ਕਾਂਗਰਸ ਪ੍ਰਧਾਨ ਅਹੁਦੇ ਦੇ ਉਮੀਦਵਾਰਾਂ ਨਾਲ ਜਨਤਕ ਬਹਿਸ ਲਈ ਤਿਆਰ ਹਾਂ : ਥਰੂਰ

ਨਵੀਂ ਦਿੱਲੀ, 2 ਅਕਤੂਬਰ : ਕਾਂਗਰਸ ਦੇ ਪ੍ਰਧਾਨ ਅਹੁਦੇ ਦੀ ਚੋਣ 'ਚ ਸੀਨੀਆ ਆਗੂ ਮੱਲਿਕਾਰਜੁਨ ਖੜਗੇ ਦਾ ਮੁਕਾਬਲਾ ਕਰਨ ਲਈ ਤੈਆਰ ਲੋਕ ਸਭਾ ਮੈਂਬਰ ਸਸੀ ਥਰੂਰ ਨੇ ਐਤਵਾਰ ਨੂੰ  ਕਿਹਾ ਕਿ ਉਹ ਉਮੀਦਵਾਰਾਂ ਵਿਚਕਾਰ ਜਨਤਕ ਬਹਿਸ ਲਈ ਤਿਆਰ ਹਾਂ ਕਿਉਂਕਿ ਇਸ ਨਾਲ ਲੋਕਾਂ ਨੂੰ  ਉਸੇ ਤਰ੍ਹਾਂ ਦੀ ਪਾਰਟੀ ਵਿਚ ਦਿਲਚਸਪੀ ਪੈਦਾ ਹੋਵੇਗੀ, ਜਿਵੇਂ ਕਿ ਹਾਲ ਹੀ ਵਿਚ ਬਿ੍ਟੇਨ 'ਚ ਕੰਜ਼ਰਵੇਟਿਵ ਪਾਰਟੀ ਦੇ ਪ੍ਰਧਾਨ ਅਹੁਦੇ ਲਈ ਚੋਣ ਨੂੰ  ਲੈ ਕੇ ਹੋਈ ਸੀ | 
ਉਨ੍ਹਾਂ ਇਹ ਵੀ ਕਿਹਾ ਕਿ ਕਾਂਗਰਸ ਪਾਰਟੀ ਦੇ ਮੈਂਬਰਾਂ ਦੇ ਦਿਲਾਂ ਵਿਚ ਨਹਿਰੂ-ਗਾਂਧੀ ਪ੍ਰਵਾਰ ਦੀ ਹਮੇਸ਼ਾ ਖਾਸ ਥਾਂ ਰਹੀ ਹੈ ਅਤੇ ਰਹੇਗੀ | ਥਰੂਰ ਨੇ ਕਿਹਾ ਕਿ ਕਾਂਗਰਸ ਦੀ ਮੌਜੂਦਾ ਚੁਨੌਤੀਆਂ ਦਾ ਜਵਾਬ ਪ੍ਰਭਾਵੀ ਲਿਡਰਸ਼ਿਪ ਅਤੇ ਸੰਗਠਨਾਤਮਕ ਸੁਧਾਰ ਦੇ ਮੇਲ ਵਿਚ ਹੈ | ਥਰੂਰ ਨੇ ਕਿਹਾ, ''ਸੰਗਠਨਾਂ ਦੀ ਉਚ ਪਧਰ 'ਤੇ ਅਗਵਾਈ ਕਰਨ ਦਾ ਮੇਰਾ ਭਰੋਸੇਯੋਗ ਟਰੈਕ ਰਿਕਾਰਡ ਰਿਹਾ ਹੈ | ਸੰਯੁਕਤ ਰਾਸ਼ਟਰ ਦੇ ਜਨ ਸੂਚਨਾ ਵਿਭਾਗ ਦੇ ਅਵਰ ਪ੍ਰਭਾਰੀ ਮੁੱਖ ਸਕੱਤਰ ਵਜੋਂ ਮੈਂ ਦੁਨੀਆਂ ਭਰ ਵਿਚ 77 ਦਫ਼ਤਰਾਂ ਵਿਚ 800 ਤੋਂ ਵਧ ਕਰਮੀਆਂ ਦੇ ਸੰਯੁਕਤ ਰਾਸ਼ਟਰ ਦੇ ਸੱਭ ਤੋਂ ਵੱਡੇ ਵਿਭਾਗ ਦੇ ਸੰਚਾਰ ਦੀ ਜ਼ਿੰਮੇਵਾਰੀ ਸੰਭਾਲੀ ਸੀ |ਇਸ ਨੂੰ  ਦੇਖਦੇ ਹੋਏ ਕਈ ਲੋਕਾਂ ਨੇ ਮੈਨੂੰ ਸੰਯੁਕਤ ਰਾਸ਼ਟਰ ਸੰਗਠਨ ਦੀ ਅਗਵਾਈ ਕਰਨ ਲਈ ਚੋਣ ਲੜਨ ਦੀ ਬੇਨਤੀ ਕੀਤੀ ਸੀ |''     (ਏਜੰਸੀ)