇ 2.82 ਕਰੋੜ 'ਤੇ ਪੁੱਜ ਗਈ। ਆਮਦਨ ਕਰ ਵਿਭਾਗ ਦਾ ਕਹਿਣਾ ਹੈ ਕਿ ਨੋਟਬੰਦ ਮਗਰੋਂ ਵਧੇਰੇ ਲੋਕ ਆਮਦਨ ਕਰ ਰਿਟਰਨ ਦਾਖ਼ਲ ਕਰ ਰਹੇ ਹਨ ਜਿਸ ਨਾਲ ਕੁਲ ਗਿਣਤੀ ਵਿਚ ਵਾਧਾ ਹੋਇਆ। ਇਕ ਅਧਿਕਾਰਤ ਬਿਆਨ ਵਿਚ ਕਿਹਾ ਗਿਆ ਨਿਜੀ ਆਮਦਨ ਕਰ ਰਿਟਰਨ ਦਾਖ਼ਲ ਕਰਨ ਦਾ ਅੰਕੜਾ 5 ਅਗੱਸਤ ਤਕ ਵਧ ਕੇ 2.79ਲ ਕਰੋੜ ਹੋ ਗਿਆ। ਇਸ ਤੋਂ ਪਿਛਲੇ ਵਿੱਤੀ ਵਰ੍ਹੇ ਵਿਚ ਇਸੇ ਸਮੇਂ ਦੌਰਾਨ 2.22 ਕਰੋੜ ਲੋਕਾਂ ਨੇ ਆਮਦਨ ਕਰ ਰਿਟਰਨ ਦਾਖ਼ਲ ਕੀਤੀ ਸੀ।
ਬਿਆਨ ਵਿਚ ਕਿਹਾ ਗਿਆ ਕਿ ਨੋਟਬੰਦੀ ਅਤੇ ਸਵੱਛ ਧਨ ਅਭਿਆਨ ਕਾਰਨ ਵੱਡੀ ਗਿਣਤੀ ਵਿਚ ਲੋਕ ਆਮਦਨ ਕਰ ਰਿਟਰਨ ਦਾਖ਼ਲ ਕਰ ਰਹੇ ਹਨ। ਪਿਛਲੇ ਵਿੱਤੀ ਵਰ੍ਹੇ ਦੌਰਾਨ ਆਮਦਨ ਕਰ ਰਿਟਰਨ ਦਾਖ਼ਲ ਕਰਨ ਵਾਲਿਆਂ ਦੀ ਗਿਣਤੀ ਵਿਚ ਸਿਰਫ਼ 9 ਫ਼ੀ ਸਦੀ ਵਾਧਾ ਦਰਜ ਕੀਤਾ ਗਿਆ ਸੀ। ਨਿਜੀ ਰਿਟਰਨਾਂ ਅਤੇ ਯੂ.ਐਚ.ਐਫ਼ ਜਿਨ੍ਹਾਂ ਦਾ ਆਡਿਟ ਕਰਨ ਦੀ ਜ਼ਰੂਰਤ ਨਹੀਂ ਪੈਂਦੀ, ਲਈ ਰਿਟਰਨ ਦਾਖ਼ਲ ਕਰਨ ਦਾ ਅੰਤਮ ਮਿਤੀ 5 ਅਗੱਸਤ ਸੀ। (ਏਜੰਸੀ)