ਪੰਜਾਬ ਵਿਚ ਕੋਰੋਨਾ ਨਾਲ 32 ਹੋਰ ਮੌਤਾਂ
ਨਵੀਂ ਦਿੱਲੀ : ਦੇਸ਼ ਵਿਚ ਇਕ ਦਿਨ ’ਚ 2,35,532 ਲੋਕਾਂ ਦੇ ਕੋਰੋਨਾ ਵਾਇਰਸ ਨਾਲ ਪੀੜਤ ਮਿਲਣ ਤੋਂ ਬਾਅਦ ਕੋਰੋਨਾ ਦੇ ਕੁਲ ਮਾਮਲਿਆਂ ਦੀ ਗਿਣਤੀ ਵੱਧ ਕੇ 4,08,58,241 ਹੋ ਗਈ ਹੈ। ਕੇਂਦਰ ਸਿਹਤ ਮੰਤਰਾਲੇ ਵਲੋਂ ਸਨਿਚਰਵਾਰ ਨੂੰ ਜਾਰੀ ਕੀਤੇ ਗਏ ਅੰਕੜਿਆਂ ਮੁਤਾਬਕ ਦੇਸ਼ ਵਿਚ ਪਿਛਲੇ 24 ਘੰਟੇ ਦੌਰਾਨ 871 ਹੋਰ ਮਰੀਜ਼ਾਂ ਦੀ ਮੌਤ ਹੋਣ ਨਾਲ ਮ੍ਰਿਤਕਾਂ ਦੀ ਗਿਣਤੀ ਵੱਧ ਕੇ 4,93,198 ਹੋ ਗਈ ਹੈ।
Corona Virus
ਮੰਤਰਾਲੇ ਨੇ ਦਸਿਆ ਕਿ ਇਲਾਜ ਅਧੀਨ ਮਰੀਜ਼ਾਂ ਦੀ ਗਿਣਤੀ 1,01,278 ਤਕ ਘੱਟ ਗਈ ਹੈ ਅਤੇ ਹੁਣ ਇਸ ਮਹਾਂਮਾਰੀ ਦਾ ਇਲਾਜ ਕਰਾ ਰਹੇ ਮਰੀਜ਼ਾਂ ਦੀ ਗਿਣਤੀ 20,04,333 ਹੋ ਗਈ ਹੈ ਜੋ ਲਾਗ ਦੇ ਕੁਲ ਮਾਮਲਿਆਂ ਦਾ 4.91 ਫ਼ੀ ਸਦੀ ਹੈ ਜਦਕਿ ਦੇਸ਼ ਵਿਚ ਮਰੀਜ਼ਾਂ ਦੇ ਠੀਕ ਹੋਣ ਦੀ ਦਰ 93.89 ਫ਼ੀਸਦੀ ਹੈ।
Corona Virus
ਪੰਜਾਬ ਵਿਚ ਕੋਰੋਨਾ ਦਾ ਕਹਿਰ
ਚੰਡੀਗੜ੍ਹ: ਪੰਜਾਬ ਵਿਚ ਤੀਜੀ ਕੋਰੋਨਾ ਮਹਾਂਮਾਰੀ ਲਹਿਰ ਦੇ ਚਲਦੇ ਮੌਤਾਂ ਦਾ ਸਿਲਸਿਲਾ ਰੁਕ ਨਹੀਂ ਰਿਹਾ। ਬੀਤੇ 24 ਘੰਟਿਆਂ ਵਿਚ 32 ਹੋਰ ਮੌਤਾਂ ਹੋਈਆਂ ਹਨ। ਬੀਤੇ ਦਿਨ 25 ਹੋਈਆਂ ਸਨ। 3325 ਹੋਰ ਪਾਜ਼ੇਟਿਵ ਮਾਮਲੇ ਸਾਹਮਣੇ ਆਏ ਹਨ। ਸੱਭ ਤੋਂ ਵੱਧ ਮੌਤਾਂ ਮੋਹਾਲੀ ਵਿਚ 5 ਹੋਈਆਂ।
Corona Virus
ਲੁਧਿਆਣਾ, ਅੰਮ੍ਰਿਤਸਰ, ਬਠਿੰਡਾ ਵਿਚ ਕੋਰੋਨਾ ਨਾਲ 4-4 ਜਾਨਾਂ ਗਈਆਂ। ਸੂਬੇ ਵਿਚ ਇਸ ਸਮੇਂ ਕੁਲ ਇਲਾਜ ਅਧੀਨ ਕੇਸ 30000 ਦੇ ਕਰੀਬ ਹਨ। ਇਨ੍ਹਾਂ ਵਿਚੋਂ 1450 ਗੰਭੀਰ ਹਾਲਤ ਵਾਲੇ ਹਨ। 99 ਵੈਂਟੀਲਟਰ ਉਪਰ ਹਨ।
Corona virus
