ਮੁਲਜ਼ਮ ਨੇ ਸਵੀਕਾਰ ਕੀਤਾ ਕਿ ਉਹ ਰਿਪਬਲਿਕ ਅਤੇ ਨਿਊਜ਼ ਨੇਸ਼ਨ ਚੈਨਲ ਤੋਂ ਪੈਸੇ ਲੈ ਰਿਹਾ ਸੀ।
ਮੁੰਬਈ: ਟੀਆਰਪੀ ਘੁਟਾਲੇ ਮਾਮਲਾ ਚਰਚਾ ਦਾ ਵਿਸ਼ਾ ਬਣਿਆ ਹੈ। ਇਸ ਮਾਮਲੇ 'ਚ ਹੁਣ ਗ੍ਰਿਫਤਾਰ ਕੀਤੇ ਗਏ ਇਕ ਮੁਲਜ਼ਮ ਨੇ ਦਾਅਵਾ ਕੀਤਾ ਕਿ ਉਸ ਨੂੰ ਕੁਝ ਘਰਾਂ ਨੂੰ ਦੇਣ ਲਈ ਦੋ ਟੀਵੀ ਚੈਨਲਾਂ ਤੋਂ ਪੈਸੇ ਮਿਲੇ ਸਨ। ਜਿੰਨ੍ਹਾਂ 'ਚ ਟੀਆਰਪੀ ਦਾ ਪਤਾ ਲਾਉਣ ਦੇ ਲਿਹਾਜ਼ ਨਾਲ ਬਾਰ-ਓ-ਮੀਟਰ ਲੱਗੇ ਸਨ। ਇਹ ਬਿਆਨ ਮੁੰਬਈ ਪੁਲਿਸ ਦੀ ਕ੍ਰਾਈਮ ਬ੍ਰਾਂਚ ਨੇ ਬੀਤੇ ਦਿਨ ਜਾਰੀ ਕੀਤਾ ਹੈ।
ਜਾਣੋ ਕੀ ਹੈ ਬਿਆਨ
ਮੁੰਬਈ ਪੁਲਿਸ ਨੇ ਇਕ ਅਧਿਕਾਰਤ ਬਿਆਨ 'ਚ ਕਿਹਾ "ਜਿਹੜੇ ਟੀਵੀ ਚੈਨਲਾਂ ਤੋਂ ਗ੍ਰਿਫਤਾਰ ਮੁਲਜ਼ਮ ਨੂੰ ਪੈਸੇ ਮਿਲ ਰਹੇ ਸਨ ਉਨ੍ਹਾਂ 'ਚ ਰਿਪਬਲਿਕ ਟੀਵੀ ਤੇ ਨਿਊਜ਼ ਨੇਸ਼ਨ ਸ਼ਾਮਲ ਹਨ। ਹਾਲਾਂਕਿ ਰਿਪਬਲਿਕ ਟੀਵੀ ਨੇ ਦਾਅਵਿਆਂ ਨੂੰ ਖਾਰਜ ਕਰਦਿਆਂ ਕਿਹਾ ਇਹ ਟੀਵੀ ਚੈਨਲ ਨੂੰ ਨਿਸ਼ਾਨਾ ਬਣਾਉਣ ਲਈ ਮੁੰਬਈ ਪੁਲਿਸ ਦੀ ਸਾਜ਼ਿਸ਼ ਦਾ ਹਿੱਸਾ ਹੈ।
ਪੁਲਿਸ ਨੇ ਬਿਆਨ 'ਚ ਕਿਹਾ ਕਿ ਠਾਣੇ ਦੇ ਨਿਵਾਸੀ ਮੁਲਜ਼ਮ ਨੇ ਐਤਵਾਰ ਕ੍ਰਾਈਮ ਬ੍ਰਾਂਚ ਦੇ ਸਾਹਮਣੇ ਆਤਮ ਸਮਰਪਣ ਕਰ ਦਿੱਤਾ ਸੀ। ਜਿਸ ਤੋਂ ਬਾਅਦ ਕ੍ਰਾਈਮ ਇੰਟੈਲੀਜੈਂਸ ਯੂਨਿਟ ਨੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ। ਪੁੱਛਗਿਛ ਦੌਰਾਨ ਮੁਲਜ਼ਮ ਨੇ ਸਵੀਕਾਰ ਕੀਤਾ ਕਿ ਉਹ ਰਿਪਬਲਿਕ ਅਤੇ ਨਿਊਜ਼ ਨੇਸ਼ਨ ਚੈਨਲ ਤੋਂ ਪੈਸੇ ਲੈ ਰਿਹਾ ਸੀ।
