ਇੰਦੌਰ 'ਚ ਪਥਰਾਅ ਦਾ ਸ਼ਿਕਾਰ ਰਹੀ ਡਾਕਟਰਨੀ ਕੋਰੋਨਾ ਤੋਂ ਪੀੜਤ
ਅਧਿਕਾਰੀਆਂ ਨੇ ਦਸਿਆ ਕਿ ਇਹ ਇਲਾਕਾ ਸ਼ਹਿਰ ਦੇ ਉਨ੍ਹਾਂ ਇਲਾਕਿਆਂ ਵਿਚ ਹੈ ਜਿਥੇ ਭਾਰੀ ਗਿਣਤੀ ਵਿਚ ਕੋਵਿਡ-19 ਦੇ ਮਰੀਜ਼ ਮਿਲੇ ਹਨ। ਸੰਘਣੀ ਆਬਾਦੀ ਵਾਲੇ ਇਸ ਖ਼ਿੱਤੇ ਨੂੰ ਕਈ ਦਿਨ ਪਹਿਲਾਂ ਹੀ ਕੰਟੇਨਮੈਂਟ ਜ਼ੋਨ ਐਲਾਨ ਕੇ ਸੀਲ ਕੀਤਾ ਜਾ ਚੁੱਕਾ ਹੈ। ਉਨ੍ਹਾਂ ਦਸਿਆ ਕਿ ਸਿਹਤ ਕਾਮਿਆਂ 'ਤੇ ਇਕ ਅਪ੍ਰੈਲ ਨੂੰ ਹੋਏ ਪਥਰਾਅ ਵਿਚ ਦੋ ਹੋਰ ਮਹਿਲਾ ਡਾਕਟਰਾਂ ਦੇ ਪੈਰਾਂ ਵਿਚ ਸੱਟਾਂ ਵੱਜੀਆਂ ਸਨ। ਇਹ ਟੀਮ ਵਾਇਰਸ ਲਾਗ ਦੇ ਇਕ ਮਰੀਜ਼ ਦੇ ਸੰਪਰਕ ਵਿਚ ਆਏ ਲੋਕਾਂ ਨੂੰ ਲੱਭਣ ਗਈ ਸੀ।
ਦੋਵੇਂ ਮਹਿਲਾ ਡਾਕਟਰ ਇਸ ਖੇਤਰ ਵਿਚ ਫੈਲੀ ਮਹਾਮਾਰੀ ਵਿਰੁਧ ਜਾਰੀ ਮੁਹਿੰਮ ਵਿਚ ਪਥਰਾਅ ਦੇ ਅਗਲੇ ਹੀ ਦਿਨ ਮੁੜ ਜੁਟ ਗਈਆਂ ਸਨ। ਇਸ ਘਟਨਾ ਸਬੰਧੀ ਚਾਰ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ।
(ਏਜੰਸੀ)