ਸਰਕਾਰ ਤੋਂ ਇਨਸਾਫ਼ ਦੀ ਕੀਤੀ ਮੰਗ
ਨਕੋਦਰ : ਗੁਰਦੁਆਰਾ ਸਾਹਿਬ ਬੋੜ੍ਹਾਂ ਵਾਲਾ ਪਿੰਡ ਲਿੱਤਰਾਂ ਵਿਖੇ 1986 ਚ ਗੋਲੀਕਾਂਡ ਦੌਰਾਨ ਸਰਕਾਰੀ ਅੱਤਵਾਦ ਵੱਲੋਂ ਚਾਰ ਸਿੱਖ ਨੌਜਵਾਨ ਭਾਈ ਰਵਿੰਦਰ ਸਿੰਘ ਜੀ ਲਿੱਤਰਾਂ ਹਰਮਿੰਦਰ ਸਿਘ ਚਲੂਪੁਰ ਭਾਈ ਬਲਧੀਰ ਸਿੰਘ ਰਾਮਗੜ੍ਹ ਭਾਈ ਝਿਲਮਿਲ ਸਿੰਘ ਗੋਰਸੀਆ ਨੂੰ ਗੋਲੀਆਂ ਨਾਲ ਭੁੰਨ ਸੁੱਟਿਆ ਸੀ, ਉਨ੍ਹਾਂ ਦੀ ਯਾਦ ਚ ਭਾਈ ਬਲਦੇਵ ਸਿੰਘ ਲਿੱਤਰਾਂ ,ਪਿੰਡ ਲਿਤਰਾਂ ,ਸਿੱਖ ਸੰਗਤਾਂ , ਸਿੱਖ ਜਥੇਬੰਦੀਆਂ ਦੇ ਸਹਿਯੋਗ ਅਤੇ ਗੁਰੂ ਮਹਾਰਾਜ ਦੀ ਕਿਰਪਾ ਨਾਲ ਸਾਕੇ ਸਬੰਧੀ ਅਰਦਾਸ ਸਮਾਗਮ ਕੀਤਾ ਗਿਆ।
ਜਿਸ ਵਿੱਚ ਭਾਈ ਬਲਦੇਵ ਸਿੰਘ ਵਡਾਲਾ, ਭਾਈ ਗੁਰਵਤਨ ਸਿੰਘ ਪੰਜਾਬ ਪ੍ਰਧਾਨ ਸਿੱਖ ਸਦਭਾਵਨਾਦਲ ਭਾਈ ਗੁਰਮੀਤ ਸਿੰਘ ਥੂਹੀ, ਭਾਈ ਅਵਤਾਰ ਸਿੰਘ ਖਾਲਸਾ, ਭਾਈ ਹਰਮਨਪ੍ਰੀਤ ਸਿੰਘ, ਭਾਈ ਅਰਵਿੰਦਰ ਸਿੰਘ, ਦਿਲਬਾਗ ਸਿੰਘ, ਸੂਬਾ ਸਿੰਘ, ਬਲਵੰਤ ਸਿੰਘ , ਮੋਹਨ ਸਿੰਘ, ਬਲਵਿੰਦਰ ਸਿੰਘ ਸਾਥੀਆਂ ਸਮੇਤ ਹਾਜਰੀ ਲਵਾਈ। ਭਾਈ ਪਰਮਜੀਤ ਸਿੰਘ, ਗਾਜੀਪੁਰ ਭਾਈ ਅਜੈਬ ਸਿੰਘ ਗਰਚਾ ਭਾਈ ਲਖਵਿੰਦਰ ਸਿੰਘ ਜੀ ਫੈਡਰੇਸ਼ਨ ਵਾਲਿਆਂ ਵੀ ਆਪਣੇ ਆਪਣੇ ਵਿਚਾਰ ਸਾਂਝੇ ਕੀਤੇ। ਜਿਸ ਦੌਰਾਨ ਭਾਈ ਵਡਾਲਾ ਨੇ ਕਿਹਾ 1986 ਵਿਚ 2 ਫਰਵਰੀ ਨੂੰ ਗੁਰਦੁਆਰਾ ਸ੍ਰੀ ਗੁਰੂ ਅਰਜੁਨ ਦੇਵ ਜੀ ਨਕੋਦਰ ਵਿਖੇ ਸ਼ਰਾਰਤੀ ਅਨਸਰਾਂ ਵੱਲੋਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਪਾਵਨ ਪੰਜ ਸਰੂਪ ਪੋਥੀਆਂ ਆਦਿਕ ਸਮਾਨ ਨੂੰ ਅੱਗ ਲਾ ਦਿੱਤੀ। ਜੋ ਗੁਰੂ ਸਾਹਿਬ ਜੀ ਦੀ ਭਵਿੱਖੀ ਹੋਂਦ ਤੇ ਹਮਲਾ ਸੀ ਬੇਅਦਬੀ ਸੀ ਸਿੱਖ ਭਾਵਨਾਵਾਂ ਨੂੰ ਮਾਨਸਿਕ ਤੌਰ ਤੇ ਪੀੜਤ ਕਰਨ ਵਾਲੀ ਗੱਲ ਸੀ।
