ਨੀਲਮ ਓਸਵਾਲ ਖ਼ਿਲਾਫ਼ 174ਏ ਤਹਿਤ ਕੇਸ ਦਰਜ
ਮੁਹਾਲੀ: ਅਦਾਲਤ ਦੇ ਕਈ ਨੋਟਿਸਾਂ ਦੇ ਬਾਵਜੂਦ ਨੀਲਮ ਓਸਵਾਲ ਪੇਸ਼ ਨਹੀਂ ਹੋਏ। ਸੁਖਵਿੰਦਰ ਨੇ ਦੱਸਿਆ ਕਿ ਅਦਾਲਤ ਦੇ ਹੁਕਮਾਂ ਦੀ ਪਾਲਣਾ ਕਰਦੇ ਹੋਏ ਨੀਲਮ ਓਸਵਾਲ ਖਿਲਾਫ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਹੁਣ ਉਨ੍ਹਾਂ ਦੀ ਭਾਲ ਕਰ ਕੇ ਗ੍ਰਿਫ਼ਤਾਰ ਕੀਤਾ ਜਾਵੇਗਾ।
ਪੰਜਾਬ ਦੇ ਲੁਧਿਆਣਾ ਦੇ ਉੱਘੇ ਉਦਯੋਗਪਤੀਆਂ ਵਿੱਚੋਂ ਇੱਕ ਪੰਜਾਬ ਵੂਲ ਕੰਬਰਜ਼ ਦੇ ਮਾਲਕ ਨੀਲਮ ਓਸਵਾਲ ਨੂੰ ਅਦਾਲਤ ਨੇ ਭਗੌੜਾ ਕਰਾਰ ਦਿੱਤਾ ਹੈ। ਚੈੱਕ ਬਾਊਂਸ ਮਾਮਲੇ 'ਚ ਉਹ ਲੰਬੇ ਸਮੇਂ ਤੋਂ ਅਦਾਲਤ 'ਚ ਪੇਸ਼ ਨਹੀਂ ਹੋ ਰਿਹਾ ਸੀ। ਇਸ ਤੋਂ ਬਾਅਦ ਅਦਾਲਤ ਨੇ ਉਸ ਖ਼ਿਲਾਫ਼ ਕੇਸ ਦਰਜ ਕਰਨ ਦੇ ਹੁਕਮ ਜਾਰੀ ਕਰ ਦਿੱਤੇ।
ਥਾਣਾ ਡਿਵੀਜ਼ਨ ਅੱਠ ਦੀ ਪੁਲਿਸ ਨੇ ਵਿਸ਼ਾਲ ਨਗਰ ਐਕਸਟੈਨਸ਼ਨ ਪੱਖੋਵਾਲ ਰੋਡ ਦੇ ਵਸਨੀਕ ਜੁਗਲ ਕਿਸ਼ੋਰ ਤਿਵਾੜੀ ਦੀ ਸ਼ਿਕਾਇਤ ’ਤੇ ਖ਼ਾਲਸਾ ਕਾਲਜ ਨੇੜੇ ਰਹਿਣ ਵਾਲੇ ਨੀਲਮ ਓਸਵਾਲ ਖ਼ਿਲਾਫ਼ 174ਏ ਤਹਿਤ ਕੇਸ ਦਰਜ ਕੀਤਾ ਹੈ। ਨੀਲਮ ਓਸਵਾਲ ‘ਓਸਵਾਲ’ ਪਰਿਵਾਰ ਨਾਲ ਸਬੰਧਤ ਹੈ, ਜੋ ਕਿ ਇੱਕ ਵੱਕਾਰੀ ਉਦਯੋਗਪਤੀ ਪਰਿਵਾਰਾਂ ਵਿੱਚੋਂ ਇੱਕ ਹੈ।
ਜਾਂਚ ਅਧਿਕਾਰੀ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਜੁਗਲ ਕਿਸ਼ੋਰ ਤਿਵਾੜੀ ਅਤੇ ਨੀਲਮ ਓਸਵਾਲ ਵਿਚਕਾਰ ਕਿਸੇ ਗੱਲ ਨੂੰ ਲੈ ਕੇ ਝਗੜਾ ਚੱਲ ਰਿਹਾ ਸੀ ਅਤੇ ਚੈੱਕ ਬਾਊਂਸ ਦਾ ਕੇਸ ਅਦਾਲਤ ਵਿੱਚ ਚੱਲ ਰਿਹਾ ਸੀ। ਅਦਾਲਤ ਦੇ ਕਈ ਨੋਟਿਸਾਂ ਦੇ ਬਾਵਜੂਦ ਨੀਲਮ ਓਸਵਾਲ ਪੇਸ਼ ਨਹੀਂ ਹੋਏ। ਸੁਖਵਿੰਦਰ ਨੇ ਦੱਸਿਆ ਕਿ ਅਦਾਲਤ ਦੇ ਹੁਕਮਾਂ ਦੀ ਪਾਲਣਾ ਕਰਦੇ ਹੋਏ ਨੀਲਮ ਓਸਵਾਲ ਖਿਲਾਫ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਹੁਣ ਉਨ੍ਹਾਂ ਦੀ ਭਾਲ ਕਰ ਕੇ ਗ੍ਰਿਫ਼ਤਾਰ ਕੀਤਾ ਜਾਵੇਗਾ।