Advertisement
  ਖ਼ਬਰਾਂ   ਰਾਸ਼ਟਰੀ  30 Jun 2020  ਕੋਰੋਨਿਲ ਦਵਾਈ ਮਾਮਲੇ 'ਚ ਬੁਰੇ ਫਸੇ ਬਾਬਾ ਰਾਮਦੇਵ, ਹੁਣ ਹਾਈਕੋਰਟ ਨੇ ਜਾਰੀ ਕੀਤਾ ਨੋਟਿਸ!

ਕੋਰੋਨਿਲ ਦਵਾਈ ਮਾਮਲੇ 'ਚ ਬੁਰੇ ਫਸੇ ਬਾਬਾ ਰਾਮਦੇਵ, ਹੁਣ ਹਾਈਕੋਰਟ ਨੇ ਜਾਰੀ ਕੀਤਾ ਨੋਟਿਸ!

ਏਜੰਸੀ
Published Jun 30, 2020, 6:29 pm IST
Updated Jun 30, 2020, 6:29 pm IST
ਪਹਿਲੀ ਜੁਲਾਈ ਨੂੰ ਹੋਵੇਗੀ ਅਗਲੀ ਸੁਣਵਾਈ
Baba Ramdev
 Baba Ramdev

ਨੈਨੀਤਾਲ : ਕਰੋਨਾ ਵਾਇਰਸ ਨੂੰ ਠੀਕ ਕਰਨ ਦੇ ਦਾਅਵੇ ਤਹਿਤ ਕੋਰੋਨਿਲ ਦਵਾਈ ਲਾਂਚ ਕਰਨ ਦੇ ਮਾਮਲੇ 'ਚ ਯੋਗ ਗੁਰੂ ਬਾਬਾ ਰਾਮਦੇਵ ਦੀਆਂ ਮੁਸ਼ਕਲਾਂ ਵਧਦੀਆਂ ਜਾ ਰਹੀਆਂ ਹਨ। ਉਤਰਾਖੰਡ ਹਾਈਕੋਰਟ ਨੇ ਬਾਬਾ ਰਾਮਦੇਵ ਦੀ ਸੰਸਥਾ ਪਤੰਜਲੀ ਵਲੋਂ ਜਾਰੀ ਕੀਤੀ ਦਵਾਈ ਕੋਰੋਨਿਲ ਖ਼ਿਲਾਫ਼ ਦਾਇਰ ਜਨਹਿੱਤ ਪਟੀਸ਼ਨ 'ਤੇ ਮੰਗਲਵਾਰ ਨੂੰ ਸੁਣਵਾਈ ਕੀਤੀ। ਮਾਮਲੇ 'ਚ ਕੋਰਟ ਨੇ ਕੇਂਦਰ ਸਰਕਾਰ ਦੇ ਅਸਿਸਟੈਂਟ ਸਾਲਿਸਿਟਰ ਜਨਰਲ ਨੂੰ ਨੋਟਿਸ ਜਾਰੀ ਕੀਤਾ ਹੈ। ਅਗਲੀ ਸੁਣਵਾਈ ਬੁੱਧਵਾਰ ਭਾਵ ਕੱਲ੍ਹ ਪਹਿਲੀ ਜੁਲਾਈ ਨੂੰ ਤੈਅ ਕੀਤੀ ਗਈ ਹੈ।

Baba RamdevBaba Ramdev

ਮੰਗਲਵਾਰ ਨੂੰ ਮੁੱਖ ਜੱਜ ਨਿਆਮੂਰਤੀ ਰਮੇਸ਼ ਰੰਗਨਾਥਨ ਤੇ ਨਿਆ ਮੂਰਤੀ ਆਰਸੀ ਖੁਲਬੇ ਦੇ ਬੈਂਚ 'ਚ ਉਧਮ ਸਿੰਘ ਨਗਰ ਦੇ ਐਡਵੋਕੇਟ ਮਣੀ ਕੁਮਾਰ ਦੀ ਜਨਹਿੱਤ ਪਟੀਸ਼ਨ 'ਤੇ ਸੁਣਵਾਈ ਹੋਈ। ਪਟੀਸ਼ਨ 'ਚ ਕਿਹਾ ਹੈ ਕਿ ਬਾਬਾ ਰਾਮਦੇਵ ਤੇ ਉਨ੍ਹਾਂ ਦੇ ਸਹਿਯੋਗੀ ਆਚਾਰੀਆ ਬਾਲਕ੍ਰਿਸ਼ਣ ਨੇ ਪਿਛਲੇ ਮੰਗਲਵਾਰ ਨੇ ਕੋਰੋਨਿਲ ਦਵਾਈ ਲਾਂਚ ਕੀਤੀ।

