ਇਹਨਾਂ ਸਮਝੌਤਿਆਂ ਨਾਲ ਭਾਰਤ ਦੀ ਸੈਨਾ ਦੀ ਤਾਕਤ ਵਿਚ ਮਜ਼ਬੂਤੀ ਆਵੇਗੀ।
ਨਵੀਂ ਦਿੱਲੀ - ਚੀਨ ਅਤੇ ਭਾਰਤ ਵਿਚਾਲੇ ਤਣਾਅ ਦੇ ਚਲਦੇ ਅਮਰੀਕਾ ਅਤੇ ਭਾਰਤ ਵਿਚਾਲੇ ਮਿਲਟਰੀ ਸਹਿਯੋਗ ਨੂੰ ਲੈ ਕੇ ਇਕ ਵੱਡਾ ਸਮਝੌਤਾ ਹੋਇਆ ਹੈ। ਹੈਦਰਾਬਾਦ ਹਾਊਸ ਵਿਖੇ ਹੋਈ ਟੂ ਪਲੱਸ ਟੂ (2 + 2 ਸੰਵਾਦ) ਦੀ ਬੈਠਕ ਵਿਚ ਭਾਰਤ-ਅਮਰੀਕਾ ਵਿਚ ਬੇਸਿਕ ਐਕਸਚੇਂਜ ਅਤੇ ਸਹਿਕਾਰਤਾ ਦੇ ਸਮਝੌਤੇ ਭਾਵ ਬੀਈਸੀਏ 'ਤੇ ਕਰਾਰ ਪੂਰਾ ਹੋ ਗਿਆ ਹੈ।
Mike Pompeo with India Defence Minister
ਅਮਰੀਕਾ ਦੇ ਵਿਦੇਸ਼ ਮੰਤਰੀ ਮਾਈਕ ਪੋਂਪਿਓ, ਰੱਖਿਆ ਮੰਤਰੀ ਮਾਰਕ ਏਸਪਰ ਅਤੇ ਭਾਰਤ ਦੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ, ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਨੇ ਸਮਝੌਤੇ 'ਤੇ ਹਸਤਾਖ਼ਰ ਕਰ ਦਿੱਤੇ ਹਨ। ਇਸ ਸੌਦੇ ਨਾਲ ਭਾਰਤ ਮਿਜ਼ਾਈਲ ਹਮਲੇ ਲਈ ਵਿਸ਼ੇਸ਼ ਅਮਰੀਕੀ ਡਾਟਾ ਦੀ ਵਰਤੋਂ ਕਰ ਸਕੇਗਾ। ਇਸ ਵਿਚ ਕਿਸੇ ਵੀ ਇਲਾਕੇ ਦੀ ਸਟੀਕ ਭੂਗੋਲਿਕ ਲੋਕੇਸ਼ਨ ਹੁੰਦੀ ਹੈ। ਇਹਨਾਂ ਸਮਝੌਤਿਆਂ ਨਾਲ ਭਾਰਤ ਦੀ ਸੈਨਾ ਦੀ ਤਾਕਤ ਵਿਚ ਮਜ਼ਬੂਤੀ ਆਵੇਗੀ।
India-US 2+2 Meeting
ਸੌਦੇ ਤੋਂ ਬਾਅਦ ਸੰਯੁਕਤ ਰਾਜ ਦੇ ਵਿਦੇਸ਼ ਮੰਤਰੀ ਮਾਈਕ ਪੋਂਪੀਓ ਨੇ ਕਿਹਾ ਕਿ ਅੱਜ ਦੋ ਮਹਾਨ ਲੋਕਤੰਤਰਾਂ ਦੇ ਨੇੜੇ ਜਾਣ ਦਾ ਇਕ ਵਧੀਆ ਮੌਕਾ ਹੈ। ਖਿੱਤੇ ਵਿੱਚ ਸ਼ਾਂਤੀ ਅਤੇ ਸਥਿਰਤਾ ਨੂੰ ਉਤਸ਼ਾਹਤ ਕਰਨ ਲਈ, ਚੀਨੀ ਕਮਿਊਨਸਟੀ ਪਾਰਟੀ ਦੀ ਸੁਰੱਖਿਆ ਅਤੇ ਸੁਤੰਤਰਤਾ ਲਈ ਆਉਣ ਵਾਲੇ ਖਤਰਿਆਂ ਦਾ ਮੁਕਾਬਲਾ ਕਰਨ ਲਈ, ਅੱਜ ਸਾਡੇ ਕੋਲ ਵਿਚਾਰਨ ਲਈ ਬਹੁਤ ਕੁਝ ਹੈ।
S Jaishankar
ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਨੇ ਬੈਠਕ ਵਿਚ ਕਿਹਾ, ‘ਪਿਛਲੇ ਦੋ ਦਹਾਕਿਆਂ ਵਿਚ ਸਾਡੇ ਦੁਵੱਲੇ ਸਬੰਧ ਨਿਰੰਤਰ ਵਧੇ ਹਨ। ਇੱਕ ਸਮੇਂ ਜਦੋਂ ਨਿਯਮਾਂ ਅਧਾਰਤ ਅੰਤਰਰਾਸ਼ਟਰੀ ਪ੍ਰਣਾਲੀ ਨੂੰ ਬਣਾਈ ਰੱਖਣਾ ਖਾਸ ਮਹੱਤਵਪੂਰਨ ਹੁੰਦਾ ਹੈ। ਖੇਤਰੀ ਅਤੇ ਗਲੋਬਲ ਚੁਣੌਤੀਆਂ ਦੀ ਗੱਲ ਕਰੀਏ ਤਾਂ ਅਸੀਂ ਵਾਸਤਵਿਕ ਫਰਕ ਲਿਆ ਸਕਦੇ ਹਾਂ।
Rajnath Singh
ਭਾਰਤ-ਅਮਰੀਕਾ 2 + 2 ਮੀਟਿੰਗ ਦੌਰਾਨ ਗ੍ਰਹਿ ਮੰਤਰੀ ਰਾਜਨਾਥ ਸਿੰਘ ਨੇ ਕਿਹਾ, ‘ਸਾਡੀ ਆਰਥਿਕਤਾ ਨੂੰ ਨੁਕਸਾਨ ਹੋਇਆ ਹੈ। ਅਸੀਂ ਉਦਯੋਗਾਂ ਅਤੇ ਸੇਵਾ ਖੇਤਰਾਂ ਨੂੰ ਮੁੜ ਸੁਰਜੀਤ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ। ਮੌਜੂਦਾ ਚੁਣੌਤੀਆਂ ਦੇ ਮੱਦੇਨਜ਼ਰ ਸਾਡੀ ਭਾਈਵਾਲੀ ਵਧੇਰੇ ਮਹੱਤਵਪੂਰਨ ਬਣ ਗਈ ਹੈ। ਅਸੀਂ ਦੋਵੇਂ ਨਿਯਮ ਅਧਾਰਤ ਆਦੇਸ਼ ਅਤੇ ਲੋਕਤੰਤਰ ਵਿੱਚ ਵਿਸ਼ਵਾਸ ਕਰਦੇ ਹਾਂ। ’
