15 ਸਾਲ ਦੀ ਧੀ ਨੇ ਤੈਰ ਕੇ ਬਚਾਈ ਜਾਨ
ਰਾਏਪੁਰ: ਬਿਲਾਈਗੜ੍ਹ ਜ਼ਿਲ੍ਹੇ ਤੋਂ ਇੱਕ ਦਰਦਨਾਕ ਸੜਕ ਹਾਦਸੇ ਦੀ ਖ਼ਬਰ ਸਾਹਮਣੇ ਆਈ ਹੈ। ਛੱਤੀਸਗੜ੍ਹ ਦੇ ਸਾਰੰਗਗੜ੍ਹ-ਬਿਲਾਈਗੜ੍ਹ ਜ਼ਿਲ੍ਹੇ ਵਿੱਚ ਇੱਕ ਕਾਰ ਪਾਣੀ ਨਾਲ ਭਰੀ ਘੱੜ ਵਿੱਚ ਡਿੱਗ ਗਈ। ਇਸ ਕਾਰਨ ਕਾਰ 'ਚ ਸਵਾਰ ਇੱਕੋ ਪਰਿਵਾਰ ਦੇ 4 ਜੀਆਂ ਦੀ ਮੌਤ ਹੋ ਗਈ। ਜਦਕਿ ਇਕ 15 ਸਾਲਾ ਲੜਕੀ ਤੈਰ ਕੇ ਬਾਹਰ ਆਈ ਅਤੇ ਆਪਣੀ ਜਾਨ ਬਚਾਉਣ ਵਿਚ ਸਫਲ ਰਹੀ। ਕਾਰ ਵਿੱਚ ਸਵਾਰ ਪੰਜੇ ਵਿਅਕਤੀ ਇੱਕ ਹੀ ਪਰਿਵਾਰ ਨਾਲ ਸਬੰਧਤ ਸਨ। ਪੁਲਿਸ ਨੇ ਦੱਸਿਆ ਕਿ ਇਹ ਲੋਕ ਇੱਕ ਮੰਦਰ ਦੇ ਦਰਸ਼ਨ ਕਰਕੇ ਵਾਪਸ ਆ ਰਹੇ ਸਨ।
ਇਹ ਘਟਨਾ ਦੇਰ ਰਾਤ ਪਿੰਡ ਤਿਮਰਲਗਾ ਨੇੜੇ ਵਾਪਰੀ। ਕਾਰ ਵਿੱਚ 5 ਲੋਕ ਸਵਾਰ ਸਨ। 1 ਦੀ ਲਾਸ਼ ਬਰਾਮਦ ਹੋਈ ਹੈ। ਪੁਲਿਸ ਟੀਮ 4 ਲੋਕਾਂ ਦੀ ਭਾਲ ਕਰ ਰਹੀ ਹੈ। ਬਾਕੀ ਲਾਸ਼ਾਂ ਦੀ ਭਾਲ ਲਈ ਰਾਏਗੜ੍ਹ ਤੋਂ ਗੋਤਾਖੋਰ ਵੀ ਬੁਲਾਏ ਗਏ ਹਨ।
ਜਾਣਕਾਰੀ ਮੁਤਾਬਕ ਤਿਮਰਲਗਾ ਦੀ ਸਰਪੰਚ ਮੀਨੂੰ ਪਟੇਲ ਦਾ ਪਤੀ ਮਹਿੰਦਰ ਪਟੇਲ ਆਪਣੇ ਮਾਤਾ-ਪਿਤਾ ਮੀਨੂੰ ਅਤੇ 15 ਸਾਲਾ ਬੇਟੀ ਰੌਸ਼ਨੀ ਨਾਲ ਮੰਦਰ 'ਚ ਦਰਸ਼ਨ ਕਰ ਕੇ ਉੜੀਸਾ ਤੋਂ ਪਰਤ ਰਿਹਾ ਸੀ। ਦੇਰ ਰਾਤ ਵਾਪਸ ਆਉਂਦੇ ਸਮੇਂ ਸਰਪੰਚ ਪਤੀ ਕਿਸੇ ਕੰਮ ਦੇ ਸਿਲਸਿਲੇ 'ਚ ਪਿੰਡ ਦੇ ਨਜ਼ਦੀਕ ਪੱਥਰ ਦੀ ਖੱਡ ਵੱਲ ਗਿਆ ਸੀ, ਜਿੱਥੇ ਕਾਰ ਬੈਕ (ਪਿੱਛੇ) ਕਰਦੇ ਸਮੇਂ ਕਾਬੂ ਗੁਆਚ ਗਿਆ ਅਤੇ ਕਾਰ ਪਲਟ ਕੇ ਪਾਣੀ ਨਾਲ ਭਰੀ ਪੱਥਰ ਦੀ ਖੱਡ 'ਚ ਜਾ ਡਿੱਗੀ।
ਇਹ ਪੱਥਰ ਦੀ ਖੱਡ ਤਿਮਰਲਗਾ ਦੀ ਮੁੱਖ ਸੜਕ ਤੋਂ ਕਰੀਬ 50 ਮੀਟਰ ਦੀ ਦੂਰੀ 'ਤੇ ਸੀ। ਇਸ ਘਟਨਾ ਤੋਂ ਬਾਅਦ ਸਰਪੰਚ ਦੀ ਬੇਟੀ ਕਾਰ 'ਚੋਂ ਬਾਹਰ ਨਿਕਲਣ ਕਾਰਨ ਵਾਲ-ਵਾਲ ਬਚ ਗਈ। ਬਾਕੀ ਚਾਰ ਲੋਕਾਂ ਦੀ ਪਾਣੀ ਵਿੱਚ ਡੁੱਬਣ ਕਾਰਨ ਮੌਤ ਹੋ ਗਈ। ਸਰਪੰਚ ਦੀ ਧੀ ਪਾਣੀ ਵਿੱਚ ਤੈਰਦੀ ਹੋਈ ਬਾਹਰ ਆਈ ਅਤੇ ਘਟਨਾ ਬਾਰੇ ਨੇੜਲੇ ਪਿੰਡ ਵਾਸੀਆਂ ਨੂੰ ਸੂਚਿਤ ਕੀਤਾ।
ਘਟਨਾ ਰਾਤ 11 ਵਜੇ ਦੇ ਕਰੀਬ ਦੱਸੀ ਜਾ ਰਹੀ ਹੈ ਅਤੇ ਜਿਸ ਪੱਥਰ ਦੀ ਖੱਡ ਨੇੜੇ ਇਹ ਘਟਨਾ ਵਾਪਰੀ ਹੈ, ਉਹ ਮੀਨੂੰ ਪਟੇਲ ਦੇ ਘਰ ਤੋਂ ਸਿਰਫ 50 ਮੀਟਰ ਦੀ ਦੂਰੀ 'ਤੇ ਹੈ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਐੱਸਪੀ ਸਮੇਤ ਉੱਚ ਪੁਲਿਸ ਅਧਿਕਾਰੀ ਮੌਕੇ 'ਤੇ ਪਹੁੰਚ ਗਏ ਹਨ। ਫਿਲਹਾਲ ਲਾਸ਼ਾਂ ਅਤੇ ਕਾਰ ਨੂੰ ਬਾਹਰ ਕੱਢਣ ਲਈ ਕਰੇਨ ਦੀ ਮਦਦ ਲਈ ਜਾ ਰਹੀ ਹੈ।
