ਪੁਲਿਸ ਨੇ ਮੁਰਗੇ ਦੇ ਫੜੇ ਜਾਣ ਦੀਆਂ ਖਬਰਾਂ ਤੋਂ ਇਨਕਾਰ ਕੀਤਾ ਹੈ।

ਗਿਤਿਯਾਲ: ਦੱਖਣੀ ਭਾਰਤ ਦੇ ਰਾਜ ਤੇਲੰਗਾਨਾ ਵਿਚ ਇਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿਥੇ ਪੁਲਿਸ ਨੇ ਇੱਕ ਮੁਰਗੇ ਨੂੰ ਹਿਰਾਸਤ ਵਿੱਚ ਲਿਆ ਹੈ ਅਤੇ ਇੱਕ ਪੋਲਟਰੀ ਫਾਰਮ ਵਿੱਚ ਰੱਖਿਆ ਹੈ।  ਦਰਅਸਲ, ਤੇਲੰਗਾਨਾ ਦੇ ਜਸਟਿਅਲ ਜ਼ਿਲ੍ਹੇ ਵਿਚ ਇਕ ਮੁਰਗੇ ਨੇ ਅਚਾਨਕ ਮਾਲਕ ਦੀ ਹੱਤਿਆ ਕਰ ਦਿੱਤੀ। ਪੁਲਿਸ ਹੁਣ ਮੁਰਗ਼ੇ ਨੂੰ ਚਾਕੂ ਸਮੇਤ ਅਦਾਲਤ ’ਚ ਪੇਸ਼ ਕਰੇਗੀ। ਹਾਲਾਂਕਿ, ਪੁਲਿਸ ਨੇ ਮੁਰਗੇ ਦੇ ਫੜੇ ਜਾਣ ਦੀਆਂ ਖਬਰਾਂ ਤੋਂ ਇਨਕਾਰ ਕੀਤਾ ਹੈ।

COCK

ਕੀ ਹੈ ਪੂਰਾ ਮਾਮਲਾ 
ਤੇਲੰਗਾਨਾ ਦੇ ਜਗਿਤਿਯਾਲ ਜ਼ਿਲ੍ਹੇ ਦੇ ਗੋਲਾਪੱਲੀ ਡਿਵੀਜ਼ਨ ਦੇ ਪਿੰਡ ਲੋਥੁਨੁਰ ’ਚ ਮੁਰਗ਼ਿਆਂ ਦੀ ਲੜਾਈ ਚੱਲ ਰਹੀ ਸੀ। ਇੱਥੇ ਮੁਰਗ਼ਿਆਂ ਦੇ ਪੈਰ ਵਿੱਚ ਇੱਕ ਤੇਜ਼ਧਾਰ ਚਾਕੂ ਬੰਨ੍ਹਿਆ ਜਾਂਦਾ ਹੈ। ਦੋਵੇਂ ਪਾਸੇ ਲੜਨ ਵਾਲੇ ਮੁਰਗ਼ਿਆਂ ਦੇ ਇੱਕ-ਇੱਕ ਪੈਰ ਵਿੱਚ ਚਾਕੂ ਬੰਨ੍ਹਿਆ ਹੁੰਦਾ ਹੈ। ਇਕ ਸਤੀਸ਼ ਨਾਂ ਦਾ ਵਿਅਕਤੀ ਵੀ ਆਪਣੇ ਮੁਰਗ਼ੇ ਨੂੰ ਲੜਾਈ ਲਈ ਤਿਆਰ ਕਰ ਰਿਹਾ ਸੀ। ਮੁਰਗ਼ਾ ਉਸ ਦੀ ਗੋਦ ਵਿੱਚੋਂ ਨਿੱਕਲਣ ਲਈ ਤੜਪ ਰਿਹਾ ਸੀ। ਉਸ ਦੇ ਪੈਰ ’ਚ ਬੰਨ੍ਹਿਆ ਚਾਕੂ ਸਤੀਸ਼ ਦੀ ਪਿੱਠ ਦੇ ਹੇਠਲੇ ਹਿੱਸੇ ’ਚ ਧਸ ਗਿਆ ਤੇ ਉਹ ਬੁਰੀ ਤਰ੍ਹਾਂ ਜ਼ਖ਼ਮੀ ਹੋ ਗਿਆ। ਸਤੀਸ਼ ਨੂੰ ਜਲਦ ਹੀ ਹਸਪਤਾਲ ਲਿਜਾਂਦਾ ਗਿਆ ਪਰ ਖ਼ੂਨ ਜ਼ਿਆਦਾ ਵਹਿ ਜਾਣ ਕਾਰਣ ਉਸ ਦੀ ਮੌਤ ਹੋ ਗਈ। 

COCK FIGHT

ਪੁਲਿਸ ਇਸ ਮੁਰਗੇ ਨੂੰ ਗੋਲਪੱਲੀ ਥਾਣੇ ਲੈ ਆਈ, ਜਿਸਦੀ ਦੇਖਭਾਲ ਪੁਲਿਸ ਮੁਲਾਜ਼ਮਾਂ ਨੇ ਕੀਤੀ, ਜਿਨ੍ਹਾਂ ਨੇ ਇਸਦੇ ਲਈ ਭੋਜਨ ਵੀ ਮੁਹੱਈਆ ਕਰਵਾਇਆ। ਦੱਸਣਯੋਗ ਹੈ ਕਿ ਰਾਜ ਵਿੱਚ ਮੁਰਗ਼ਿਆਂ ਦੀ ਲੜਾਈ 'ਤੇ ਪਾਬੰਦੀ ਹੈ, ਇਸ ਲਈ ਲੋਕਾਂ ਦੇ ਇੱਕ ਸਮੂਹ ਨੇ ਪਿੰਡ ਵਿੱਚ ਯੇਲਮਮਾ ਮੰਦਰ ਦੇ ਕੋਲ ਗੁਪਤ ਰੂਪ ਵਿੱਚ ਇੱਕ ਮੁਰਗੀ ਲੜਾਈ ਦਾ ਆਯੋਜਨ ਕੀਤਾ। 

ਕੁਝ ਮੀਡੀਆ ਰਿਪੋਰਟਾਂ ਵਿਚ ਕਿਹਾ ਗਿਆ ਹੈ ਕਿ ਪੁਲਿਸ ਨੇ ਮੁਰਗੇ ਨੂੰ ਉਸਦੇ ਮਾਲਕ ਦੀ ਹੱਤਿਆ ਕਰਨ ਦੇ ਦੋਸ਼ ਵਿਚ ਗ੍ਰਿਫਤਾਰ ਕੀਤਾ ਹੈ, ਪਰ ਪੁਲਿਸ ਨੇ ਇਸ ਤੋਂ ਇਨਕਾਰ ਕੀਤਾ ਹੈ। ਗੋਲਪੱਲੀ ਪੁਲਿਸ ਅਧਿਕਾਰੀ ਬੀ ਜੀਵਨ ਨੇ ਸਪੱਸ਼ਟ ਕੀਤਾ ਕਿ ਮੁਰਗੇ ਨੂੰ ਨਾ ਤਾਂ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਨਾ ਹੀ ਉਸਨੂੰ ਹਿਰਾਸਤ ਵਿੱਚ ਲਿਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਮੁਰਗੇ ਦੀ ਸੁਰੱਖਿਆ ਦੀ ਜ਼ਿੰਮੇਵਾਰੀ ਪੁਲਿਸ ਨੇ ਲਈ ਹੈ।