P Chidambaram and Narendra Modi
ਕਾਂਗਰਸੀ ਨੇਤਾ ਪੀ ਚਿਦੰਬਰਮ ਨੇ ਨਰਿੰਦਰ ਮੋਦੀ ਸਰਕਾਰ ਦੀਆਂ ਪਹਿਲਕਦਮੀਆਂ 'ਤੇ ਸਵਾਲ ਖੜ੍ਹੇ ਕਰਦੇ ਹੋਏ ਕਿਹਾ ਕਿ ਇਕ ਪਾਸੇ ਬਿਨਾਂ ਫਾਟਕ ਵਾਲੇ ਰੇਲ ਲਾਂਘਿਆਂ 'ਤੇ 13...
ਨਵੀਂ ਦਿੱਲੀ, 27 ਅਪ੍ਰੈਲ : ਕਾਂਗਰਸੀ ਨੇਤਾ ਪੀ ਚਿਦੰਬਰਮ ਨੇ ਨਰਿੰਦਰ ਮੋਦੀ ਸਰਕਾਰ ਦੀਆਂ ਪਹਿਲਕਦਮੀਆਂ 'ਤੇ ਸਵਾਲ ਖੜ੍ਹੇ ਕਰਦੇ ਹੋਏ ਕਿਹਾ ਕਿ ਇਕ ਪਾਸੇ ਬਿਨਾਂ ਫਾਟਕ ਵਾਲੇ ਰੇਲ ਲਾਂਘਿਆਂ 'ਤੇ 13 ਬੱਚਿਆਂ ਦੀ ਮੌਤ ਹੋ ਗਈ ਅਤੇ ਦੂਜੇ ਪਾਸੇ ਬੁਲੇਟ ਟ੍ਰੇਨ 'ਤੇ ਸਰਕਾਰ ਵਲੋਂ ਅਰਬਾਂ ਰੁਪਏ ਖ਼ਰਚ ਕੀਤੇ ਜਾ ਰਹੇ ਹਨ।
P Chidambaram
ਚਿਦੰਬਰਮ ਨੇ ਕਿਹਾ ਕਿ ਜਿਸ ਦਿਨ 1,08,000 ਕਰੋੜ ਰੁਪਏ ਦੀ ਬੁਲੇਟ ਟ੍ਰੇਨ ਲਈ 77 ਹੈਕਟੇਅਰ ਜੰਗਲ ਦੀ ਜ਼ਮੀਨ ਦਿਤੀ ਗਈ, ਉਸੇ ਦਿਨ ਬਿਨਾਂ ਫਾਟਕ ਦੇ ਰੇਲ ਲਾਂਘਿਆਂ 'ਤੇ 13 ਬੱਚਿਆਂ ਦੀ ਮੌਤ ਹੋ ਗਈ। ਉਨ੍ਹਾਂ ਕਿਹਾ ਕਿ ਬੁਲੇਟ ਟ੍ਰੇਨ ਲਈ ਉੱਚ ਪੱਧਰ ਦੀ ਨਿਗਰਾਨੀ ਵਾਲੇ ਰੇਲ ਲਾਂਘਿਆਂ ਦੀ ਲੋੜ ਹੁੰਦੀ ਹੈ ਪਰ ਹਾਦਸਾ ਮੋਦੀ ਸਰਕਾਰ ਦੀਆਂ ਤਰਜੀਹਾਂ ਨੂੰ ਦਿਖਾਉਂਦਾ ਹੈ।
Bullet Train
ਉਨ੍ਹਾਂ ਨੇ ਕਿਹਾ ਕਿ 77 ਹੈਕਟੇਅਰ ਜੰਗਲ ਦੀ ਜ਼ਮੀਨ ਚਲੀ ਗਈ, 13 ਬੱਚਿਆਂ ਦੀ ਜ਼ਿੰਦਗੀ ਚਲੀ ਗਈ। ਕੀ ਹਾਸਲ ਹੋਇਆ? ਇਕ ਅਜਿਹੀ ਰੇਲਗੱਡੀ ਜਿਸ 'ਚ ਦੇਸ਼ ਦੇ 99 ਫ਼ੀ ਸਦੀ ਲੋਕ ਕਦੇ ਸਫ਼ਰ ਨਹੀਂ ਕਰਨਗੇ।
