ਏ.ਸੀ. ਕੋਚ ਵਿਚ ਯਾਤਰਾ ਕਰਨ ਵਾਲਿਆਂ ਨੂੰ ਦੇਣੀ ਪਵੇਗੀ ਵਧੇਰੇ ਉਪਭੋਗਤਾ ਫੀਸ
ਨਵੀਂ ਦਿੱਲੀ : ਰੇਲ ਸਫਰ ਕਰਨ ਵਾਲਿਆਂ ਦੀ ਆਉਂਦੇ ਦਿਨਾਂ ਦੌਰਾਨ ਜੇਬ ਹੋਰ ਢਿੱਲੀ ਹੋ ਸਕਦੀ ਹੈ। ਰੇਲਵੇ ਪ੍ਰਮੁੱਖ ਸਟੇਸ਼ਨਾਂ 'ਤੇ ਯੂਜ਼ਰ ਫੀਸ ਵਸੂਲਣ ਦੀ ਤਿਆਰੀ ਕਰ ਰਿਹਾ ਹੈ। ਇਹ ਰੇਲਵੇ ਦੀ ਟਿਕਟ ਦਾ ਹਿੱਸਾ ਹੋਵੇਗਾ ਪਰ ਸਾਰੇ ਯਾਤਰੀਆਂ ਲਈ ਉਪਭੋਗਤਾ ਫੀਸ ਬਰਾਬਰ ਨਹੀਂ ਹੋਵੇਗੀ। ਸੂਤਰਾਂ ਮੁਤਾਬਕ ਏ.ਸੀ. ਕੋਚ ਵਿਚ ਯਾਤਰਾ ਕਰਨ ਵਾਲਿਆਂ ਨੂੰ ਵਧੇਰੇ ਉਪਭੋਗਤਾ ਫੀਸ ਦੇਣੀ ਪਵੇਗੀ। ਏਸੀ-1 ਵਿਚ ਯਾਤਰਾ ਕਰਨ ਵਾਲਿਆਂ ਨੂੰ ਉਪਭੋਗਤਾ ਫੀਸ ਵਜੋਂ 30 ਰੁਪਏ ਦੇਣੇ ਪੈ ਸਕਦੇ ਹਨ। ਏ.ਸੀ.-2 ਅਤੇ ਏ.ਸੀ.-3 ਵਿਚ ਯਾਤਰਾ ਕਰਨ ਵਾਲਿਆਂ ਲਈ ਉਪਭੋਗਤਾ ਫੀਸਾਂ ਘੱਟ ਹੋਣਗੀਆਂ, ਜਦਕਿ ਸਲੀਪਰ ਕਲਾਸ ਦੇ ਯਾਤਰੀਆਂ ਲਈ ਇਹ ਮਾਮੂਲੀ ਹੋਵੇਗੀ।
TRAIN
ਸੂਤਰਾਂ ਨੇ ਦੱਸਿਆ ਕਿ ਘੱਟੋ-ਘੱਟ ਉਪਭੋਗਤਾ ਫੀਸ 10 ਰੁਪਏ ਹੋਵੇਗੀ। ਰੇਲਵੇ ਮੰਤਰਾਲਾ ਇਸ ਸਬੰਧ ਵਿਚ ਇਕ ਪ੍ਰਸਤਾਵ 'ਤੇ ਕੰਮ ਕਰ ਰਿਹਾ ਹੈ, ਜਿਸ ਨੂੰ ਜਲਦੀ ਹੀ ਮਨਜ਼ੂਰੀ ਲਈ ਮੰਤਰੀ ਮੰਡਲ ਵਿਚ ਰੱਖਿਆ ਜਾਵੇਗਾ। ਸੂਤਰਾਂ ਅਨੁਸਾਰ ਇਸ ਗੱਲ 'ਤੇ ਵਿਚਾਰ ਵਟਾਂਦਰੇ ਜਾਰੀ ਹਨ ਕਿ ਕੀ ਗੈਰ-ਰਾਖਵੇਂ ਵਰਗ ਅਤੇ ਉਪਨਗਰ ਰੇਲਵੇ ਯਾਤਰੀਆਂ ਤੋਂ ਘੱਟੋ ਘੱਟ ਉਪਭੋਗਤਾ ਫੀਸਾਂ ਇਕੱਤਰ ਕਰਨੀਆਂ ਹਨ ਜਾਂ ਉਨ੍ਹਾਂ ਨੂੰ ਇਸ ਤੋਂ ਮੁਕਤ ਰੱਖਣਾ ਹੈ।
Railway
