ਨਵੀਂ ਦਿੱਲੀ, 25 ਅਕਤੂਬਰ : 8 ਨਵੰਬਰ ਨੂੰ ਨੋਟਬੰਦੀ ਦਾ ਇਕ ਸਾਲ ਪੂਰਾ ਹੋਣ 'ਤੇ ਜਿਥੇ ਵਿਰੋਧੀ ਧਿਰ ਨੇ ਕਾਲਾ ਦਿਵਸ ਮਨਾਉਣ ਦਾ ਐਲਾਨ ਕੀਤਾ ਹੈ, ਉਥੇ ਅੱਜ ਭਾਜਪਾ ਨੇ ਐਲਾਨ ਕੀਤਾ ਕਿ ਉਹ ਇਸ ਦਿਨ ਨੂੰ 'ਕਾਲਾ ਧਨ ਵਿਰੋਧੀ ਦਿਵਸ' ਵਜੋਂ ਮਨਾਏਗੀ। ਕੇਂਦਰੀ ਵਿੱਤ ਮੰਤਰੀ ਅਰੁਣ ਜੇਤਲੀ ਨੇ ਕਿਹਾ ਕਿ 8 ਨਵੰਬਰ ਨੂੰ ਭਾਜਪਾ ਦੇ ਆਗੂ ਦੇਸ਼ ਭਰ ਵਿਚ ਕਾਲੇ ਧਨ ਵਿਰੁਧ ਸਰਕਾਰ ਦੁਆਰਾ ਚੁਕੇ ਗਏ ਕਦਮਾਂ ਬਾਰੇ ਲੋਕਾਂ ਨੂੰ ਦਸਣਗੇ।
ਜੇਤਲੀ ਨੇ ਕਿਹਾ ਕਿ ਨੋਟਬੰਦੀ ਕਾਲੇ ਧਨ ਵਿਰੁਧ ਵੱਡੀ ਮੁਹਿੰਮ ਸੀ। ਇਸ ਰਾਹੀਂ ਕਾਲੇ ਧਨ ਸਬੰਧੀ ਆਖ਼ਰੀ ਮੌਕਾ ਦਿਤਾ ਗਿਆ। ਉਨ੍ਹਾਂ ਕਿਹਾ ਕਿ ਨੋਟਬੰਦੀ ਦਾ ਇਕ ਮਕਸਦ 'ਲੈੱਸ ਕੈਸ਼ ਇਕਾਨਮੀ' ਨੂੰ ਹੱਲਾਸ਼ੇਰੀ ਦੇਣਾ ਵੀ ਸੀ। ਵਿੱਤ ਮੰਤਰੀ ਨੇ ਇਹ ਵੀ ਕਿਹਾ ਕਿ ਜੀਐਸਟੀ ਜ਼ਰੀਏ ਨਵਾਂ ਦੌਰ ਚੱਲ ਰਿਹਾ ਹੈ। ਕਲ ਵਿਰੋਧੀ ਧਿਰਾਂ ਨੇ ਨੋਟਬੰਦੀ ਨੂੰ 'ਸਦੀ ਦਾ ਸੱਭ ਤੋਂ ਵੱਡਾ ਘੁਟਾਲਾ' ਦਸਿਆ ਸੀ। (ਏਜੰਸੀ)