ਮੁੰਬਈ : ਇਨਕਮ ਟੈਕਸ ਵਿਭਾਗ ਨੇ 3200 ਕਰੋੜ ਰੁਪਏ ਦੇ ਟੀਡੀਐਸ ਘੋਟਾਲੇ ਦਾ ਪਰਦਾਫਾਸ਼ ਕੀਤਾ ਹੈ। ਆਈਟੀ ਡਿਪਾਰਟਮੈਂਟ ਨੇ ਅਜਿਹੀ 447 ਕੰਪਨੀਆਂ ਨੂੰ ਪਤਾ ਲਗਾਇਆ ਹੈ ਜਿਨ੍ਹਾਂ ਨੇ ਆਪਣੇ ਕਰਮਚਾਰੀਆਂ ਤੋਂ ਤਾਂ ਟੈਕਸ ਕੱਟ ਲਿਆ ਪਰ ਉਸਨੂੰ ਸਰਕਾਰ ਦੇ ਕੋਲ ਜਮਾਂ ਨਹੀਂ ਕਰਵਾਇਆ। ਇਹਨਾਂ ਕੰਪਨੀਆਂ ਨੇ ਕਰਮਚਾਰੀਆਂ ਦੇ ਕੱਟੇ ਗਏ ਟੀਡੀਐਸ ਨੂੰ ਆਪਣੇ ਬਿਜਨਸ ਵਿਚ ਹੀ ਇੰਵੈਸਟ ਕਰ ਦਿੱਤਾ।
ਸੂਤਰਾਂ ਨੇ ਦੱਸਿਆ ਕਿ ਇਨਕਮ ਟੈਕਸ ਵਿਭਾਗ ਦੀ ਟੀਡੀਐਸ ਸ਼ਾਖਾ ਨੇ ਇਹਨਾਂ ਕੰਪਨੀਆਂ ਦੇ ਖਿਲਾਫ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਕਈ ਮਾਮਲਿਆਂ ਵਿਚ ਵਾਰੰਟ ਵੀ ਜਾਰੀ ਕਰ ਦਿੱਤੇ ਗਏ ਹਨ। ਇਨਕਮ ਟੈਕਸ ਐਕਟ ਦੇ ਤਹਿਤ ਇਨ੍ਹਾਂ ਮਾਮਲਿਆਂ ਵਿਚ ਤਿੰਨ ਮਹੀਨੇ ਤੋਂ ਲੈ ਕੇ ਜੁਰਮਾਨੇ ਦੇ ਨਾਲ 7 ਸਾਲ ਤੱਕ ਦੀ ਸਜਾ ਹੋ ਸਕਦੀ ਹੈ। ਦੋਸ਼ੀ ਕੰਪਨੀਆਂ ਅਤੇ ਮਾਲਿਕਾਂ ਦੇ ਖਿਲਾਫ ਆਈਟੀ ਐਕਟ ਦੇ ਸੈਕਸ਼ਨ 276ਬੀ ਦੇ ਤਹਿਤ ਕਾਰਵਾਈ ਕੀਤੀ ਜਾ ਰਹੀ ਹੈ।
ਇਨਕਮ ਟੈਕਸ ਵਿਭਾਗ ਆਈਪੀਸੀ ਦੀਆਂ ਧਾਰਾਵਾਂ ਦੇ ਤਹਿਤ ਧੋਖਾਧੜੀ ਅਤੇ ਅਪਰਾਧਿਕ ਮਾਮਲੇ ਵੀ ਦਰਜ ਕਰ ਰਿਹਾ ਹੈ। ਸੂਤਰਾਂ ਦਾ ਕਹਿਣਾ ਹੈ ਕਿ ਇਸ ਘੋਟਾਲੇ ਵਿਚ ਕਰਮਚਾਰੀਆਂ ਦੇ ਨਾਲ ਧੋਖਾ ਕੀਤਾ ਗਿਆ ਹੈ, ਇਸ ਲਈ ਆਈਪੀਸੀ ਦੀਆਂ ਧਾਰਾਵਾਂ ਵੀ ਲਗਾਈਆਂ ਜਾਣਗੀਆਂ। ਦੋਸ਼ੀਆਂ ਵਿਚੋਂ ਇਕ ਨਾਮੀ ਬਿਲਡਰ ਵੀ ਹੈ, ਜੋ ਰਾਜਨੀਤੀ ਨਾਲ ਜੁੜਿਆ ਹੈ। ਕਰਮਚਾਰੀਆਂ ਤੋਂ ਕੱਟੇ ਗਏ 100 ਕਰੋੜ ਟੀਡੀਐਸ ਨੂੰ ਬਿਲਡਰ ਨੇ ਆਪਣੇ ਹੀ ਬਿਜਨਸ ਵਿਚ ਨਿਵੇਸ਼ ਕਰ ਦਿੱਤਾ।
