ਲਾਲੂ ਦੀ ਰਿਹਾਈ ਦੇ ਆਦੇਸ਼ ਦੀ ਕਾਪੀ ਰਾਂਚੀ ਸਥਿਤ ਬਿਰਾਸ ਮੁੰਡਾ ਜੇਲ ਦੇ ਅਧਿਕਾਰੀਆਂ ਨੇ ਨਵੀਂ ਦਿੱਲੀ ਸਥਿਤ ਏਮਜ਼ ਦੇ ਡਾਇਰੈਕਟਰ ਨੂੰ ਮੇਲ ਕਰ ਦਿੱਤੀ
ਰਾਂਚੀ : ਆਰਜੇਡੀ ਸੁਪਰੀਮੋ ਲਾਲੂ ਪ੍ਰਸਾਦ ਯਾਦਵ ਨੂੰ ਲੰਬੀ ਲੜਾਈ ਅਤੇ ਕੋਰਟ ਤੋਂ ਬਾਅਦ ਜੇਲ੍ਹ ਤੋਂ ਰਿਹਾਅ ਹੋ ਗਏ ਹਨ। ਲਾਲੂ ਪ੍ਰਸਾਦ ਯਾਦਵ ਹਾਈ ਕੋਰਟ ਤੋਂ ਜ਼ਮਾਨਤ ਮਿਲਣ ਤੋਂ 12 ਦਿਨਾਂ ਬਾਅਦ ਜੇਲ੍ਹ ਤੋਂ ਬਾਹਰ ਆ ਗਏ ਹਨ। ਦੱਸ ਦਈਏ ਕਿ ਚਾਰਾ ਘਪਲੇ ਦੇ ਤਿੰਨ ਵੱਖ ਵੱਖ ਮਾਮਲਿਆਂ ’ਚ ਸਜ਼ਾ ਮਿਲਣ ਦੇ ਬਾਅਦ 23 ਦਸੰਬਰ 2017 ਤੋਂ ਜੇਲ ’ਚ ਬੰਦ ਰਾਸ਼ਟਰੀ ਜਨਤਾ ਦਲ ਦੇ ਮੁਖੀ ਅਤੇ ਬਿਹਾਰ ਦੇ ਸਾਬਕਾ ਮੁੱਖ ਮੰਤਰੀ ਲਾਲੂ ਪ੍ਰਸ਼ਾਦ ਯਾਦਵ ਨੂੰ ਸੀਬੀਆਈ ਦੀ ਵਿਸ਼ੇਸ਼ ਅਦਾਲਤ ਨੇ ਵੀਰਵਾਰ ਸ਼ਾਮ ਨਿਆਂਇਕ ਹਿਰਾਸਤ ਤੋਂ ਰਿਹਾ ਕਰਨ ਦਾ ਹੁਕਮ ਦੇ ਦਿੱਤਾ ਗਿਆ ਸੀ।
ਜ਼ਮਾਨਤ ਬਾਂਡ ਅਤੇ ਇਕ ਇਕ ਲੱਖ ਰੁਪਏ ਦੇ ਦੋ ਨਿਜੀ ਮੁਚਲਕੇ ਇੱਥੇ ਸੀਬੀਆਈ ਦੀ ਵਿਸ਼ੇਸ਼ ਕੋਰਟ 'ਚ ਪੇਸ਼ ਕੀਤੇ ਗਏ ਜਿਸ ਨੇ ਲਾਲੂ ਦੀ ਰਿਹਾਈ ਦੇ ਆਦੇਸ਼ ਦਿੱਤੇ। ਝਾਰਖੰਡ ਜੇਲ ਦੇ ਇੰਸਪੈਕਟਰ ਜਨਰਲ ਵਿਰੇਂਦਰ ਭੂਸ਼ਣ ਨੇ ਦੱਸਿਆ ਕਿ ਵਿਸ਼ੇਸ਼ ਸੀਬੀਆਈ ਕੋਰਟ ਦੇ ਰਿਹਾਈ ਦੇ ਆਦੇਸ਼ ਦੇ ਬਾਅਦ ਅੱਜ ਲਾਲੂ ਯਾਦਵ ਨੂੰ ਸ਼ਾਮ ਨੂੰ ਨਿਆਇਕ ਹਿਰਾਸਤ ਤੋਂ ਰਿਹਾ ਕਰ ਦਿੱਤਾ ਗਿਆ।
ਉਨ੍ਹਾਂ ਦੱਸਿਆ ਕਿ ਲਾਲੂ ਦੀ ਰਿਹਾਈ ਦੇ ਆਦੇਸ਼ ਦੀ ਕਾਪੀ ਰਾਂਚੀ ਸਥਿਤ ਬਿਰਾਸ ਮੁੰਡਾ ਜੇਲ ਦੇ ਅਧਿਕਾਰੀਆਂ ਨੇ ਅੱਜ ਨਵੀਂ ਦਿੱਲੀ ਸਥਿਤ ਏਮਜ਼ ਦੇ ਡਾਇਰੈਕਟਰ ਅਤੇ ਉਥੇ ਦੇ ਹੋਰ ਅਧਿਕਾਰੀਆਂ ਨੂੰ ਮੇਲ ਕਰ ਦਿੱਤੀ ਅਤੇ ਉੱਥੇ ਸਥਿਤ ਸੁਰੱਖਿਆ ਅਧਿਕਾਰੀਆਂ ਨੂੰ ਵੀ ਇਸ ਦੀ ਸੂਚਨਾ ਦੇ ਦਿੱਤੀ ਗਈ।