ਕੀ ਇਸ ਮਾਮਲੇ ’ਚ ਭਾਰਤ ਸਰਕਾਰ ਨੇ ਇਜ਼ਰਾਈਲ ਨਾਲ ਸੰਪਰਕ ਕੀਤਾ
ਨਵੀਂ ਦਿੱਲੀ : ਭਾਰਤ ’ਚ ਇਜ਼ਰਾਈਲ ਦੇ ਨਵਨਿਯੁਕਤ ਸਫ਼ੀਰ ਨਾਉਰ ਗਿਲੋਨ ਨੇ ਸਪਾਈਵੇਅਰ ਪੈਗਾਸਸ ਸਬੰਧੀ ਵਿਵਾਦ ਨੂੰ ਨਵੀਂ ਦਿੱਲੀ ਦਾ ‘ਅੰਦਰੂਨੀ ਮਾਮਲਾ’ ਦਸਦੇ ਹੋਏ ਵੀਰਵਾਰ ਨੂੰ ਕਿਹਾ ਕਿ ਐਨਐਸਓ ਵਰਗੀਆਂ ਕੰਪਨੀਆਂ ਅਪਣੇ ਉਤਪਾਦ ਗ਼ੈਰ-ਸਰਕਾਰੀ ਸੰਸਥਾਵਾਂ, ਸੰਗਠਨਾਂ ਜਾਂ ਵਿਅਕਤੀਆਂ ਨੂੰ ਨਹੀਂ ਵੇਚ ਸਕਦੀਆਂ। ਗਿਲੋਨ ਤੋਂ ਇਜ਼ਾਰਾਈਲੀ ਐਨਐਸਓ ਸਮੂਹ ਦੇ ਸਵਾਈਵੇਅਰ ਪੇਗਾਸਸ ਦੀ ਵਰਤੋਂ ਅਣਅਧਿਕਾਰਤ ਰੂਪ ਨਾਲ ਨਿਗਰਾਨੀ ਰਖਣ ਲਈ ਕੀਤੇ ਜਾਣ ਦੇ ਦੋਸ਼ਾਂ ਨੂੰ ਲੈ ਕੇ ਇਕ ਪ੍ਰੈੱਸ ਕਾਨਫ਼ਰੰਸ ’ਚ ਸਵਾਲ ਕੀਤਾ ਗਿਆ।
ਉਨ੍ਹਾਂ ਨੂੰ ਇਹ ਵੀ ਪੁਛਿਆ ਗਿਆ ਕਿ ਕੀ ਇਸ ਮਾਮਲੇ ’ਚ ਭਾਰਤ ਸਰਕਾਰ ਨੇ ਇਜ਼ਰਾਈਲ ਨਾਲ ਸੰਪਰਕ ਕੀਤਾ। ਇਨ੍ਹਾਂ ਸਵਾਲਾਂ ਦੇ ਜਵਾਬ ’ਚ ਗਿਲੋਨ ਨੇ ਇਹ ਟਿੱਪਣੀਆਂ ਕੀਤੀਆਂ। ਇਜ਼ਰਾਈਲੀ ਸਫ਼ੀਰ ਨੇ ਕਿਹਾ ਕਿ ਪੈਗਾਸਸ ਨੂੰ ਲੈ ਕੇ ਪਾਰਤ ਵਿਚ ਜੋ ਕੁੱਝ ਵੀ ਰਿਹਾ ਹੈ, ਉਹ ਉਸ ਦਾ ਅੰਦਰੂਨੀ ਮਾਮਲਾ ਹੈ। ਉਨ੍ਹਾਂ ਕਿਹਾ, ‘‘ਮੈਂ ਹੋਰ ਵਿਸਥਾਰ ਨਾਲ ਗੱਲ ਨਹੀਂ ਕਰਾਂਗਾ।’’
ਉਨ੍ਹਾਂ ਕਿਹਾ, ‘‘ਐਨਐਸਓ ਜਾਂ ਅਜਿਹੀਆਂ ਕੰਪਨੀਆਂ ਨੂੰ ਹਰ ਨਿਰਯਾਤ ਲਈ ਇਜ਼ਰਾਈਲੀ ਸਰਕਾਰ ਤੋਂ ਨਿਰਯਾਤ ਲਾਈਸੈਂਸ ਦੀ ਲੋੜ ਹੁੰਦੀ ਹੈ। ਅਸੀਂ ਸਿਰਫ਼ ਸਰਕਾਰਾਂ ਨੂੰ ਨਿਰਯਾਤ ਕਰਨ ਲਈ ਨਿਰਯਾਤ ਲਾਈਸੈਂਸ ਦਿੰਦੇ ਹਾਂ।’’ ਉਨ੍ਹਾਂ ਕਿਹਾ, ‘‘ਸਿਰਫ਼ ਇਹ ਹੀ ਸ਼ਰਤ ਹੈ ਕਿ ਉਹ ਇਸ ਨੂੰ ਗ਼ੈਰ ਸਰਕਾਰੀ ਤੱਤਾਂ ਨੂੰ ਨਹੀਂ ਵੇਚ ਸਕਦੇ।