ਹੋਰ ਦੋਸ਼ੀਆਂ ਵਿਚ ਪ੍ਰੋਡਕਸ਼ਨ ਹਾਊਸ ਤੋਂ ਲੈ ਕੇ ਬੁਨਿਆਦੀ ਕੰਪਨੀਆਂ ਦੇ ਮਾਲਿਕ ਤੱਕ ਸ਼ਾਮਿਲ ਹਨ। ਇਕ ਇਨਕਮ ਟੈਕਸ ਅਧਿਕਾਰੀ ਨੇ ਦੱਸਿਆ, ਹਾਲ ਹੀ ਵਿਚ ਕੀਤੇ ਗਏ ਵੈਰਿਫਿਕੇਸ਼ਨ ਸਰਵੇ ਵਿਚ ਅਜਿਹੇ 447 ਕੇਸ ਸਾਹਮਣੇ ਆਏ। ਕੰਪਨੀਆਂ ਨੇ ਕਰਮਚਾਰੀਆਂ ਦੇ ਟੀਡੀਐਸ ਦੇ 3200 ਕਰੋੜ ਰੁਪਏ ਕੱਟੇ ਪਰ ਉਸਨੂੰ ਸਰਕਾਰ ਦੇ ਖਾਤੇ ਵਿਚ ਜਮਾਂ ਨਹੀਂ ਕਰਵਾਇਆ। ਅਸੀਂ ਕੁਝ ਦੀ ਗ੍ਰਿਫਤਾਰੀ ਵੀ ਕਰਨ ਜਾ ਰਹੇ ਹਾਂ। ਇਹ ਸੰਖਿਆ ਅਪ੍ਰੈਲ 2017 ਤੋਂ ਮਾਰਚ 2018 ਤੱਕ ਦਾ ਹੈ।
ਇਨਕਮ ਟੈਕਸ ਵਿਭਾਗ ਨੇ ਰਿਕਵਰੀ ਲਈ ਐਕਸ਼ਨ ਲੈਣਾ ਸ਼ੁਰੂ ਕਰ ਦਿੱਤਾ ਹੈ। ਸੂਤਰਾਂ ਦੇ ਮੁਤਾਬਕ, ਦੋਸ਼ੀ ਕੰਪਨੀਆਂ ਦੇ ਬੈਂਕ ਖਾਤੇ ਅਟੈਚ ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਹੋ ਚੁੱਕੀ ਹੈ। ਇਕ ਅਧਿਕਾਰੀ ਨੇ ਦੱਸਿਆ, ਕਈ ਮਾਮਲਿਆਂ ਵਿਚ ਕੰਪਨੀਆਂ ਨੇ ਟੀਡੀਐਸ ਦਾ ਪੈਸਾ ਵਰਕਿੰਗ ਕੈਪਿਟਲ ਵਿਚ ਲਗਾ ਦਿੱਤਾ। ਕੁਝ ਨੇ ਮਾਫੀ ਮੰਗੀ ਹੈ ਅਤੇ ਪੈਸਾ ਚੁਕਾਉਣ ਦਾ ਵਾਅਦਾ ਕੀਤਾ ਹੈ, ਉਥੇ ਹੀ ਕੁਝ ਦਾ ਕਹਿਣਾ ਹੈ ਕਿ ਮਾਰਕਿਟ ਦੀ ਹਾਲਤ ਸਹੀ ਨਾ ਹੋਣ ਦੇ ਕਾਰਨ ਉਹ ਪੈਸਾ ਨਹੀਂ ਚੁਕਾ ਪਾਣਗੇ। ਕਈ ਮਾਮਲਿਆਂ ਵਿਚ ਕਰਮਚਾਰੀਆਂ ਤੋਂ ਲਿਆ ਗਿਆ ਟੈਕਸ ਦਾ ਅੱਧਾ ਹਿੱਸਾ ਸਰਕਾਰ ਦੇ ਖਾਤਿਆਂ ਵਿਚ ਟਰਾਂਸਫਰ ਕੀਤਾ ਗਿਆ ਅਤੇ ਬਾਕੀ ਦਾ ਗਲਤ ਇਸਤੇਮਾਲ ਕੀਤਾ ਗਿਆ।
