Maharashtra News: ਕਾਫੀ ਭਾਲ ਤੋਂ ਬਾਅਦ ਉਹ ਮੰਦਿਰ ਦੇ ਕੋਲ ਇੱਕ ਸੰਨਿਆਸੀ ਦੇ ਭੇਸ ਵਿੱਚ ਘੁੰਮਦਾ ਮਿਲਿਆ।
Maharashtra News: ਮਹਾਰਾਸ਼ਟਰ ਪੁਲਿਸ ਦੀ ਇੱਕ ਟੀਮ ਨੇ ਵ੍ਰਿੰਦਾਵਨ ਪੁਲਿਸ ਦੀ ਮਦਦ ਨਾਲ ਮਥੁਰਾ ਜ਼ਿਲੇ ਦੇ ਕ੍ਰਿਸ਼ਨਾ ਬਲਰਾਮ ਮੰਦਿਰ ਨੇੜੇ ਇੱਕ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਹੈ, ਜਿਸ ਉੱਤੇ ਉੱਥੇ (ਮਹਾਰਾਸ਼ਟਰ ਵਿੱਚ) ਲਗਭਗ 300 ਕਰੋੜ ਰੁਪਏ ਦੇ ਗਬਨ ਦਾ ਦੋਸ਼ ਹੈ।
ਸਥਾਨਕ ਪੁਲਿਸ ਨੇ ਦੱਸਿਆ ਕਿ ਇਸ ਵਿਅਕਤੀ ਦੀ ਪਛਾਣ ਮਹਾਰਾਸ਼ਟਰ ਦੇ ਬੀਡ ਜ਼ਿਲ੍ਹੇ ਦੇ ਰਹਿਣ ਵਾਲੇ ਬਬਨ ਵਿਸ਼ਵਨਾਥ ਸ਼ਿੰਦੇ ਵਜੋਂ ਹੋਈ ਹੈ। ਕ੍ਰਿਸ਼ਨਾ ਬਲਰਾਮ ਮੰਦਰ ਨੂੰ 'ਅੰਗ੍ਰੇਜ਼ਾਂ ਦਾ ਮੰਦਰ' ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ।
ਐਸਪੀ (ਸਿਟੀ) ਡਾਕਟਰ ਅਰਵਿੰਦ ਕੁਮਾਰ ਨੇ ਦੱਸਿਆ ਕਿ ਮਹਾਰਾਸ਼ਟਰ ਦੇ ਬੀਡ ਜ਼ਿਲ੍ਹੇ ਦੇ ਸਬ ਇੰਸਪੈਕਟਰ ਐਸਐਸ ਮੋਰਕੁਟੇ ਅਤੇ ਸਹਾਇਕ ਸਬ ਇੰਸਪੈਕਟਰ ਤੁਲਸੀਰਾਮ ਇੱਥੇ ਬਬਨ ਸ਼ਿੰਦੇ (63) ਨੂੰ ਗ੍ਰਿਫ਼ਤਾਰ ਕਰਨ ਆਏ ਸਨ। ਕਾਫੀ ਭਾਲ ਤੋਂ ਬਾਅਦ ਉਹ ਮੰਦਿਰ ਦੇ ਕੋਲ ਇੱਕ ਸੰਨਿਆਸੀ ਦੇ ਭੇਸ ਵਿੱਚ ਘੁੰਮਦਾ ਮਿਲਿਆ।
