ਪ੍ਰਸ਼ਾਸਨ ਸੁੱਤਾ ਪਿਆ ਕੁੰਭਕਰਨੀ ਨੀਂਦ
ਕਪੂਰਥਲਾ (ਚੰਦਰ ਮਰੀਆ) ਪੰਜਾਭ ਭਰ 'ਚ ਪੈ ਰਹੇ ਮੀਂਹ ਨੇ ਚਾਹੇ ਲੋਕਾਂ ਨੂੰ ਗਰਮੀ ਤੋਂ ਨਿਜਾਤ ਤਾਂ ਦਵਾਈ ਪਰ ਕਈ ਇਲਾਕਿਆਂ 'ਚ ਭਾਰੀ ਬਰਸਾਤ ਲੋਕਾਂ ਲਈ ਕਿਸੇ ਕਾਲ ਤੋਂ ਘੱਟ ਨਹੀਂ। ਇਸੇ ਤਹਿਤ ਪੰਜਾਬ ਦੇ ਬਿਆਸ ਦਰਿਆ ਵਿੱਚ ਵੀ ਪਾਣੀ ਦਾ ਪੱਧਰ ਵਧਣ ਕਾਰਨ, ਨਾਲ ਲੱਗਦੀ ਕਿਸਾਨਾਂ ਦੀ ਹਜ਼ਾਰਾਂ ਏਕੜ ਫਸਲ ਤਬਾਹ ਹੋਣ ਦਾ ਖ਼ਤਰਾ ਬਣਿਆ ਹੋਇਆ ਹੈ।
Gap on Beas River Advance Dam, Threat to Farmers' Crops
ਜਦੋਂ ਸਪੋਕਸਮੈਨ ਦੇ ਪੱਤਰਕਾਰ ਵੱਲੋਂ ਕਪੂਰਥਲਾ ਦੇ ਪਿੰਡ ਖਿਜਰਪੁਰ ਨਾਲ ਲਗਦੇ ਬਿਆਸ ਦਰਿਆ ਦੇ ਮੌਜੂਦਾ ਹਾਲਾਤਾਂ ਦਾ ਦੌਰਾ ਕੀਤਾ ਗਿਆ ਤਾਂ ਦਰਿਆ ਨਾਲ ਲੱਗਦੇ ਅਡਵਾਂਸ ਬੰਨ ਉੱਤੇ ਇੱਕ ਵੱਡਾ ਪਾੜਾ ਪਿਆ ਹੋਇਆ ਸੀ, ਜੋ ਕਿ ਉੱਥੋਂ ਦੇ ਸਥਾਨਕ ਲੋਕਾਂ ਲਈ ਵੱਡੀ ਚਿੰਤਾ ਦਾ ਵਿਸ਼ਾ ਬਣਿਆ ਹੋਇਆ।
Gap on Beas River Advance Dam, Threat to Farmers' Crops
ਸਥਾਨਿਕ ਲੋਕਾਂ ਨੇ ਦੱਸਿਆ ਕਿ ਇਹ ਪਾੜਾ ਪਿਛਲੇ ਅੱਠ ਤੋਂ ਦੱਸ ਦਿਨਾਂ ਦਾ ਇੰਝ ਹੀ ਪਿਆ ਹੋਇਆ ਹੈ। ਨਾ ਤਾਂ ਕੋਈ ਪ੍ਰਸ਼ਾਸ਼ਨ ਦਾ ਅਧਿਕਾਰੀ ਆਉਂਦਾ ਹੈ ਤੇ ਨਾ ਹੀ ਕੋਈ ਗੱਲ ਸੁਣਦਾ ਹੈ। ਲੋਕਾਂ ਮੁਤਾਬਕ ਜੇਕਰ ਇੱਕ ਵਾਰ ਮੀਂਹ ਹੋਰ ਪੈ ਗਿਆ ਜਾਂ ਪਾਣੀ ਓਵਰ ਫਲੋ ਹੋ ਗਿਆ ਤਾਂ ਇਹ ਬੰਨ ਟੁੱਟ ਜਾਵੇਗਾ ਅਤੇ ਨਾਲ ਲਗਦੀ ਹਜ਼ਾਰਾਂ ਏਕੜ ਫਸਲ ਤਾਂ ਤਬਾਹ ਹੋਵੇਗੀ ਨਾਲ ਹੀ ਲੋਕਾਂ ਦੀ ਜਾਨ ਅਤੇ ਮਾਲ ਨੂੰ ਵੀ ਵੱਡਾ ਖ਼ਤਰਾ ਹੋਵੇਗਾ।
Gap on Beas River Advance Dam, Threat to Farmers' Crops
ਜਿਸਤੋਂ ਬਚਾਅ ਲਈ ਜਲਦ ਹੀ ਪ੍ਰਸ਼ਾਸ਼ਨ ਨੂੰ ਕੋਈ ਨਾ ਕੋਈ ਕਦਮ ਚੁੱਕਣਾ ਚਾਹੀਦਾ ਹੈ । ਨਹੀਂ ਤੇ ਨਾਲ ਲਗਦੇ 7-8 ਪਿੰਡ ਇਸਦੀ ਚਪੇਟ ਵਿੱਚ ਆ ਜਾਣਗੇ ਜੋ ਕਿ ਇੱਕ ਵੱਡੀ ਲਾਪਰਵਾਹੀ ਹੋ ਸਕਦੀ ਹੈ। ਮੌਕੇ ਦਾ ਜਾਇਜ਼ਾ ਲੈਣ ਪਹੁੰਚੇ ਤਹਿਸੀਲਦਾਰ ਵਿਨੋਦ ਕੁਮਾਰ ਨੇ ਕਿਹਾ ਕਿ ਇਸ ਮਾਮਲੇ ਸੰਬੰਧੀ PWD ਵਿਭਾਗ ਨੂੰ ਜਲਦ ਸੂਚਿਤ ਕਰ ਦਿੱਤਾ ਜਾਵੇਗਾ। ਅਤੇ ਜਲਦੀ ਹੀ ਸਥਾਨਿਕ ਲੋਕਾਂ ਨੂੰ ਇਸ ਮੁਸ਼ਕਿਲ ਤੋਂ ਰਾਹਤ ਦਿਵਾਈ ਜਾਏਗੀ।
Tehsildar Vinod Kumar
