ਪ੍ਰਾਈਵੇਟ ਸੈਕਟਰ ਦੀ ਦਿੱਗਜ ਬੈਂਕ ਆਈ. ਸੀ. ਆਈ. ਸੀ. ਆਈ. ਬੈਂਕ ਨੇ ਗਿਰਿਸ਼ ਚੰਦਰ ਚਤੁਰਵੇਦੀ ਨੂੰ ਚੇਅਰਮੈਨ ਦੇ ਤੌਰ 'ਤੇ ਨਿਯੁਕਤ ਕਰਨ ਦਾ ਫੈਸਲਾ ਕੀਤਾ ਹੈ। ...
ਨਵੀਂ ਦਿੱਲੀ, ਪ੍ਰਾਈਵੇਟ ਸੈਕਟਰ ਦੀ ਦਿੱਗਜ ਬੈਂਕ ਆਈ. ਸੀ. ਆਈ. ਸੀ. ਆਈ. ਬੈਂਕ ਨੇ ਗਿਰਿਸ਼ ਚੰਦਰ ਚਤੁਰਵੇਦੀ ਨੂੰ ਚੇਅਰਮੈਨ ਦੇ ਤੌਰ 'ਤੇ ਨਿਯੁਕਤ ਕਰਨ ਦਾ ਫੈਸਲਾ ਕੀਤਾ ਹੈ। ਉਹ ਪਹਿਲੀ ਜੁਲਾਈ ਤੋਂ ਇਹ ਅਹੁਦਾ ਸੰਭਾਲਣਗੇ। ਫਿਲਹਾਲ ਉਹ ਪਾਰਟ ਟਾਈਮ ਚੇਅਰਮੈਨ ਹੋਣਗੇ। ਸ਼ੁੱਕਰਵਾਰ ਨੂੰ ਆਈ. ਸੀ. ਆਈ. ਸੀ. ਆਈ. ਬੈਂਕ ਬੋਰਡ ਦੀ ਬੈਠਕ 'ਚ ਗਿਰਿਸ਼ ਚੰਦਰ ਚਤੁਰਵੇਦੀ ਨੂੰ ਪਾਰਟ ਟਾਈਮ ਚੇਅਰਮੈਨ ਬਣਾਉਣ ਦਾ ਫੈਸਲਾ ਕੀਤਾ ਗਿਆ।
ਮੌਜੂਦਾ ਸਮੇਂ ਐੱਮ. ਕੇ. ਸ਼ਰਮਾ ਆਈ. ਸੀ. ਆਈ. ਸੀ. ਆਈ. ਬੈਂਕ ਦੇ ਚੇਅਰਮੈਨ ਹਨ। ਐੱਮ. ਕੇ. ਸ਼ਰਮਾ ਦਾ ਕਾਰਜਕਾਲ 30 ਜੂਨ ਨੂੰ ਖਤਮ ਹੋ ਰਿਹਾ ਹੈ। ਜੀ. ਐੱਸ. ਚਤੁਰਵੇਦੀ 1977 ਬੈਚ ਦੇ ਯੂ. ਪੀ. ਕੈਡਰ ਆਈ. ਏ. ਐੱਸ. ਅਧਿਕਾਰੀ ਰਹਿ ਚੁੱਕੇ ਹਨ ਅਤੇ ਜਨਵਰੀ 2013 'ਚ ਤੇਲ ਸਕੱਤਰ ਦੇ ਤੌਰ 'ਤੇ ਸੇਵਾਮੁਕਤ ਹੋਏ ਸਨ। ਹੁਣ ਬੈਂਕ ਚਤੁਰਵੇਦੀ ਦਾ ਨਾਮ ਮਨਜ਼ੂਰੀ ਵਾਸਤੇ ਭਾਰਤੀ ਰਿਜ਼ਰਵ ਬੈਂਕ ਨੂੰ ਭੇਜੇਗਾ।
ਜ਼ਿਕਰਯੋਗ ਹੈ ਕਿ ਵੀਡੀਓਕਾਨ ਮਾਮਲੇ 'ਚ ਅੰਦਰੂਨੀ ਜਾਂਚ ਪੂਰੀ ਹੋਣ ਤਕ ਚੰਦਾ ਕੋਚਰ ਨੂੰ ਛੁੱਟੀ 'ਤੇ ਭੇਜਣ ਦੇ ਬਾਅਦ ਆਈ. ਸੀ. ਆਈ. ਸੀ. ਆਈ. ਬੈਂਕ ਨੇ ਹਾਲ ਹੀ 'ਚ ਸੰਦੀਪ ਬਖਸ਼ੀ ਨੂੰ ਬੈਂਕ ਦੇ ਪੂਰਨ ਨਿਰਦੇਸ਼ਕ ਅਤੇ ਮੁੱਖ ਸੰਚਾਨਲ ਅਧਿਕਾਰੀ (ਸੀ. ਓ. ਓ.) ਦੇ ਤੌਰ 'ਤੇ ਨਿਯੁਕਤ ਕੀਤਾ ਹੈ।
ਸੰਦੀਪ ਬਖਸ਼ੀ ਆਈ. ਸੀ. ਆਈ. ਸੀ. ਆਈ. ਬੈਂਕ ਦੀ ਜੀਵਨ ਬੀਮਾ ਯੂਨਿਟ ਦੇ ਸੀ. ਈ. ਓ. ਵੀ ਰਹਿ ਚੁੱਕੇ ਹਨ। ਬਖਸ਼ੀ ਅਗਸਤ 2010 ਤੋਂ ਆਈ. ਸੀ. ਆਈ. ਸੀ. ਆਈ. ਪਰੂਡੈਂਸ਼ਲ ਲਾਈਫ ਦੇ ਸੀ. ਈ. ਓ. ਰਹੇ ਸਨ। ਇਸ ਤੋਂ ਪਹਿਲਾਂ ਉਹ ਬੈਂਕ 'ਚ ਡਿਪਟੀ ਮੈਨੇਜਿੰਗ ਡਾਇਰੈਕਟਰ ਅਤੇ ਰਿਟੇਲ ਬੈਂਕਿੰਗ ਦੇ ਮੁਖੀ ਵੀ ਰਹਿ ਚੁੱਕੇ ਸਨ। (ਏਜੰਸੀ)