ਰਿਲਾਇੰਸ ਜੀਓ ਨੇ ਆਪਣੇ ਗਾਹਕਾਂ ਨੂੰ ਅਲਰਟ ਕਰਦੇ ਹੋਏ ਜਾਣਕਾਰੀ ਦਿੱਤੀ ਕਿ ਉਹ ਆਪਣੀ ਇਕ ਸਰਵਿਸ ਬੰਦ ਕਰ ਰਹੀ ਹੈ। 27 ਫਰਵਰੀ ਤੋਂ ਬਾਅਦ ਜੀਓ ਦੀ ਜੀਓ ਮਨੀ ਮੋਬਾਇਲ ਵਾਲੇਟ ਸਰਵਿਸ ਬੰਦ ਕਰ ਦਿੱਤੀ ਜਾਵੇਗੀ। ਜੀਓ ਨੇ ਇਸ ਸੰਬੰਧੀ ਗਾਹਕਾਂ ਨੂੰ ਐੱਸ. ਐੱਮ. ਐੱਸ ਰਾਹੀਂ ਇਹ ਜਾਣਕਾਰੀ ਦਿੱਤੀ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ 27 ਫਰਵਰੀ ਤੋਂ ਮੋਬਾਇਲ ਵਾਲੇਟ ਤੋਂ ਪੈਸੇ ਬੈਂਕ 'ਚ ਟਰਾਂਸਫਰ ਕਰਨ 'ਤੇ ਰੋਕ ਲਗਾ ਦਿੱਤੀ ਜਾਵੇਗੀ। ਇਹ ਫੈਸਲਾ ਆਰ. ਬੀ. ਆਈ. ਦੀ ਗਾਇਡਲਾਈਨ ਤੋਂ ਬਾਅਦ ਲਿਆ ਗਿਆ ਹੈ।
ਜੀਓ ਮਨੀ ਮੁਤਾਬਕ ਉਸ 'ਚ ਆਰ. ਬੀ. ਆਈ ਦੀ ਗਾਇਡਲਾਈਨ ਦਾ ਹਵਾਲਾ ਦਿੱਤਾ ਹੈ। ਉਸ ਨੇ ਕਿਹਾ ਹੈ ਕਿ ਗਾਇਡਲਾਈਨ ਮੁਤਾਬਕ ਮੋਬਾਇਲ ਵਾਲੇਟ ਤੋਂ ਪੈਸਾ ਬੈਂਕ 'ਚ ਟਰਾਂਸਫਰ ਕਰਨ ਦੀ ਸਹੂਲਤ ਬੰਦ ਕੀਤੀ ਜਾ ਰਹੀ ਹੈ। ਇਹ ਆਦੇਸ਼ 27 ਫਰਵਰੀ ਤੋਂ ਲਾਗੂ ਹੋਵੇਗਾ। ਹਾਲਾਂਕਿ ਜੀਓ ਨੇ ਕਿਹਾ ਹੈ ਕਿ ਜੇਕਰ ਗਾਹਕ ਆਪਣੇ ਪੈਸੇ ਇਸ ਤਰੀਕ ਤੋਂ ਪਹਿਲਾਂ ਟਰਾਂਸਫਰ ਕਰ ਲੈਂਦੇ ਹਨ ਤਾਂ ਉਨ੍ਹਾਂ ਤੋਂ ਕਿਸੇ ਵੀ ਤਰਾਂ ਕੋਈ ਵੀ ਚਾਰਜ ਨਹੀਂ ਲਿਆ ਜਾਵੇਗਾ। ਗਾਹਕ 26 ਫਰਵਰੀ ਤੱਕ ਪੈਸਾ ਟਰਾਂਸਫਰ ਕਰ ਸਕਦੇ ਹਨ।
ਪੇਮੈਂਟ ਬੈਂਕ ਕਦੋ ਹੋਵੇਗਾ ਸ਼ੁਰੂ
ਹਾਲਾਂਕਿ ਕੰਪਨੀ ਨੇ ਇਹ ਜਾਣਕਾਰੀ ਨਹੀਂ ਦਿੱਤੀ ਹੈ ਕਿ ਉਸ ਦਾ ਪੇਮੈਂਟ ਬੈਂਕ ਕਦੋਂ ਆਵੇਗਾ। ਇਸ ਤੋਂ ਪਹਿਲਾਂ ਇਹ ਜਾਣਕਾਰੀ ਦਿੱਤੀ ਸੀ ਕਿ ਜੀਓ ਪੇਮੇਂਟ ਬੈਂਕ ਮਾਰਚ ਦੇ ਅੰਤ ਤੱਕ ਆਪਣੀ ਸੇਵਾਵਾਂ ਸ਼ੁਰੂ ਕਰ ਸਕਦਾ ਹੈ। ਪਰ ਹੁਣ ਚਰਚਾ ਹੈ ਕਿ ਪੇਮੈਂਟ ਬੈਂਕ ਆਉਣ 'ਚ ਦੇਰੀ ਹੋ ਸਕਦੀ ਹੈ। ਇਸ ਦੇ ਪਿੱਛੇ ਵੀ ਆਰ. ਬੀ. ਆਈ. ਦੀ ਨਵੀਂ ਗਾਇਡਲਾਇਨਸ ਹਨ।ਇੱਕ ਵਾਰ ਫਿਰ ਲੋਕਾਂ ਦੇ ਵਿਰੋਧ ਦਾ ਸ਼ਿਕਾਰ ਹੋਏ ਕਪਿਲ ਸ਼ਰਮਾ
