ਬਾਬਾ ਰਾਮਦੇਵ ਨੇ ਕਿਹਾ ਕਿ ਮੇਰਾ ਬਿਆਨ ਵ੍ਹਟਸਐਪ ਤੋਂ ਮਿਲੀ ਇਕ ਜਾਣਕਾਰੀ ’ਤੇ ਆਧਾਰਿਤ ਸੀ, ਜਿਸ ਨੂੰ ਮੈਂ ਸਿਰਫ ਸਾਂਝਾ ਕੀਤਾ ਸੀ

ਨਵੀਂ ਦਿੱਲੀ - ਐਲੋਪੈਥੀ ’ਤੇ ਬਿਆਨ ਨੂੰ ਲੈ ਕੇ ਡਾਕਟਰਾਂ ਦੇ ਨਿਸ਼ਾਨੇ ’ਤੇ ਆਏ ਬਾਬਾ ਰਾਮਦੇਵ ਨੇ ਐਤਵਾਰ ਨੂੰ ਕਿਹਾ ਕਿ ਮੈਂ ਐਲੋਪੈਥੀ ਨੂੰ ਲੈ ਕੇ ਦਿੱਤੇ ਆਪਣੇ ਬਿਆਨ ਲਈ ਮੁਆਫ਼ੀ ਮੰਗ ਚੁੱਕਿਆ ਹਾਂ ਅਤੇ ਬਿਆਨ ਨੂੰ ਵੀ ਵਾਪਸ ਲੈ ਲਿਆ ਹੈ। ਉਨ੍ਹਾਂ ਇੰਡੀਅਨ ਮੈਡੀਕਲ ਐਸੋਸੀਏਸ਼ਨ (ਆਈ.ਐੱਮ.ਏ.) ’ਤੇ ਫਿਰ ਨਿਸ਼ਾਨਾ ਵਿੰਨ੍ਹਦਿਆਂ ਉਸ ਨੂੰ ਅੰਗਰੇਜ਼ਾਂ ਦਾ ਬਣਾਇਆ ਹੋਇਆ ਇਕ ਐੱਨ.ਜੀ.ਓ. ਦੱਸਿਆ।

माननीय श्री @drharshvardhan जी आपका पत्र प्राप्त हुआ,
उसके संदर्भ में चिकित्सा पद्दतियों के संघर्ष के इस पूरे विवाद को खेदपूर्वक विराम देते हुए मैं अपना वक्तव्य वापिस लेता हूँ और यह पत्र आपको संप्रेषित कर रहा हूं- pic.twitter.com/jEAr59VtEe

— स्वामी रामदेव (@yogrishiramdev) May 23, 2021

ਬਾਬਾ ਰਾਮਦੇਵ ਨੇ ਦੁਹਰਾਇਆ ਕਿ ਐਲੋਪੈਥੀ ’ਚ ਮਹਿੰਗੀਆਂ ਦਵਾਈਆਂ ਵਿਕਦੀਆਂ ਹਨ। ਫਾਰਮਾ ਇੰਡਸਟਰੀ ਲੁੱਟ ਮਚਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਆਈ.ਐੱਮ.ਏ. ਦੇ ਮੁਖੀ ਅਤੇ ਜਨਰਲ ਸਕੱਤਰ ਨੂੰ ਬਰਤਰਫ਼ ਕੀਤਾ ਜਾਵੇ। ਆਈ.ਐੱਮ.ਏ. ਦੇ ਡਾਕਟਰ ਅਸਭਿਅਕ ਢੰਗ ਨਾਲ ਗੱਲ ਕਰਦੇ ਹਨ। ਉਹ ਸਿਆਸਤ ’ਤੇ ਉਤਰ ਆਏ ਹਨ।

Ramdev

ਆਈ.ਐੱਮ.ਏ. ਕੋਈ ਕਾਨੂੰਨੀ ਸੰਸਥਾ ਨਹੀਂ ਹੈ ਅਤੇ ਨਾ ਹੀ ਆਈ.ਐੱਮ.ਏ. ਕੋਲ ਕੋਈ ਰਿਸਰਚ ਸੈਂਟਰ ਹੈ। ਮੈਂ ਆਈ.ਐੱਮ.ਏ. ਦੀ ਕੋਈ ਮਾਣਹਾਨੀ ਨਹੀਂ ਕੀਤੀ ਸਗੋਂ ਆਈ.ਐੱਮ.ਏ. ’ਤੇ ਮੈਨੂੰ ਮਾਣਹਾਨੀ ਦਾ ਮੁਕੱਦਮਾ ਕਰਨਾ ਚਾਹੀਦਾ ਹੈ। ਬਾਬਾ ਰਾਮਦੇਵ ਨੇ ਕਿਹਾ ਕਿ ਮੈਂ 90 ਫੀਸਦੀ ਡਾਕਟਰਾਂ ਦਾ ਸਤਿਕਾਰ ਕਰਦਾ ਹਾਂ ਪਰ ਕੁਝ ਡਾਕਟਰ ਲੁੱਟ ਮਚਾ ਰਹੇ ਹਨ। 

Ayurveda

ਬਾਬਾ ਰਾਮਦੇਵ ਨੇ ਕਿਹਾ ਕਿ ਮੇਰਾ ਬਿਆਨ ਵ੍ਹਟਸਐਪ ਤੋਂ ਮਿਲੀ ਇਕ ਜਾਣਕਾਰੀ ’ਤੇ ਆਧਾਰਿਤ ਸੀ, ਜਿਸ ਨੂੰ ਮੈਂ ਸਿਰਫ ਸਾਂਝਾ ਕੀਤਾ ਸੀ। ਮੇਰਾ ਉਹ ਬਿਆਨ ਅਧਿਕਾਰਤ ਨਹੀਂ ਸੀ। ਮੇਰੇ ਮਨ ’ਚ ਕਿਸੇ ਲਈ ਕੋਈ ਭੇਦਭਾਵ ਨਹੀਂ ਹੈ। ਉਨ੍ਹਾਂ ਇਹ ਮੰਨਿਆ ਕਿ ਐਲੋਪੈਥੀ ਕਾਰਨ ਕਰੋੜਾਂ ਲੋਕਾਂ ਦੀ ਜ਼ਿੰਦਗੀ ਬਚਾਈ ਗਈ ਹੈ ਪਰ ਨਾਲ ਹੀ ਉਨ੍ਹਾਂ ਇਹ ਵੀ ਕਿਹਾ ਕਿ ਆਯੁਰਵੈਦ ਦਾ ਵੀ ਸਤਿਕਾਰ ਹੋਣਾ ਚਾਹੀਦਾ ਹੈ। ਉਨ੍ਹਾਂ ਦਾਅਵਾ ਕੀਤਾ ਕਿ 98 ਫੀਸਦੀ ਬੀਮਾਰੀਆਂ ਦਾ ਇਲਾਜ ਆਯੁਰਵੇਦ ’ਚ ਸੰਭਵ ਹੈ ਤੇ ਆਯੁਰਵੇਦ ਕਰਦਾ ਵੀ ਹੈ।