ਉਸ ਦਾ ਪਤੀ ਹਰਮੀਤ ਮੋਟਰ ਮਕੈਨਿਕ ਹੈ। ਉਹ ਇਕ ਦਿਨ ਪਹਿਲਾਂ ਹੀ ਟਰੱਕ ਦੀ ਮੁਰੰਮਤ ਲਈ ਜਗਦਲਪੁਰ ਗਿਆ ਸੀ।
ਧਮਤਰੀ: ਛੱਤੀਸਗੜ੍ਹ ਦੇ ਧਮਤਰੀ ਵਿਚ ਡੇਢ ਮਹੀਨੇ ਦੀ ਮਾਸੂਮ ਦੁੱਧ ਦੀ ਉਡੀਕ ਕਰਦੇ-ਕਰਦੇ ਦੁਨੀਆਂ ਤੋਂ ਚਲੀ ਗਈ। ਉਸ ਦੀ ਮਾਂ ਰਾਤ ਭਰ ਸ਼ਰਾਬ ਪੀ ਕੇ ਸੁੱਤੀ ਰਹੀ ਅਤੇ ਬੱਚੀ ਦੁੱਧ ਲਈ ਰੋਂਦੀ ਰਹੀ ਪਰ ਨਸ਼ੇੜੀ ਮਾਂ ਦੀਆਂ ਅੱਖਾਂ ਨਾ ਖੁਲ੍ਹੀਆਂ। ਸਵੇਰ ਤਕ ਰੋਂਦੇ-ਰੋਂਦੇ ਬੱਚੀ ਹਮੇਸ਼ਾ ਲਈ ਚੁੱਪ ਹੋ ਗਈ। ਪੁਲਿਸ ਨੇ ਸ਼ੁਰੂਆਤੀ ਜਾਂਚ ਵਿਚ ਭੁੱਖ ਨਾਲ ਬੱਚੀ ਦੀ ਮੌਤ ਹੋਣ ਦਾ ਖਦਸ਼ਾ ਪ੍ਰਗਟਾਇਆ ਹੈ। ਛੱਤੀਸਗੜ੍ਹ ਦੇ ਧਮਤਰੀ ਕਸਬੇ ਨਾਲ ਲਗਦੇ ਸੁੰਦਰਗੰਜ ਵਿਚ ਰਹਿਣ ਵਾਲੀ ਇਸ ਸ਼ਰਾਬੀ ਮਾਂ ਦਾ ਨਾਂ ਰਾਜਮੀਤ ਕੌਰ ਹੈ। ਉਹ ਇਕ ਮਜ਼ਦੂਰ ਦਾ ਕੰਮ ਕਰਦੀ ਹੈ। ਉਸ ਦਾ ਪਤੀ ਹਰਮੀਤ ਮੋਟਰ ਮਕੈਨਿਕ ਹੈ। ਉਹ ਇਕ ਦਿਨ ਪਹਿਲਾਂ ਹੀ ਟਰੱਕ ਦੀ ਮੁਰੰਮਤ ਲਈ ਜਗਦਲਪੁਰ ਗਿਆ ਸੀ।
baby
ਜਾਣਕਾਰੀ ਅਨੁਸਾਰ ਰਾਜਮੀਤ ਹਰ ਰੋਜ਼ ਸ਼ਰਾਬ ਪੀਂਦੀ ਹੈ। ਸ਼ੁਕਰਵਾਰ ਸਾਮ ਨੂੰ ਉਸਨੇ ਬਹੁਤ ਜ਼ਿਆਦਾ ਨਸ਼ਾ ਕਰ ਲਿਆ ਸੀ। ਸਾਰੀ ਰਾਤ ਉਸ ਨੂੰ ਹੋਸ਼ ਨਾ ਆਈ। ਜਦੋਂ ਸਵੇਰੇ ਉਹ ਉੱਠੀ ਤਾਂ ਬੱਚੀ ਦੇ ਸਰੀਰ ਵਿਚ ਕੋਈ ਹਲਚਲ ਨਹੀਂ ਸੀ। ਉਸ ਦਾ ਰੋਣਾ ਸੁਣ ਕੇ ਸਵੇਰੇ ਗੁਆਂਢੀ 6 ਵਜੇ ਆਏ ਅਤੇ ਸਥਿਤੀ ਨੂੰ ਵੇਖ ਕੇ ਪੁਲਿਸ ਨੂੰ ਸੂਚਿਤ ਕੀਤਾ। ਬੱਚੀ ਦੀ ਮੌਤ ਦੇ ਬਾਅਦ ਮੁੜ ਸ਼ਰਾਬ ਪੀ ਕੇ ਹੋਈ ਬੇਸੁੱਧ ਜਦੋਂ 28 ਸਾਲਾ ਰਾਜਮੀਤ ਨੇ ਵੇਖਿਆ ਕਿ ਉਸ ਦੀ ਬੱਚੀ ਦੀ ਮੌਤ ਹੋ ਗਈ ਹੈ, ਤਾਂ ਵੀ ਉਹ ਨਹੀਂ ਰੁਕੀ। ਲੜਖੜਾਉਂਦੇ ਕਦਮਾਂ ਨਾਲ ਉਹ ਅੰਦਰੋਂ ਬੋਤਲ ਚੁੱਕ ਲਿਆਈ ਅਤੇ ਫਿਰ ਪੀਣਾ ਸ਼ੁਰੂ ਕਰ ਦਿਤਾ। ਨਸ਼ੇ ਵਿਚ ਬੇਸੁੱਧ ਹੋ ਕੇ ਉਹ ਫਿਰ ਸੌਂ ਗਈ।
baby
ਕਮਰੇ ਵਿਚ ਇਕ ਪਾਸੇ ਬੱਚੀ ਦੀ ਲਾਸ਼ ਪਈ ਸੀ ਅਤੇ ਦੂਜੇ ਕੋਨੇ ’ਚ ਰਾਜਮੀਤ ਨਸ਼ੇ ਵਿਚ ਬੇਸੁੱਧ ਸੁੱਤੀ ਹੋਈ ਸੀ। ਪੁਲਿਸ ਨਾਲ ਵੀ ਔਰਤ ਸਹੀ ਤਰੀਕੇ ਨਾਲ ਗੱਲ ਨਾ ਕਰ ਸਕੀ। ਸਾਰਾ ਦਿਨ ਉਹ ਨਸ਼ੇ ਵਿਚ ਰਹੀ। ਅਜਿਹੇ ਵਿਚ ਕੇਸ ਦਰਜ ਕਰਨ ਲਈ ਪੁਲਿਸ ਆਲੇ-ਦੁਆਲੇ ਤੋਂ ਪੁਛਗਿਛ ਕਰਦੀ ਰਹੀ। ਹੱਦ ਤਾਂ ਉਦੋਂ ਹੋ ਗਈ ਜਦੋਂ ਔਰਤ ਦਾ ਪਤੀ ਹਰਮੀਤ ਸਨਿਚਰਵਾਰ ਸ਼ਾਮ ਨੂੰ ਜਗਦਲਪੁਰ ਤੋਂ ਵਾਪਸ ਆਇਆ ਤਾਂ ਪੁਲਿਸ ਨੇ ਦੇਖਿਆ ਕਿ ਹਰਮੀਤ ਵੀ ਸ਼ਰਾਬੀ ਹਾਲਤ ਵਿਚ ਸੀ। ਉਸ ਨੂੰ ਗੁਆਂਢੀਆਂ ਅਤੇ ਪੁਲਿਸ ਤੋਂ ਇਸ ਘਟਨਾ ਬਾਰੇ ਪਹਿਲਾਂ ਹੀ ਜਾਣਕਾਰੀ ਮਿਲੀ ਸੀ, ਫਿਰ ਵੀ ਉਹ ਸ਼ਰਾਬ ਪੀ ਕੇ ਹੀ ਘਰ ਪਰਤਿਆ। ਅਜਿਹੀ ਸਥਿਤੀ ਵਿਚ ਪੁਲਿਸ ਉਸ ਤੋਂ ਪੁਛਗਿਛ ਨਾ ਕਰ ਸਕੀ।
