Machhiwara News : ਮੁਲਜ਼ਮਾਂ ਨੇ 30 ਜਨਵਰੀ ਨੂੰ 2 ਪੈਟਰੋਲ ਪੰਪਾਂ ਲੁੱਟਣ ਦੀ ਘਟਨਾ ਨੂੰ ਦਿੱਤਾ ਅੰਜ਼ਾਮ, ਪੁਲਿਸ ਨੇ ਜਨਤਾ ਤੋਂ ਮੰਗੀ ਮਦਦ
Machhiwara News in Punjabi : ਮਾਛੀਵਾੜਾ ਵਿਖੇ 30 ਜਨਵਰੀ ਦੇਰ ਸ਼ਾਮ ਨੂੰ 30 ਮਿੰਟਾਂ ’ਚ 2 ਪੈਟਰੋਲ ਪੰਪ ਲੁੱਟਣ ਵਾਲੇ ਪਿਸਤੌਲ ਦੇ ਜ਼ੋਰ ’ਤੇ ਨਕਦੀ ਲੁੱਟਣ ਵਾਲੇ ਪੰਜ ਲੁਟੇਰਿਆਂ ’ਚੋਂ ਤਿੰਨ ਲੁਟੇਰਿਆਂ ਦੀਆਂ ਤਸਵੀਰਾਂ ਪੁਲਿਸ ਵਲੋਂ ਜਾਰੀ ਕੀਤੀਆਂ ਹਨ। ਡੀਐੱਸਪੀ ਸਮਰਾਲਾ ਤਰਲੋਚਨ ਸਿੰਘ ਨੇ ਦੱਸਿਆ ਕਿ ਇਨ੍ਹਾਂ ਲੁਟੇਰਿਆਂ ਕੋਲ ਕਿਆ ਕੰਪਨੀ ਦੀ ਚਿੱਟੇ ਰੰਗ ਵਾਲੀ ਕਾਰ ਮੋਗਾ ਜ਼ਿਲੇ ’ਚੋਂ ਚੋਰੀ ਕੀਤੀ ਸੀ।
ਜਿਸ ਰਾਹੀਂ ਇਨ੍ਹਾਂ ਨੇ ਮਾਛੀਵਾੜਾ ਇਲਾਕੇ ’ਚ ਪੈਟਰੋਲ ਪੰਪ ਲੁੱਟਣ ਦੀਆਂ ਵਾਰਦਾਤਾਂ ਨੂੰ ਅੰਜ਼ਾਮ ਦਿੱਤਾ। ਸਮਰਾਲਾ ਪੁਲਿਸ ਨੇ ਦੱਸਿਆ ਕਿ ਇਨ੍ਹਾਂ 5 ਲੁਟੇਰਿਆਂ ਨੂੰ ਕਾਬੂ ਕਰਨ ਲਈ ਪੁਲਿਸ ਦੀਆਂ ਵੱਖ-ਵੱਖ ਟੀਮਾਂ ਬਣਾਈਆਂ ਗਈਆਂ ਅਤੇ ਜੋ ਸੀਸੀਟੀਵੀ ਫੁਟੇਜ਼ ਦੇਖੀ ਗਈ ਹੈ ਉਸ ਦੇ ਅਧਾਰ ’ਤੇ ਇਨ੍ਹਾਂ ਪੰਜ ਲੁਟੇਰਿਆਂ ’ਚੋਂ 3 ਦੀਆਂ ਤਸਵੀਰਾਂ ਜਾਰੀ ਕਰ ਦਿੱਤੀਆਂ ਹਨ।ਪੁਲਿਸ ਮੁਤਾਬਕ ਇਹ ਪੰਜੇ ਨੌਜਵਾਨ 25 ਸਾਲ ਦੇ ਲੱਗਦੇ ਹਨ।
ਉਨ੍ਹਾਂ ਕਿਹਾ ਕਿ ਜੇਕਰ ਇਨ੍ਹਾਂ ਨੂੰ ਕੋਈ ਵੀ ਵਿਅਕਤੀ ਪਹਿਚਾਣਦਾ ਹੈ ਤਾਂ ਉਹ ਤੁਰੰਤ ਮੇਰੇ ਨੰਬਰ 9872693808 ਜਾਂ ਥਾਣਾ ਮਾਛੀਵਾੜਾ ਦੇ ਮੁਖੀ 9592914033 ’ਤੇ ਸੰਪਰਕ ਕਰੇ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਲੁਟੇਰਿਆਂ ਨੂੰ ਕਾਬੂ ਕਰਨ ਲਈ ਲੋਕਾਂ ਦਾ ਸਹਿਯੋਗ ਜ਼ਰੂਰੀ ਹੈ ਅਤੇ ਪੁਲਿਸ ਵਲੋਂ ਵੀ ਪੂਰੀ ਮੁਸ਼ਤੈਦੀ ਨਾਲ ਇਨ੍ਹਾਂ ਨੂੰ ਗ੍ਰਿਫ਼ਤਾਰ ਕਰਨ ਲਈ ਛਾਪੇਮਾਰੀ ਜਾਰੀ ਹੈ।
(For more news apart from police released pictures robbers who robbed petrol pump in Machhiwara News in Punjabi, stay tuned to Rozana Spokesman)
