SHO Line present in case of youth's assault
ਲਖਵੀਰ ਸਿੰਘ ਨੇ ਪਿੰਡ ’ਚ ਚੁੱਕਿਆ ਸੀ ਨਸ਼ਿਆਂ ਦਾ ਮੁੱਦਾ, ਪੁਲਿਸ ਦੀ ਕਾਰਗੁਜਾਰੀ ’ਤੇ ਚੁੱਕੇ ਸਨ ਸਵਾਲ
ਬਠਿੰਡਾ ਦੇ ਪਿੰਡ ਭਾਈ ਬਖਤੌਰ ’ਚ ਨੌਜਵਾਨ ਨੂੰ ਧਮਕਾਉਣ ਦੇ ਮਾਮਲੇ ਵਿਚ ਥਾਣਾ ਕੋਟ ਫੱਤਾ ਦੇ ਐਸ ਐਚ ਓ ਮਨੀਸ਼ ਕੁਮਾਰ ਨੂੰ ਕੀਤਾ ਗਿਆ ਲਾਈਨ ਹਾਜ਼ਰ ਕੀਤਾ ਗਿਆ ਹੈ। ਪਿਛਲੇ ਦਿਨੀ ਪਿੰਡ ਵਿਚ ਵਿਕ ਰਹੇ ਨਸ਼ੇ ਨੂੰ ਲੈ ਕੇ ਰੋਸ ਜਾਹਿਰ ਕਰਦੇ ਹੋਏ ਨੌਜਵਾਨ ਲਖਵੀਰ ਸਿੰਘ ਵਲੋਂ ਪਿੰਡ ਵਿਕਾਊ ਦਾ ਲਗਾਇਆ ਗਿਆ ਸੀ ਪੋਸਟਰ। ਪੋਸਟਰ ਲਗਾਉਣ ਦੇ ਮਾਮਲੇ ਵਿਚ ਨੌਜਵਾਨ ਨੂੰ ਐਸਐਚ ਓ ਮਨੀਸ਼ ਕੁਮਾਰ ਵਲੋਂ ਧਮਕਾਉਣ ਦੇ ਦੋਸ਼ ਲੱਗੇ ਸਨ। ਦੇਰ ਸ਼ਾਮ ਨੌਜਵਾਨ ਵਲੋਂ ਸੋਸ਼ਲ ਮੀਡੀਆ ਤੇ ਵੀਡੀਉ ਪਾ ਕੇ ਬਠਿੰਡਾ ਪੁਲਿਸ ਦੀ ਕਾਰਗੁਜ਼ਾਰੀ ’ਤੇ ਸਵਾਲ ਉਠਾਏ ਗਏ ਸਨ। ਇਸ ਮਾਮਲੇ ਦਾ ਸਖ਼ਤ ਨੋਟਿਸ ਲੈਂਦਿਆਂ ਐਸਐਸਪੀ ਬਠਿੰਡਾ ਅਮਨੀਤ ਕੋਂਡਲ ਨੇ ਐਸਐਚ ਓ ਮਨੀਸ਼ ਕੁਮਾਰ ਨੂੰ ਤੁਰਤ ਪ੍ਰਭਾਵ ਨਾਲ ਲਾਈਨ ਹਾਜ਼ਰ ਕਰਨ ਦੇ ਹੁਕਮ ਦਿਤੇ ਹਨ।
