ਰਾਸ਼ਟਰੀ ਜਨਤਾ ਦਲ ਦੇ ਨੇਤਾ ਅਤੇ ਬਿਹਾਰ ਦੇ ਸਾਬਕਾ ਸਿਹਤ ਮੰਤਰੀ ਤੇਜਪ੍ਰਤਾਪ ਯਾਦਵ ਅਪਣੇ ਪਿਤਾ ਲਾਲੂ ਪ੍ਰਸਾਦ ਯਾਦਵ ਦੀ ਰਿਹਾਈ ਲਈ ਤਿਆਰ ਹੋ ਚੁੱਕੇ ਹਨ। ਰਾਜਦ ਨੇ...
ਪਟਨਾ (ਭਾਸ਼ਾ): ਰਾਸ਼ਟਰੀ ਜਨਤਾ ਦਲ ਦੇ ਨੇਤਾ ਅਤੇ ਬਿਹਾਰ ਦੇ ਸਾਬਕਾ ਸਿਹਤ ਮੰਤਰੀ ਤੇਜਪ੍ਰਤਾਪ ਯਾਦਵ ਅਪਣੇ ਪਿਤਾ ਲਾਲੂ ਪ੍ਰਸਾਦ ਯਾਦਵ ਦੀ ਰਿਹਾਈ ਲਈ ਤਿਆਰ ਹੋ ਚੁੱਕੇ ਹਨ। ਰਾਜਦ ਨੇਤਾ ਤੇਜਪ੍ਰਤਾਪ ਯਾਦਵ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਹ ਅਪਣੇ ਪਿਤਾ ਲਾਲੂ ਪ੍ਰਸਾਦ ਦੀ ਰਿਹਾਈ ਦਾ ਪ੍ਰਬੰਧ ਕਰਨ ਲਈ ਛੇਤੀ ਦਿੱਲੀ ਜਾਣਗੇ। ਦੱਸ ਦਈਏ ਕਿ ਲਾਲੂ ਪ੍ਰਸਾਦ ਯਾਦਵ ਚਾਰਾ ਘਪਲੇ ਨਾਲ ਜੁੜੇ ਕਈ ਮਾਮਲਿਆਂ 'ਚ ਸਜ਼ਾ ਕੱਟ ਰਹੇ ਨੇ।
Tej Pratap Yadav
ਤੇਜਪ੍ਰਤਾਪ ਯਾਦਵ ਨੇ ਇਹ ਟਿੱਪਣੀ ਰਾਜਵਿਆਪੀ ਧਰਨੇ ਦੀ ਅਗਵਾਈ ਕਰਨ ਦੌਰਾਨ ਕੀਤੀ ਸੀ। ਰਾਜਦ ਦੀ ਜਵਾਨ ਇਕਾਈ ਦੇ ਕਰਮਚਾਰੀਆਂ ਨੇ ਸੀਬੀਆਈ ਦੇ ਕਥਿਤ ਦੁਰਵਰਤੋਂ ਅਤੇ ਪਾਰਟੀ ਸੁਪ੍ਰੀਮੋ ਨੂੰ ਫਸਾਉਣ ਦੇ ਵਿਰੋਧ 'ਚ ਸਾਰੇ ਜ਼ਿਲ੍ਹੀਆਂ 'ਚ ਧਰਨਾ ਦਿਤਾ। ਦੱਸ ਦਈਏ ਕਿ ਪ੍ਰਸਾਦ ਬਿਹਾਰ ਦੇ ਸਾਬਕਾ ਮੁੱਖ ਮੰਤਰੀ ਹਨ ਅਤੇ ਇਹ ਮਾਮਲਾ ਉਨ੍ਹਾਂ ਦੇ ਮੁੱਖ ਮੰਤਰੀ ਰਹਿਣ ਦੌਰਾਨ ਦਾ ਹੈ।
Tej Pratap Yadav
ਦੂਜੇ ਪਾਸੇ ਤੇਜਪ੍ਰਤਾਪ ਯਾਦਵ ਨੇ ਕਿਹਾ ਕਿ ਲਾਲੂ ਪ੍ਰਸਾਦ ਯਾਦਵ ਨੂੰ ਮਾਮਲਿਆਂ 'ਚ ਫਸਾਇਆ ਗਿਆ ਹੈ। ਭਾਜਪਾ ਸਰਕਾਰ ਰਾਜਨੀਤਕ ਫਾਇਦੇ ਲਈ ਸੀਬੀਆਈ ਦਾ ਦੁਰਵਰਤੋਂ ਕਰ ਰਹੀ ਹੈ। ਭਾਜਪਾ ਰਾਜਨੀਤਕ ਪ੍ਰਭਾਵ ਦੀ ਵਰਤੋਂ ਕਰ ਯਕੀਨੀ ਬਣਾ ਰਹੀ ਹੈ ਕਿ ਲਾਲੂ ਪ੍ਰਸਾਦ ਜ਼ਮਾਨਤ 'ਤੇ ਰਿਹਾ ਨਾ ਹੋ ਸਕਣ। ਉਨ੍ਹਾਂ ਨੇ ਕਿਹਾ ਕਿ ਚੋਣਾਂ ਦੇ ਸਮੇਂ ਉਨ੍ਹਾਂ ਦੇ ਜੇਲ੍ਹ ਤੋਂ ਬਾਹਰ ਆਉਣਾ ਭਾਜਪਾ ਦਾ ਵਿਰੋਧ ਕਰਨ ਵਾਲੀਆਂ ਤਾਕਤਾਂ 'ਚ ਜੋਸ਼ ਭਰ ਜਾਵੇਗਾ।
ਸਾਬਕਾ ਮੰਤਰੀ ਨੇ ਕਿਹਾ ਕਿ ਇਹ ਲੰਮੇ ਸਮੇਂ ਤੱਕ ਨਹੀਂ ਚਲਣ ਵਾਲਾ ਹੈ। ਮੈਂ ਛੇਤੀ ਦਿੱਲੀ ਲਈ ਰਵਾਨਾ ਹੋਵਾਂਗਾ ਅਤੇ ਉਨ੍ਹਾਂ ਦੀ ਰਿਹਾਈ ਦਾ ਪ੍ਰਬੰਧ ਕਰਾਂਗਾ।