ਅਰਵਿੰਦ ਕੁਮਾਰ ਨੇ ਦੱਸਿਆ ਕਿ ਜਾਂਚ ਦੌਰਾਨ ਸੂਚਨਾ ਮਿਲੀ ਸੀ ਕਿ ਸ਼ਿੰਦੇ ਕਰੀਬ ਇੱਕ ਸਾਲ ਤੋਂ ਇੱਥੇ ਇੱਕ ਸੰਨਿਆਸੀ ਦੇ ਪਹਿਰਾਵੇ ਵਿੱਚ ਰਹਿ ਰਿਹਾ ਸੀ, ਜਦਕਿ ਮਹਾਰਾਸ਼ਟਰ ਪੁਲਿਸ ਦੀ ਟੀਮ ਮੰਦਰਾਂ, ਆਸ਼ਰਮਾਂ, ਹੋਟਲਾਂ, ਗੈਸਟ ਹਾਊਸਾਂ ਆਦਿ ਵਿੱਚ ਉਸਦੀ ਤਲਾਸ਼ ਕਰ ਰਹੀ ਸੀ।
ਪੁਲਿਸ ਸੁਪਰਡੈਂਟ ਅਨੁਸਾਰ ਸ਼ਿੰਦੇ ਭੇਸ ਬਦਲ ਕੇ ਰਹਿ ਰਿਹਾ ਸੀ। ਉਨ੍ਹਾਂ ਨੇ ਦੱਸਿਆ ਕਿ ਜਦੋਂ ਉਸ ਨੇ ਮਥੁਰਾ ਪੁਲਿਸ ਦੀ ਕ੍ਰਾਈਮ ਬ੍ਰਾਂਚ ਅਤੇ ਵਰਿੰਦਾਵਨ ਪੁਲਿਸ ਦੀ ਮਦਦ ਲਈ ਤਾਂ ਜਲਦੀ ਹੀ ਉਸ ਦਾ ਪਤਾ ਲੱਗ ਗਿਆ।
ਪੁਲਿਸ ਸੁਪਰਡੈਂਟ ਅਨੁਸਾਰ ਮਹਾਰਾਸ਼ਟਰ ਪੁਲਿਸ ਨੇ ਨਿਯਮਾਂ ਅਨੁਸਾਰ ਉਸ ਨੂੰ ਵੀਰਵਾਰ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ। ਪੁਲਿਸ ਨੇ ਉਸ ਦਾ 'ਟਰਾਂਜ਼ਿਟ ਰਿਮਾਂਡ' ਹਾਸਲ ਕੀਤਾ ਅਤੇ ਫਿਰ ਉਸ ਨੂੰ ਮਹਾਰਾਸ਼ਟਰ ਲੈ ਗਈ।
ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਸ਼ਿੰਦੇ 'ਤੇ ਮਹਾਰਾਸ਼ਟਰ ਦੇ ਬੀਡ ਜ਼ਿਲੇ ਦੇ ਇੱਕ ਬੈਂਕ 'ਚ ਜਮ੍ਹਾਕਰਤਾਵਾਂ ਤੋਂ 300 ਕਰੋੜ ਰੁਪਏ ਦੀ ਗਬਨ ਕਰਨ ਅਤੇ ਉਥੋਂ ਫਰਾਰ ਹੋਣ ਦਾ ਦੋਸ਼ ਹੈ। ਇਸ ਤੋਂ ਬਾਅਦ ਉਹ ਇੱਕ ਸਾਲ ਲਈ ਵ੍ਰਿੰਦਾਵਨ ਆ ਗਿਆ ਅਤੇ ਇੱਕ ਸੰਨਿਆਸੀ ਦੇ ਰੂਪ ਵਿੱਚ ਰਹਿਣ ਲੱਗ ਗਿਆ।
ਉਸ ਨੇ ਦੱਸਿਆ ਕਿ ਬੀਡ ਤੋਂ ਇਲਾਵਾ ਮਹਾਰਾਸ਼ਟਰ ਦੇ ਧਾਰਾਸ਼ਿਵ ਜ਼ਿਲ੍ਹੇ 'ਚ ਸ਼ਿੰਦੇ 'ਤੇ ਗਬਨ ਦੇ ਕਈ ਮਾਮਲੇ ਦਰਜ ਹਨ, ਜਿਨ੍ਹਾਂ 'ਚ ਉਹ ਲੋੜੀਂਦਾ ਸੀ।
