ਕਸਟਮ ਕਮਿਸ਼ਨਰ ਅੰਮ੍ਰਿਤਸਰ ਰਾਹੁਲ ਨਾਗਰੇ ਨੇ ਦਿੱਤੀ ਹਰੀ ਝੰਡੀ 

ਅਟਾਰੀ : ਭਾਰਤ ਸਰਕਾਰ ਨੇ ਅਫ਼ਗ਼ਾਨਿਸਤਾਨ ਵੱਲ ਦੋਸਤੀ ਦਾ ਹੱਥ ਅੱਗੇ ਵਧਾਉਂਦੇ ਹੋਏ ਕਣਕ ਦੀ ਦੂਜੀ ਖੇਪ ਪਾਕਿਸਤਾਨ ਦੇ ਰਸਤੇ ਰਵਾਨਾ ਕੀਤੀ ਹੈ। ਕਸਟਮ ਕਮਿਸ਼ਨਰ ਅੰਮ੍ਰਿਤਸਰ ਰਾਹੁਲ ਨਾਗਰੇ ਨੇ ਦੇਸ਼ ਦੀ ਸ਼ਾਨ ਤਿਰੰਗਾ ਝੰਡਾ ਦਿਖਾ ਕੇ 36 ਅਫ਼ਗਾਨੀ ਟਰੱਕਾਂ ਨੂੰ ਪਾਕਿਸਤਾਨ ਰਸਤੇ ਅਫ਼ਗ਼ਾਨਿਸਤਾਨ ਵੱਲ ਰਵਾਨਾ ਕੀਤਾ।

Second shipment of wheat sent by India to Afghanistan

ਇਸ ਮੌਕੇ ਰਾਹੁਲ ਨਾਗਰੇ ਨੇ ਅਫ਼ਗ਼ਾਨਿਸਤਾਨ ਤੋਂ ਆਏ ਟਰੱਕ ਡਰਾਈਵਰਾਂ ਦਾ ਹੌਸਲਾ ਵਧਾਉਂਦੇ ਹੋਏ ਉਨ੍ਹਾਂ ਨਾਲ ਹੱਥ ਮਿਲਾਏ ਅਤੇ ਅਫ਼ਗ਼ਾਨਿਸਤਾਨ ਦੀ ਜਨਤਾ ਦਾ ਹਾਲ ਪੁੱਛਿਆ।

Second shipment of wheat sent by India to Afghanistan

ਵਿਦੇਸ਼ ਮੰਤਰਾਲੇ ਦੇ ਮੁੱਖ ਬੁਲਾਰੇ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਭਾਰਤ ਵਲੋਂ ਮਾਨਵਵਾਦੀ ਸਹਾਇਤਾ ਦਾ ਦੂਜਾ ਕਾਫਲਾ 2000 ਮੀਟਰਿਕ ਟਨ ਕਣਕ ਲੈ ਕੇ ਅੱਜ ਅਟਾਰੀ, ਅੰਮ੍ਰਿਤਸਰ ਤੋਂ ਜਲਾਲਾਬਾਦ, ਅਫ਼ਗ਼ਾਨਿਸਤਾਨ ਲਈ ਰਵਾਨਾ ਹੋਇਆ।

Second shipment of wheat sent by India to AfghanistanSecond shipment of wheat sent by India to Afghanistan

ਇਹ ਅਫ਼ਗ਼ਾਨ ਲੋਕਾਂ ਲਈ 50,000 ਮੀਟਰਿਕ ਟਨ ਕਣਕ ਦੀ ਭਾਰਤ ਦੀ ਵਚਨਬੱਧਤਾ ਦਾ ਹਿੱਸਾ ਹੈ ਅਤੇ ਇਸ ਨੂੰ ਉਨ੍ਹਾਂ ਲੋਕਾਂ ਵਿਚ ਵੰਡਿਆ ਜਾਵੇਗਾ। ਦੱਸਣਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਭਾਰਤ ਵਲੋਂ ਅਫ਼ਗ਼ਾਨਿਸਤਾਨ ਨੂੰ ਕਣਕ ਦੀ ਵੱਡੀ ਖੇਪ ਭੇਜੀ ਜਾ ਚੁੱਕੀ ਹੈ।