ਸਾਬਕਾ ਆਈ ਟੀ ਮੰਤਰੀ ਨੇ ਉਸ ਨੂੰ ਵਿਆਹ ਦੇ ਵਾਅਦੇ ਨਾਲ ਗਰਭਵਤੀ ਵੀ ਕਰ ਦਿੱਤਾ ਸੀ, ਪਰ ਬਾਅਦ ਵਿੱਚ ਉਸ ਨੂੰ ਗਰਭਪਾਤ ਕਰਵਾਉਣ ਲਈ ਮਜ਼ਬੂਰ ਕੀਤਾ।
ਨਵੀਂ ਦਿੱਲੀ - ਦੱਖਣੀ ਭਾਰਤੀ ਫਿਲਮ ਅਭਿਨੇਤਰੀ ਚਾਂਦਨੀ ਨੇ ਸਾਬਕਾ ਆਲ ਇੰਡੀਆ ਅੰਨਾ ਦ੍ਰਾਵਿਡਾ ਮੁਨੇਤਰਾ ਕਢਗਮ (ਏਆਈਏਡੀਐਮਕੇ) ਦੇ ਨੇਤਾ ਐਮ. ਮਣੀਕੰਦਨ 'ਤੇ ਗੰਭੀਰ ਦੋਸ਼ ਲਗਾਏ ਹਨ। ਫਿਲਮ ਨਾਡੋਡਿਗਲ ਦੀ ਅਦਾਕਾਰਾ ਚਾਂਦਨੀ ਨੇ ਐਮ ਮਣੀਕੰਦਨ 'ਤੇ ਉਸ ਨਾਲ ਧੋਖਾਧੜੀ ਕਰਨ, ਉਸ ਨੂੰ ਬਲੈਕਮੇਲ ਕਰਨ ਅਤੇ ਨਿੱਜੀ ਫੋਟੋਆਂ ਲੀਕ ਕਰਨ ਦੀ ਧਮਕੀ ਦੇਣ ਦਾ ਦੋਸ਼ ਲਗਾਇਆ ਹੈ।
Tamil actor accuses former AIADMK Minister of cheating her after a 5-year relationship
ਇੰਨਾ ਹੀ ਨਹੀਂ, ਅਦਾਕਾਰਾ ਨੇ ਇਹ ਵੀ ਕਿਹਾ ਕਿ ਸਾਬਕਾ ਆਈ ਟੀ ਮੰਤਰੀ ਨੇ ਉਸ ਨੂੰ ਵਿਆਹ ਦੇ ਵਾਅਦੇ ਨਾਲ ਗਰਭਵਤੀ ਵੀ ਕਰ ਦਿੱਤਾ ਸੀ, ਪਰ ਬਾਅਦ ਵਿੱਚ ਉਸ ਨੂੰ ਗਰਭਪਾਤ ਕਰਵਾਉਣ ਲਈ ਮਜ਼ਬੂਰ ਕੀਤਾ। ਇਸ ਦੇ ਨਾਲ ਹੀ ਉਸ ਨੇ ਕਿਹਾ ਕਿ ਉਸ ਦੀ ਜਾਨ ਵੀ ਖਤਰੇ ਵਿੱਚ ਹੈ। ਚਾਂਦਨੀ ਨੇ ਗੱਲਬਾਤ ਕਰਦਿਆਂ ਦਸਤਾਵੇਜ਼ ਅਤੇ ਫੋਟੋਆਂ ਸਾਂਝੀਆਂ ਕਰਦਿਆਂ ਕਿਹਾ ਕਿ ਉਸ ਕੋਲ ਇਸ ਗੱਲ ਦਾ ਸਬੂਤ ਹੈ ਕਿ ਉਸ ਦਾ ਸਾਬਕਾ ਆਗੂ ਨਾਲ ਰਿਸ਼ਤਾ ਸੀ।
Tamil actor accuses former AIADMK Minister of cheating her after a 5-year relationship
ਉਸ ਨੇ ਚੇਨਈ ਦੇ ਪੁਲਿਸ ਕਮਿਸ਼ਨਰ ਕੋਲ ਸ਼ਿਕਾਇਤ ਦਰਜ ਕਰਵਾਈ ਹੈ। ਇਸ ਖ਼ਬਰ ਨੇ ਰਾਜਨੀਤੀ ਅਤੇ ਫਿਲਮ ਇੰਡਸਟਰੀ ਵਿਚ ਹਲਚਲ ਪੈਦਾ ਕਰ ਦਿੱਤੀ ਹੈ। ਐਮ ਮਣੀਕੰਦਨ ਵੱਲੋਂ ਇਸ ਬਾਰੇ ਅਜੇ ਕੋਈ ਬਿਆਨ ਨਹੀਂ ਆਇਆ ਹੈ। ਖ਼ਬਰਾਂ ਮੁਤਾਬਿਕ ਚਾਂਦਨੀ ਅਤੇ ਮਣੀਕੰਦਨ ਦੀ ਮੁਲਾਕਾਤ ਉਦੋਂ ਹੋਈ ਜਦੋਂ ਉਨ੍ਹਾਂ ਨੇ ਮਲੇਸ਼ੀਆ ਦੇ ਸੈਰ-ਸਪਾਟਾ ਵਿਕਾਸ ਨਿਗਮ ਲਈ ਕੰਮ ਕੀਤਾ।
ਉਸ ਸਮੇਂ ਦੌਰਾਨ ਅਭਿਨੇਤਰੀ ਦਾ ਆਪਣੀ ਭਾਰਤ ਫੇਰੀ ਦੌਰਾਨ ਮੰਤਰੀ ਨਾਲ ਰਿਸ਼ਤਾ ਰਿਹਾ ਸੀ। ਦੱਸ ਦਈਏ ਕਿ ਮਣੀਕੰਦਨ ਨੇ ਚਾਂਦਨੀ ਨਾਲ ਰਹਿਣ ਲਈ ਆਪਣੀ ਪਤਨੀ ਨੂੰ ਵੀ ਤਲਾਕ ਦੇ ਦਿੱਤਾ ਸੀ। ਦੱਸ ਦਈਏ ਕਿ 2019 ਵਿਚ ਮਣੀਕੰਦਨ ਨੂੰ ਤਾਮਿਲਨਾਡੂ ਕੈਬਨਿਟ ਵਿਚ ਆਈ ਟੀ ਮੰਤਰੀ ਦੇ ਅਹੁਦੇ ਤੋਂ ਮੁਕਤ ਕਰ ਦਿੱਤਾ ਗਿਆ ਸੀ।
