ਦੁੱਖੀ ਨੌਜਵਾਨ ਨੇ ਪ੍ਰਸਾਸ਼ਨ ਦੀ ਖੋਲ੍ਹੀ ਪੋਲ
ਤਲਵੰਡੀ: ਜਦੋਂ ਵੀ ਅਸੀਂ ਕੋਈ ਨਵੀਂ ਕਾਰ ਜਾਂ ਮੋਟਰਸਾਈਕਲ ਖਰੀਦਦੇ ਹਾਂ ਤਾਂ ਅਸੀਂ ਆਪਣਾ ਟੈਕਸ ਪਹਿਲਾਂ ਹੀ ਦੇ ਕੇ ਆਉਂਦੇ ਹਾਂ ਪਰ ਸਰਕਾਰ ਦੁਆਰਾ ਸੜਕਾਂ ਤੇ ਲੱਗੇ ਟੋਲ ਲੋਕਾਂ ਤੋਂ ਨਾਜਾਇਜ ਪੈਸੇ ਵਸੂਲ ਰਹੇ ਹਨ। ਮਾਮਲਾ ਤਲਵੰਡੀ ਟੋਲ ਪਲਾਜ਼ਾ ਦਾ ਹੈ ਜਿਥੇ ਕੁਝ ਸਮੇਂ ’ਚ ਹੀ ਟੋਲ ਪਲਾਜ਼ਾ ਨੇ ਰਾਹਗਿਰਾਂ ਤੋਂ 3 ਵਾਰ ਟੋਲ ਤੋਂ ਪੈਸੇ ਵਸੂਲੇ ਹਨ।
Toll Plaza
ਉਹਨਾਂ ਦਾ ਕਹਿਣਾ ਹੈ ਕਿ ਉਹਨਾਂ ਦਾ ਪਿੰਡ ਟੋਲ ਦੇ ਨਜ਼ਦੀਕ ਹੈ। ਉਹਨਾਂ ਨੂੰ ਰੋਜ਼ਾਨਾ ਆਉਣਾ ਜਾਣਾ ਪੈਂਦਾ ਹੈ ਜਿਸ ਕਾਰਨ ਹਰ ਵਾਰ ਟੋਲ ਵੀ ਦੇਣਾ ਪੈਂਦਾ ਹੈ। ਸਰਕਾਰ ਲੋਕਾਂ ਨਾਲ ਧੱਕਾ ਕਰ ਰਹੀ ਹੈ ਤੇ ਰਾਹਗੀਰਾਂ ਨੂੰ ਥੋੜੀ ਜਿਹੀ ਵੀ ਛੋਟ ਨਹੀਂ ਦਿੱਤੀ ਜਾਂਦੀ। ਟੋਲ ਪਲਾਜ਼ਾ ਤੋਂ ਇੰਨੇ ਪੈਸੇ ਇਕੱਠੇ ਹੋਣ ਦੇ ਬਾਵਜੂਦ ਵੀ ਸੜਕਾਂ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ।
Toll Plaza
ਨੌਜਵਾਨ ਨੇ ਅੱਗੇ ਕਿਹਾ ਕਿ ਸਰਕਾਰਾਂ ਵੱਲੋਂ ਬਹੁਤ ਹੀ ਵੱਡੇ ਪੱਧਰ ਤੇ ਲੋਕਾਂ ਨੂੰ ਰਗੜਾ ਲਗਾਇਆ ਜਾ ਰਿਹਾ ਹੈ। ਦਸ ਦਈਏ ਕਿ ਟੋਲ ਟੈਕਸ ਤੋਂ ਲੰਘਣ ਵਾਲਿਆਂ ਨੂੰ ਕੇਂਦਰ ਸਰਕਾਰ ਦੇ ਰਾਸ਼ਟਰੀ ਮਾਰਗ ਅਤੇ ਸੜਕ ਟਰਾਂਸਪੋਰਟ ਮੰਤਰਾਲੇ ਵੱਲੋਂ ਨਿਯਮ ਜਾਰੀ ਕੀਤਾ ਗਿਆ ਸੀ ਕਿ ਕੋਈ ਵੀ ਵਿਅਕਤੀ ਟੋਲ ਤੋਂ ਲੰਘਣ ਸਮੇਂ ਆਉਣ-ਜਾਣ ਦੀ ਇਕੋ ਪਰਚੀ ਨਹੀਂ ਕਟਵਾ ਸਕੇਗਾ।
Capt Amrinder Singh
ਹਰ ਵਾਰ ਨਵੀਂ ਪਰਚੀ ਕਟਵਾਉਣੀ ਪਏਗੀ। ਜਿਸ ਵਾਹਨ 'ਤੇ ਫਾਸਟ ਟੈਗ ਨਹੀਂ ਲੱਗਾ ਹੋਵੇਗਾ, ਉਸ ਤੋਂ ਵਾਰ-ਵਾਰ ਟੋਲ ਵਸੂਲ ਕੀਤਾ ਜਾਵੇਗਾ। ਜਿਹੜੇ ਵਾਹਨ ਕੈਸ਼ ਲੇਨ ਵਿਚੋਂ ਲੰਘਦੇ ਸਨ, ਪਹਿਲਾਂ ਉਹ ਟੋਲ ਤੋਂ ਲੰਘਣ ਲਈ ਆਉਣ-ਜਾਣ ਦੀ ਪਰਚੀ ਕਟਵਾ ਲੈਂਦੇ ਸਨ।
Narendra Modi
ਪਰ ਫਿਰ ਸਾਰੇ ਟੋਲ ਪਲਾਜ਼ਿਆਂ 'ਤੇ ਇਹ ਅਪ-ਡਾਊਨ ਦਾ ਪਰਚੀ ਸਿਸਟਮ ਬੰਦ ਕਰ ਦਿੱਤਾ ਗਿਆ ਸੀ। ਜੋ ਵਾਹਨ ਫਾਸਟ ਟੈਗ ਤੋਂ ਬਿਨਾਂ ਟੋਲ ਤੋਂ ਲੰਘੇਗਾ, ਉਸ ਨੂੰ ਓਨੀ ਵਾਰ ਹੀ ਟੋਲ ਦੇਣਾ ਪਵੇਗਾ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