ਰੇਲਵੇ ਬੋਰਡ ਦੇ ਸੀ.ਈ.ਓ. ਅਤੇ ਚੇਅਰਮੈਨ ਵੀ. ਕੇ. ਯਾਦਵ ਨੇ ਹਾਲ ਹੀ ਵਿਚ ਕਿਹਾ ਸੀ ਕਿ ਆਮ ਫੀਸਾਂ ਨਾਲ ਉਪਭੋਗਤਾਵਾਂ ਨੂੰ ਪ੍ਰੇਸ਼ਾਨੀ ਨਹੀਂ ਹੋਵੇਗੀ। ਉਪਭੋਗਤਾ ਫੀਸਾਂ ਬਾਰੇ ਨੋਟੀਫਿਕੇਸ਼ਨ ਅਗਲੇ ਮਹੀਨੇ ਜਾਰੀ ਕੀਤਾ ਜਾ ਸਕਦਾ ਹੈ। ਰੇਲਵੇ ਨੇ 6 ਨਵੰਬਰ ਨੂੰ ਨਵੀਂ ਦਿੱਲੀ ਰੇਲਵੇ ਸਟੇਸ਼ਨ ਅਤੇ ਮੁੰਬਈ ਦੇ ਛਤਰਪਤੀ ਸ਼ਿਵਾਜੀ ਟਰਮਿਨਸ ਦੇ ਮੁੜ ਵਿਕਾਸ ਲਈ ਨਿੱਜੀ ਕੰਪਨੀਆਂ ਦੀ ਬੋਲੀ ਸਵੀਕਾਰ ਕਰਨ ਦੀ ਆਖਰੀ ਤਰੀਕ ਨਿਰਧਾਰਤ ਕੀਤੀ ਹੈ। ਉਪਭੋਗਤਾ ਫੀਸਾਂ ਇਨ੍ਹਾਂ ਕੰਪਨੀਆਂ ਲਈ ਮਾਲੀਆ ਇਕੱਠਾ ਕਰਨ ਦੀ ਗਰੰਟੀ ਹੋਣਗੀਆਂ।
Indian Railways
ਰੇਲਵੇ ਮੰਤਰਾਲੇ ਵੱਲੋਂ ਕੈਬਨਿਟ ਦੀ ਮਨਜ਼ੂਰੀ ਲਈ ਬਣ ਰਹੇ ਪ੍ਰਸਤਾਵ ਅਨੁਸਾਰ ਯਾਤਰਾ ਕਰਨ ਦੇ ਬਾਅਦ ਵੀ ਯਾਤਰੀ ਨੂੰ ਉਪਭੋਗਤਾ ਫੀਸ ਦਾ ਭੁਗਤਾਨ ਕਰਨਾ ਪਏਗਾ। ਇਸ ਦੇ ਨਾਲ ਹੀ ਜੇ ਤੁਸੀਂ ਕਿਸੇ ਨੂੰ ਰੇਲਵੇ ਸਟੇਸ਼ਨ 'ਤੇ ਛੱਡਣ ਜਾਂ ਲੈਣ ਲਈ ਜਾਂਦੇ ਹੋ ਤਾਂ ਤੁਹਾਨੂੰ ਪਲੇਟਫਾਰਮ ਟਿਕਟ ਤੋਂ ਇਲਾਵਾ ਵਿਜ਼ਟਰ ਫੀਸ ਵੀ ਦੇਣੀ ਪੈ ਸਕਦੀ ਹੈ। ਵਿੱਤੀ ਸੰਕਟ ਦਾ ਸਾਹਮਣਾ ਕਰ ਰਹੇ ਰੇਲਵੇ ਵਿਭਾਗ ਵਲੋਂ ਪੀ.ਪੀ.ਪੀ. ਮੋਡ 'ਤੇ 50 ਸਟੇਸ਼ਨਾਂ ਦੇ ਮੁੜ ਵਿਕਾਸ ਲਈ ਫੰਡ ਇਕੱਠਾ ਕਰਨ ਲਈ ਯਾਤਰੀਆਂ 'ਤੇ ਉਪਭੋਗਤਾ ਫੀਸ ਲਗਾਉਣ ਦੀ ਯੋਜਨਾ ਬਣ ਰਹੀ ਹੈ। ਪ੍ਰਸਤਾਵ ਅਨੁਸਾਰ ਟ੍ਰੇਨ ਤੋਂ ਉਤਰਨ ਵਾਲੇ ਯਾਤਰੀਆਂ ਤੋਂ ਉਪਭੋਗਤਾ ਫੀਸ ਦੇ 50 ਪ੍ਰਤੀਸ਼ਤ ਦੇ ਬਰਾਬਰ ਦੀ ਰਕਮ ਵਸੂਲ ਕੀਤੀ ਜਾਏਗੀ। ਇਸੇ ਤਰ੍ਹਾਂ ਪਲੇਟਫਾਰਮ ਟਿਕਟ ਖਰੀਦਣ ਵਾਲੇ ਵਿਜ਼ੀਟਰ ਤੋਂ ਵੀ 10 ਰੁਪਏ ਫੀਸ ਲਈ ਜਾਵੇਗੀ।
