ਇਹ ਗੁਰਸਿੱਖ ਜੋੜਾ ਡਾ. ਸੰਦੀਪ ਸਿੰਘ ਸੰਘਾ ਅਤੇ ਇੰਦਰਜੋਤ ਕੌਰ ਅਮਰੀਕਾ ਤੋਂ ਕੌਮ ਦੇ ਭਵਿੱਖ ਨੌਜਵਾਨੀ ਨੂੰ ਉੱਚਾ ਚੁਕਣ ਲਈ ਆਇਆ ਹੈ
Amritsar News : ਇਕ ਪਾਸੇ ਜਿਥੇ ਲੋਕ ਜਾਇਜ਼ ਨਾਜਾਇਜ਼ ਤਰੀਕੇ ਨਾਲ ਅਪਣਾ ਵਿਰਸਾ ਅਤੇ ਦੇਸ਼ ਛੱਡ ਵਿਦੇਸ਼ਾਂ ਦੀ ਧਰਤੀ ’ਤੇ ਜਾਣ ਦੀ ਦੌੜ ਲੱਗੀ ਹੈ ਉਥੇ ਹੀ ਵਿਦੇਸ਼ ਦੀ ਧਰਤੀ ਉਪਰ ਅਮਰੀਕਾ ਵਰਗੇ ਦੇਸ਼ ਤੋਂ ਕਰੋੜਾ ਰੁਪਏ ਦੀ ਤਨਖ਼ਾਹ ਅਤੇ ਸੁੱਖ ਸਹੂਲਤਾਂ ਅਤੇ ਯੂਨੀਵਰਸਿਟੀ ਦੇ ਵੱਡੇ ਰੁਤਬੇ ਛਡ ਇਕ ਗੁਰਸਿੱਖ ਜੋੜਾ ਅਪਣੇ ਪੰਜਾਬ ਮੁੜ ਪਰਤਿਆ ਹੈ ਅਤੇ ਅਪਣੇ ਪੰਜਾਬ ਦੇ ਬੱਚਿਆਂ ਨੂੰ ਆਰਟੀਫ਼ਿਸ਼ਲ ਇੰਟੈਲੀਜੈਂਸ ਬਾਰੇ ਫ਼ਰੀ ਸਿਖਿਆ ਦਾ ਟੀਚਾ ਮੁਹਈਆ ਕਰਵਾਉਣ ਦਾ ਮਨ ਬਣਾ ਕੇ ਜਿਸ ਨੂੰ ਗੁਰੂ ਨਗਰੀ ਅੰਮ੍ਰਿਤਸਰ ਪਹੁੰਚਿਆ।
ਇਹ ਗੁਰਸਿੱਖ ਜੋੜਾ ਡਾ. ਸੰਦੀਪ ਸਿੰਘ ਸੰਘਾ ਅਤੇ ਇੰਦਰਜੋਤ ਕੌਰ ਅਮਰੀਕਾ ਤੋਂ ਕੌਮ ਦੇ ਭਵਿੱਖ ਨੌਜਵਾਨੀ ਨੂੰ ਉੱਚਾ ਚੁਕਣ ਲਈ ਆਇਆ ਹੈ। ਡਾਕਟਰ ਸੰਦੀਪ ਸਿੰਘ ਸੰਘਾ ਤੇ ਉਨ੍ਹਾਂ ਦੇ ਧਰਮ ਪਤਨੀ ਇੰਦਰਜੋਤ ਕੌਰ ਜਿਹੜੇ ਕਿ ਅੱਜ ਪੰਜਾਬ ਦੀ ਧਰਤੀ ਤੇ ਸੇਵਾ ਕਰ ਰਹੇ ਹਨ। ਇਸ ਜੋੜੇ ਵਲੋਂ ਜਿਹੜੀਆਂ ਸੇਵਾਵਾਂ ਨਿਭਾਈਆਂ ਜਾ ਰਹੀਆਂ ਉਹ ਅਪਣੇ ਆਪ ਵਿਚ ਅਣੋਖੀ ਮਿਸਾਲੀ ਹੈ। ਇਨ੍ਹਾਂ ਵਲੋਂ ਹੁਣ ਅਪਣੇ ਪੁਸ਼ਤੈਨੀ ਪਿੰਡ ਵਿਚ ਰਹਿਣ ਦਾ ਮਨ ਬਣਾਇਆ ਹੈ।
ਹੁਣ ਇਨ੍ਹਾਂ ਵਲੋਂ ਆਈ ਟੀ ਹਬ ਦਿੱਲੀ, ਬੰਗਲੌਰ, ਨੋਇਡਾ ਵਰਗੇ ਸ਼ਹਿਰ ਦੇ ਵਿਦਿਆਰਥੀਆਂ ਨੂੰ ਆਨਲਾਈਨ ਆਰਟੀਫ਼ਿਸ਼ਲ ਇੰਟੈਲੀਜੈਂਸ ਬਾਰੇ ਜਾਣਕਾਰੀ ਮੁਹਈਆ ਕਰਵਾਈ ਜਾਵੇਗੀ ਅਤੇ ਸ਼੍ਰੋਮਣੀ ਕਮੇਟੀ ਦੇ ਵਿਦਿਆਰਥੀਆਂ ਨੂੰ ਫ਼ਰੀ ਆਨਲਾਈਨ ਸਿਖਿਆ ਪ੍ਰਦਾਨ ਕਰਨ ਦੀ ਜੋ ਗੱਲ ਆਖੀ ਹੈ ਉਹ ਕਾਬਲੇ ਤਾਰੀਫ਼ ਹੈ। ਇਨ੍ਹਾਂ ਦਾ ਸਨਮਾਨ ਸ਼੍ਰੋਮਣੀ ਕਮੇਟੀ ਵਲੋਂ ਕੀਤਾ ਗਿਆ।