Baba Ramdev Baba Ramdev

ਪਟੀਸ਼ਨਕਰਤਾ ਦਾ ਕਹਿਣਾ ਹੈ ਕਿ ਬਾਬਾ ਰਾਮਦੇਵ ਦੀ ਦਵਾਈ ਕੰਪਨੀ ਨੇ ਆਈਸੀਐੱਮਆਰ ਵਲੋਂ ਜਾਰੀ ਗਾਈਡ ਲਾਈਨਾਂ ਦਾ ਪਾਲਣ ਨਹੀਂ ਕੀਤਾ ਨਾ ਹੀ ਆਯੁਸ਼ ਮੰਤਰਾਲਾ ਭਾਰਤ ਸਰਕਾਰ ਦੀ ਮਨਜ਼ੂਰੀ ਲਈ। ਆਯੁਸ਼ ਵਿਭਾਗ ਉੱਤਰਾਖੰਡ ਤੋਂ ਕੋਰੋਨਾ ਦੀ ਦਵਾਈ ਬਣਾਉਣ ਲਈ ਅਪਲਾਈ ਤਕ ਨਹੀਂ ਕੀਤਾ ਗਿਆ। ਜੋ ਅਪਲਾਈ ਕੀਤਾ ਸੀ ਉਹ ਰੋਗ ਪ੍ਰਤੀਰੋਧਕ ਯੋਗਤਾ ਵਧਾਉਣ ਲਈ ਕੀਤਾ ਗਿਆ ਸੀ ਉਸੇ ਦੀ ਆੜ 'ਚ ਬਾਬਾ ਰਾਮਦੇਵ ਨੇ ਕੋਰੋਨਿਲ ਦਵਾਈ ਦਾ ਨਿਰਮਾਣ ਕੀਤਾ।

coronil patanjalicoronil patanjali

ਦਿਵਿਆ ਫਾਰਮੇਸੀ ਮੁਤਾਬਕ ਨਿਮਸ ਯੂਨੀਵਰਸਿਟੀ ਰਾਜਸਥਾਨ 'ਚ ਦਵਾਈ ਦਾ ਪ੍ਰੀਖਣ ਲਿਆ ਗਿਆ ਜਦਕਿ ਨਿਮਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਅਜਿਹੀ ਦਵਾਈ ਦਾ ਕਲੀਨਿਕਲ ਪ੍ਰੀਖਣ ਨਹੀਂ ਕੀਤਾ ਹੈ। ਪਟੀਸ਼ਨਕਰਤਾ ਨੇ ਦਵਾਈ ਨੂੰ ਇਹੀਂ ਚਾਰ ਬਿੰਦੂਆਂ ਦੇ ਆਧਾਰ 'ਤੇ ਚੁਣੌਤੀ ਦਿਤੀ ਹੈ।

Baba Ramdev Baba Ramdev

ਇਸੇ ਦੌਰਾਨ ਆਯੁਸ਼ ਵਿਭਾਗ ਵਲੋਂ ਭੇਜੇ ਨੋਟਿਸ 'ਤੇ ਬੈਂਚ ਦੇ ਮਹਾਮੰਤਰੀ ਆਚਾਰੀਆ ਬਾਲ ਕ੍ਰਿਸ਼ਨ ਨੇ ਦੱਸਿਆ ਕਿ ਸਰਕਾਰ ਨੇ ਦਿਵਿਆ ਫਾਰਮੇਸੀ ਨੂੰ ਜੋ ਨੋਟਿਸ ਦਿਤਾ ਹੈ, ਉਸ ਦਾ ਆਧਾਰ ਕੀ ਹੈ। ਜੇਕਰ ਆਧਾਰ ਲੇਬਲ ਹੈ ਤਾਂ ਪਤੰਜਲੀ ਨੇ ਲੇਬਲ 'ਤੇ ਕੋਈ ਗ਼ਲਤ ਦਾਅਵਾ ਨਹੀਂ ਕੀਤਾ। ਪਤੰਜਲੀ ਦੀ ਦਵਾਈ ਇਮਿਊਨਟੀ ਬੂਸਟਰ ਦਾ ਕੰਮ ਕਰਦੀ ਹੈ। ਕਲੀਨਿਕਲ ਟਰਾਇਲ 'ਚ ਇਸ ਦੇ ਸੇਵਨ ਨਾਲ ਕਈ ਕੋਰੋਨਾ ਦੇ ਮਰੀਜ਼ ਠੀਕ ਹੋਏ ਹਨ। ਪਤੰਜਲੀ ਨੇ ਇਮਿਊਨਟੀ ਬੂਸਟਰ ਦਾ ਹੀ ਲਾਇਸੈਂਸ ਲਿਆ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ ।

Location: India, Uttarakhand, Dehradun
Advertisement
Advertisement

 

Advertisement