24 ਘੰਟਿਆਂ ਵਿਚ 100 ਤੋਂ ਵੱਧ ਨਵੇਂ ਪਾਜ਼ੇਟਿਵ ਮਾਮਲੇ ਆਏ
ਚੰਡੀਗੜ੍ਹ, 1 ਜੁਲਾਈ (ਗੁਰਉਪਦੇਸ਼ ਭੁੱਲਰ) : ਪੰਜਾਬ ਵਿਚ ਕੋਰੋਨਾ ਦਾ ਕਹਿਰ ਲਾਗਾਤਾਰ ਜਾਰੀ ਹੈ। ਪਿਛਲੇ 24 ਘੰਟਿਆਂ ਦੌਰਾਨ ਜਿਥੇ 5 ਹੋਰ ਮੌਤਾਂ ਹੋਈਆਂ ਹਨ, ਉਥੇ 100 ਤੋਂ ਵੱਧ ਨਵੇਂ ਪਾਜ਼ੇਟਿਵ ਮਾਮਲੇ ਵੀ ਆਏ ਹਨ। ਲੁਧਿਆਣਾ ਜ਼ਿਲ੍ਹੇ ਵਿਚ ਲਗਾਤਾਰ ਚੌਥੇ ਦਿਨ ਕੋਰੋਨਾ ਵਿਸਫੋਟ ਹੋਇਆ। ਇਕੋ ਦਿਨ ਵਿਚ 41 ਨਵੇਂ ਪਾਜ਼ੇਟਿਵ ਮਾਮਲੇ ਆਏ ਹਨ। ਸੂਬੇ ਵਿਚ ਮੌਤਾਂ ਦੀ ਗਿਣਤੀ 152 ਤਕ ਪਹੁੰਚ ਚੁਕੀ ਹੈ। ਹੁਣ ਕੋਰੋਨਾ ਮਰੀਜ਼ਾਂ ਦਾ ਕੁਲ ਅੰਕੜਾ 5668 ਤਕ ਪਹੁੰਚ ਗਿਆ ਹੈ। ਅੱਜ ਜ਼ਿਲ੍ਹਾ ਗੁਰਦਾਸਪੁਰ, ਅੰਮ੍ਰਿਤਸਰ, ਤਰਨਤਾਰਨ, ਲੁਧਿਆਣਾ ਤੇ ਮੋਹਾਲੀ ਵਿਚ ਇਕ ਇਕ ਮੌਤ ਕੋਰੋਨਾ ਵਾਇਰਸ ਨਾਲ ਹੋਈ ਹੈ।
File Photo
ਅੱਜ 122 ਹੋਰ ਮਰੀਜ਼ ਠੀਕ ਹੋਏ ਹਨ ਅਤੇ ਇਸ ਤਰ੍ਹਾ ਠੀਕ ਹੋਏ ਮਰੀਜ਼ਾਂ ਦਾ ਕੁਲ ਅੰਕੜਾ ਵੀ 3989 ਤਕ ਪਹੁੰਚ ਗਿਆ ਹੈ। ਸੂਬੇ ਵਿਚ 1530 ਮਰੀਜ਼ ਇਸ ਸਮੇਂ ਇਲਾਜ ਅਧੀਨ ਹਨ, ਜਿਨ੍ਹਾਂ ’ਚੋਂ 36 ਦੀ ਹਾਲਤ ਗੰਭੀਰ ਹੈ। ਇਨ੍ਹਾਂ ਵਿਚੋਂ 3 ਮਰੀਜ਼ ਵੈਂਟੀਲੇਟਰ ਅਤੇ 33 ਆਕਸੀਜਨ ’ਤੇ ਹਨ। ਸੂਬੇ ਵਿਚ ਹੁਣ ਤਕ ਕੁੱਲ 3 ਲੱਖ 8 ਹਜ਼ਾਰ 998 ਲੋਕਾਂ ਦੇ ਕੋਰੋਨਾ ਟੈਸਟ ਹੋਏ ਹਨ। ਇਸ ਸਮੇਂ ਸੱਭ ਛੋਂ ਵੱਧ ਪਾਜ਼ੇਟਿਵ ਕੇਸਾਂ ਦਾ ਅੰਕੜਾ ਜ਼ਿਲ੍ਹਾ ਅੰਮ੍ਰਿਤਸਰ ਵਿਚ ਹੈ, ਜਿਥੇ 928 ਪਾਜ਼ੇਟਿਵ ਮਾਮਲੇ ਹੁਣ ਤਕ ਦਰਜ ਹੋ ਚੁਕੇ ਹਨ।
ਇਸ ਤੋਂ ਬਾਅਦ ਲੁਧਿਆਣਾ 880, ਜਲੰਧਰ 743, ਸੰਗਰੂਰ 492 ਅਤੇ ਪਟਿਆਲਾ 332 ਦਾ ਅੰਕੜਾ ਹੁਣ ਤਕ ਦਾ ਹੈ। ਸੱਭ ਤੋਂ ਵੱਧ 43 ਮੌਤਾਂ ਹੁਣ ਤਕ ਜ਼ਿਲਾ ਅੰÇ੍ਰਮਤਸਰ ਵਿਚ ਹੋਈਆਂ ਹਨ। ਇਸ ਤੋਂ ਬਾਅਦ ਲੁਧਿਆਣਾ ਵਿਚ 22, ਜਲੰਧਰ ਵਿਚ 21 ਅਤੇ ਸੰਗਰੂਰ ਵਿਚ 13 ਮੌਤਾ ਹੋਈਆਂ ਹਨ। ਪਟਿਆਲਾ ਵਿਚ ਵੀ 9 ਮੌਤਾਂ ਹੋ ਚੁਕੀਆਂ ਹਨ। ਭਾਵੇਂ ਸਾਰੇ ਹੀ ਜ਼ਿਲਿ੍ਹਆਂ ’ਚੋਂ ਇਸ ਸਮੇਂ ਨਵੇਂ ਕੋਰੋਨਾ ਕੇਸ ਆ ਰਹੇ ਹਨ ਪਰ ਪੰਜ ਜ਼ਿਲ੍ਹੇ ਜ਼ਿਆਦਾ ਪ੍ਰਭਾਵਤ ਹਨ।
