image
198 ਪਕਿਸਤਾਨੀ ਅੱਜ ਅਟਾਰੀ ਸਰਹੱਦ ਰਾਹੀਂ ਵਤਨ ਪਰਤੇ
ਅਟਾਰੀ, 3 ਸਤੰਬਰ (ਪਪ) : ਕਰੋਨਾ ਵਾਇਰਸ ਦੇ ਚਲਦਿਆਂ ਭਾਰਤ ਵਿਚ ਲੱਗੇ ਲਾਕਡਾਉਨ ਕਾਰਨ ਕਈ ਅਜਿਹੇ ਪਰਵਾਰ ਹਨ ਜੋ ਭਾਰਤ ਵਿਚ ਫਸ ਗਏ ਸਨ ਲੇਕਿਨ ਅੱਜ ਉਹ ਪਰਵਾਰ ਅਟਾਰੀ ਵਾਘਾ ਸਰਹਦ ਦੇ ਰਸਤੇ ਪਾਕਿਸਤਾਨ ਚਲੇ ਗਏ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਪੁਲਿਸ ਅਧਿਕਾਰੀਆਂ ਨੇ ਦਸਿਆ ਕਿ ਹੁਣ ਤਕ 503 ਪਾਕਿਸਤਾਨੀ ਲੋਕ ਅਪਣੇ ਵਤਨ ਵਾਪਸ ਜਾ ਚੁੱਕੇ ਹੈ ਅਤੇ ਅੱਜ ਕੁਲ 198 ਲੋਕ ਗਏ ਹਨ। ਕਈ ਅਜਿਹੇ ਪਾਕਿਸਤਾਨੀ ਪਰਵਾਰ ਹਨ ਜੋ ਸਰਹਦ ਸੀਲ ਹੋਣ ਦੇ ਬਾਅਦ ਭਾਰਤ ਵਿਚ ਫਸ ਗਏ ਸਨ ਅਤੇ ਕਈ ਭਾਰਤੀ ਅਜਿਹੇ ਹੈ ਜੋ ਹੁਣੇ ਵੀ ਪਾਕਿਸਤਾਨ ਵਿਚ ਫਸੇ ਹੋਏ ਹੈ। ਅੱਜ 198 ਪਾਕਿਸਤਾਨੀ ਲੋਕ ਅਟਾਰੀ ਵਾਘਾ ਸਰਹਦ ਰਾਹੀਂ ਪਾਕਿਸਤਾਨ ਗਏ। ਇਕ ਪਾਕਿਸਤਾਨੀ ਪਰਵਾਰ ਨੇ ਜਾਣਕਾਰੀ ਦਿੰਦਿਆਂ ਦਸਿਆ ਕਿ ਉਹ ਜਨਵਰੀ ਵਿਚ ਅਪਣੀ ਮਾਂ ਦੀ ਬੀਮਾਰੀ ਨੂੰ ਲੈ ਕੇ ਇਥੇ ਆਏ ਸਨ ਅਤੇ ਲਾਕਡਾਉਨ ਵਿਚ ਉਹ ਭਾਰਤ ਵਿਚ ਫਸ ਗਏ ਅਤੇ ਉਨ੍ਹਾਂ ਦੇ ਬੱਚੇ ਪਾਕਿਸਤਾਨ ਵਿਚ ਹਨ।
